Esekelo 1:3 - Baibo Busansulushi Bwa Libuku Ili

³ maswi a Mwaami Lesa akashinkila nebo neEsekelo nemupailishi mwanaakwe Busi ndindakalinga kuMulonga wa Keba mucishi ca bene Babiloni. Uko nkusu shakwe shakanselukila.

Esekelo 1:3 ပူးပေါင်းရင်းမြစ်များ

1 Baami 18:46

Nkusu sha Mwaami Lesa shakesa pali Elija wakapinka shakufwala shakwe mubukome akucica cakushiyaamo Aabu kuya mukushika kuJesiliilu.

2 Baami 3:15

Ono amunangweeteewo shikulisha kalumbu.” Ono shikulisha kalumbu ndyaakalinga kukalisha, nkusu sha Mwaami Lesa shakesa pali Elisha.

Kulumbaisha 137:1

Kunshaamilonga ya Babiloni, twakekala panshi akulila. Twakalila nditwakayeeya Siyoni.

Jelemiya 1:2

Mwaami Lesa wakaamba kuli nguwe mumwaaka wa likumi ayotatwe wa bwaami bwakwe Josiya mwanaakwe Amoni mwaami wa cishi ca Juda.

Jelemiya 1:4

Mwaami Lesa wakaŋambila ayi,

Jelemiya 29:15

“Ono mwebo inga mwaamba ayi, ‘Mwaami Lesa watupa balaluki muno muBabiloni.’

Esekelo 1:1

Mumwaaka wamakumi otatwe, mumweenshi wane pabushiku bwasanu ndindakalinga kwikala abasha kulubasu lwa Mulonga wa Keba mucishi ca Babiloni, liculu lyakacaluka. Mpeeke ndakabona shili anga nshiloto shakaswa kuli Lesa.

Esekelo 10:15

Bakelebu abo nsheshilengwa sheenka nshendakabonaawo kuMulonga wa Keba. Na bakelebu abo banyamuka kuswa panshi

Esekelo 12:13

Ndaakufungulula koombe kangu umo mweshi akacatwe akumuleta kundabala inene ya Babiloni. Sombi lakwe teshi akeeboneewo, nakubi boobo ulaakufwita nkomunya uko.

Esekelo 3:14

Lyalo Mushimu wakwe Lesa wakanyamuna akuntola. Ndakaya kaandi mubishi alimwi amoyo koocisa. Lyaansa lya nkusu lya Mwaami Lesa lyakalinga pali ndime.

Esekelo 3:15

Kuswawaawo ndakaya mukushika kuTelo Abibi kufwaafwi a Mulonga wa Keba uko kwakalinga kwikala basha. Kumusena uko ndakekalakobo nshiku shosanwe ashobilo kaancikankamana pasheesho nshendakabona.

Esekelo 3:22

Uko nkusu sha Mwaami Lesa shakanselukila. Mpeeke wakaŋambila ayi, “Nyamuka, koya kucinyika uko nkweshi nje mbandike awebo.”

Esekelo 3:23

Aboobo ndakanyamuka akuya kucinyika ico. Ono kulya ndakabona bulemu bwa Mwaami Lesa bweenka mbuli mbondakabona kuMulonga wa Keba. Ndindakabubona, ndakafukama cakushisha ciwa panshi.

Esekelo 33:22

Ono macolesha muntu uyo kaatana kushika, lyaansa lya Mwaami Lesa lyakancata. Lyalo bushiku bwakaboolaawo macuunsa muntu uyo ndyaakesa, ndakakonsha kwaamba alimwi.

Esekelo 37:1

Mpeeke nkusu sha Mwaami Lesa shakanselukila. Mushimu wakwe wakantola pakati ka cinyika ico cakalinga kuswitebo mafuwa.

Esekelo 40:1

Mumwaaka wamakumi obilo amyaaka yosanwe wa busha bwesu, pabushiku bwalikumi bwa mweenshi wakutaanguna mumwaaka, mumwaaka walikumi ayone ndabala ya Jelusalemu ndiyakawa, nkusu sha Mwaami Lesa shakanselukila akuntola.

Esekelo 43:3

Cili anga nciloto ici cakalingabo anga nceeco ncendakabona Lesa ndyaakesa mukunyonyoola ndabala inene ya Jelusalemu alimwi aceeco ncendakabona kuMulonga wa Keba. Aboobo ndakaliwaala panshi akushishaawo ciwa.

Esekelo 8:1

Pabushiku bwasanu, mumweenshi wasanu awomwi, mumwaaka wasanu awomwi, ndakalinga kushiite muŋanda yangu abamaloba ba bene Juda. Cakuteengashila, nkusu sha Mwaami Lesa Shinkusu shoonse shakanselukila.

Danyelo 10:4

Ono pabushiku bwa makumi obilo anshiiku shone bwa mweenshi wakutaanguna wa mwaaka, ndakalinga kwiimfwi kuloombe lwa Mulonga unene wa Tigilisi.

Osiya 1:1

Aya ngamaswi Lesa ngaakayubulula kuli ndime neOsiya mwanaakwe Biili, mubwaami bwakwe Usiya, Jotamu, Aasi, Esekiya bamaami ba bene Juda alimwi amubwakwe Jeloboamu mwanaakwe Jeoyashi mwaami wa bene Isilaeli.

Jowelo 1:1

Aya ngamaswi akaswa kuMwaami Lesa ayo akesa kuli Jowelo mwanaakwe Petuwelo.

1 Timoti 4:1

Ncakwiila Mushimu Usalashi ulaamba patuba ayi munshiku shitoosa bamwi balaakushiya lushomo. Balaakutalika kunookonkela mishimu ibeshi akwiisha kwa bashikaswa.

2 Pita 1:21

Mukwiinga balaluki bakulukulu tebakalinga kwaamba shakaswa mukuyanda kwabo beene, sombi bakalinga kutanjililwa aMushimu Usalashi ndibakalinga kwaamba maswi akwe Lesa.