Dutolonomi 9:7 - Baibo Busansulushi Bwa Libuku Ili

⁷ “Kuteelesha kuluba mbomwakalengesha Mwaami Lesa kukalala muluyanga. Kuswabo bushiku mbomwakaswa mucishi ca Ijipiti kushikila abushiku mbomwakashika waano mwakalinga kumwaalookila.

Dutolonomi 9:7 ပူးပေါင်းရင်းမြစ်များ

Kulonga 14:10

Ono bene Isilaeli ndibakabona mwaami Falawo alimwi abashilumamba bakwe kabaya kuli mbabo, bakaloonda abuumbi akulilila Mwaami Lesa ayi abacaafwe.

Kulonga 14:11

Bakaambila Mose ayi, “Sa mucishi ca Ijipiti temwakalinga shuumbwe? Sa wakatuletela kufwita momuno muluyanga? Bona ono nshewacita ceebo cakutukusha mucishi ca Ijipiti!

Kulonga 16:2

Muluyanga umo, boonse bakatalika kutongooka kuli Mose aAloni,

Kulonga 17:2

Paceebo ceeci bene Isilaeli bakatongookela Mose akwaamba ayi, “Tupe maanshi akunwa.” Mose wakabakumbula ayi, “Ino mutootongookelanshi? Mutokweelesheshanshi Mwaami Lesa?”

Kulonga 23:21

Mukanoomunyumfwila alimwi akukonkela nsheshi akanoomulwiita. Mutakamwaalukili, ceebo ndime ndamutuma alimwi na mukamwaalukile, teshi akamulekeleleewo.

Isaya 48:8

Tamuna kushinyumfwaawo nabi kushishibisha kuswabo lili alili. Ncakwiila kuswabo kale kale matwi akalinga kushinkite. Kutashomeka kwanu nebo ndikwishi, kuswabo ndimwakashalwa balamwaamba bwaashu.

Jelemiya 11:10

Bakapilukila kushibiibi sha bamashali babo bakulukulu abo bakalinga kukaka kunyumfwila maswi angu. Bakakonkela akusebensela balesa bamwi. Bene Isilaeli abene Juda boonse bakakaka kukonkela cipangano ncendakapanga abamashali babo bakulukulu.

Jelemiya 32:30

Kuswabo kale kale kushikila asunu bantu bene Isilaeli alimwi abene Juda tabankondeleshiwo, sobwe. Ncakwiila balasonkomona bukali bwangu kwiinda mushintu nshebacita.

Jelemiya 44:9

Sa mwaluba shibiibi shakacita bamashali banu bakulukulu, bamaami abamakaabo, mwebo abamakaanu mucishi ca Juda amumikwakwa ya muJelusalemu?

Esekelo 20:13

“ ‘Nakubi boobo bene Isilaeli bakangashukila muluyanga. Tabakwe kukonkela milasho yangu akukaka milawo yangu iyo ipa buumi kumuntu uyo wiinyumfwila. Bakabisha bushiku bomwi abomwi bwakookesha bwa Cibelu. Aboobo ndakalinga kulibambite kubalengesha kunyumfwa cilemeneshi ca bukali bwangu muluyanga.

Esekelo 20:43

Mpeeke mulaakuyeeya bwikaalo bwanu amicito iyo njemwakalibishishaamo akunyumfwa bunya ceebo ca bubi boonse ubo mbomwakacita.

Esekelo 20:8

“ ‘Sombi balo bakangashukila akukaka kunyumfwila. Tabakwe kusowa shibumbwabumbwa shilensha bunya isho nshebakalinga kusuni nabi kusuula balesa ba bene Ijipiti. Aboobo ndakalinga kulibambite kubalengesha kunyumfwa cilemeneshi ca bukali bwangu muIjipiti.

Esekelo 36:31

Lyalo mulaakwiibaluka nshila shanu shibiibi amicito yanu ibiibi alimwi mulaakulisenda ceebo ca shibiibi shanu ashintu nshemwakalinga kucita shilensha bunya.

Shakubelenga 11:4

Pamulongo wa bene Isilaeli pakalinga abaswamashi bamwi abo bakanyumfwa nkosha abuumbi, alimwi abalo bene Isilaeli boonse bakatalika kutongooka ayi, “Kubota bulya kulyawo nyama!

Shakubelenga 14:22

taaku nabi womwi pabaaba bantu eshi akashikeeko kucishi cilya. Bakabona bulemu bwangu alimwi ashaankamiko nshendakacita mucishi ca Ijipiti amuluyanga, sombi banjelesha lyobilo lyobilo akukaka kunyumfwila.

Shakubelenga 17:10

Kuswawaawo Mwaami Lesa wakaambila Mose ayi, “Boosha nkoli yakwe Aloni kunembo lya Libokoshi lya Cipangano. Ilyeelete kubikwa ayi njakucenjesha bene Isilaeli abo beshikubukila bamatanjilili ayi balaakufwa na kutongooka kwabo kubule kumana.”

Shakubelenga 21:5

akutalika kutongookela Lesa alimwi aMose. Bakaamba ayi, “Nciinshi ncemwakatukushisha mucishi ca Ijipiti ayi twise tufwite momuno muluyanga mutaamu shakulya nabi maanshi? Twalema kulya cakulya ici cibiibi!”

Shakubelenga 25:2

Banakashi abo bakeeta basankwa abo ayi bacanikwe pakusekelela kwa kupa milambu, uko nkobakalinga kulambilila balesa ba bene Moabu. Bene Isilaeli bakalya akulambila balesa abo.

1 Bene Kolinto 15:9

Ceebo nebo nshiindi mutumwi nabi womwi alimwi nsheeleteewo akwiitwa ayi mutumwi ceebo ndakalinga kupensha coonde cakwe Lesa.

Bene Efeso 2:11

Mwebo nobaswamashi bakunsengwe, amuyeeye mbuli mbomwakalinga kale kale. Bakalinga kumwiita ayi batapalwitwe, balo kabaliita ayi bapalwitwe, (ceebo ca kwishibila kwabo uko nkobacita pamibili yabo.)

Dutolonomi 31:27

Nebo ndishi bwaashu abushicimpamya mbobacite. Balo bakalinga kwaashukila Mwaami Lesa nebo kaancili muumi, ono cilaakweela kuli na nkafwe!

Dutolonomi 8:2

Amwiibaluke mwaami Lesa, Lesa wanu mbwaakamutanjilila mulweendo loonse lwa muluyanga lwa myaaka makumi one iyo yeenda. Wakalinga kumutumina makatasho mukumweelesha kwaamba ayi abone mpomwiimfwi alimwi na inga mwacikonsha kukonkela milawo yakwe.

Dutolonomi 9:24

Kuswabo paciindi ndindakamwishiba mulibo beshikwaalookila Mwaami Lesa.

Dutolonomi 9:4

“Mwaami Lesa aakumana kumutandilaamo bantu abo, mutakaambi ayi, ‘Wakatuleta mucishi ici mukwiinga ndiswe tweeleteemo,’ sobwe. Mwaami Lesa ulaakubatandaamo ceebo mbamucita shibi.