Dutolonomi 9:9 - Baibo Busansulushi Bwa Libuku Ili

⁹ Ndindakatanta peculu lya kalundu kwaamba ayi ntambule mabwe obilo apampamene, apo pakalinga kulembetwe cipangano ico Mwaami Lesa ncaakapanga amwebo, ndakekala apo nshiku makumi one cakutalya nabi kunwaawo cimwi cintu.

Dutolonomi 9:9 ပူးပေါင်းရင်းမြစ်များ

1 Baami 19:8

Elija wakabuka walya akunwa. Lyalo cakulya cakamupa nkusu shakweenda nshiku makumi one kuya mukushika kuSinayi kalundu kasalalite.

2 Baami 6:22

Wakakumbula ayi, “Tau, sa inga mwacaya bashilumamba abo mbomwacata busha pakulwana? Sobwe, amubapebo shakulya ashakunwa akubaleka baboolele kumwaami wabo.”

Kulonga 24:12

Mwaami Lesa wakaambila Mose ayi, “Kosa tanta pakalundu pano mpoombete. Ono koocili waano, ntookupa mabwe obilo apampamene, apo mpondakalemba milawo amilasho yoonse kwaamba ayi bantu bakeeye nshebeelete kucita.”

Kulonga 24:15

Mose ndyaakatanta Kalundu ka Sinayi, kwakesa likumbi lyakafwekaawo pakalundu ako.

Kulonga 24:18

Lyalo Mose wakaya peene peculu lya kalundu akwinjila mulikumbi. Pakalundu apo, wakeekalawo nshiku shili makumi one, malumwi amashiku.

Kulonga 31:18

Ono Lesa ndyaakamana kulwiita Mose paKalundu ka Sinayi, wakamupa mabwe obilo apampamene alya, apo Lesa mwiine mpwaakalemba milawo.

Kulonga 32:1

Ono bantu ndibakabona ayi Mose wacelwa kuswa pakalundu, bakabungana kuli Aloni akumwaambila ayi, “Swebo tatwishi cacitika kuli Mose uyo wakatukusha mucishi ca Ijipiti. Paceebo ceeci tupangile lesa weshi atutanjilile.”

Kulonga 34:28

Mpeeke Mose wakekala kweenka uko aMwaami Lesa kwanshiku shili makumi one, nkokwaamba ayi malumwi amashiku, kaatali nabi kunwa cintu nabi comwi. Wakalemba maswi a cipangano ayo pamabwe apampamene. Maswi ngaakalemba njiMilawo ili Likumi.

Mateyo 4:2

Ndyaakamana kulikasha kulya kwa nshiku makumi one, malumwi amashiku, Jesu wakanyumfwa nsala.

Bene Galatiya 4:24

Makani aya ali anga ncikoshanyo. Banakashi bobilo aba baleemikanina shipangano shobilo. Umwi ulaswa kuKalundu ka Sinayi, nkokwaamba ayi nguAga alimwi bana bakwe mbasha.

Dutolonomi 8:3

Wakamukolesha nsala sombi wakamupa mana, cakulya ico mwebo abamashali banu bakulukulu ncemutana kulyaawo kale. Ici wakacicita kwaamba ayi amwiishe ayi cakulya ceenka teshi nceenga capa buumi muntu sombi amaswi oonse Mwaami Lesa ngaamba.

Dutolonomi 9:11

Ee, nshiiku makumi one ndishakeenda Mwaami Lesa wakampa mabwe obilo apo mpaakalemba cipangano.

Dutolonomi 9:15

“Aboobo ndakapiluluka akuseluka pakalundu, kaanjumwite mabwe obilo apampamene apo pakalinga kulembetwe cipangano. Mulilo wakalinga kubwenekete koobilima pakalundu.

Dutolonomi 9:18

Ono alimwi ndakafubama pameenso aMwaami Lesa kwanshiku makumi one cakutalya nabibo kaanshi. Ndakacita boobo ceebo mwakabishisha akukalasha Mwaami Lesa.

Bene Ebulu 9:4

Mucipinda ici, mwakalinga cipaililo ca golodi apo pakalinga kutentelwa tununkila kabotu alimwi aLibokoshi lya Cipangano ilyo lyakalinga lya mukuba peculu. MuLibokoshi ili mwakalinga mungomo wa golodi umo mwakalinga mana, inkoli yakwe Aloni iyo yakalinga yasonsa matewu alimwi amabwe obilo apampamene apo pakalinga kulembetwe Milawo.