Dutolonomi 9:3 - Baibo Busansulushi Bwa Libuku Ili

³ Ono sunu nobeene mutoobona Mwaami Lesa, Lesa wanu utoomutanjilila abukali buli anga ngumulilo utoobilima. Unanooya cibakoma kunembo lyanu mwaakunooya, kwaamba ayi mukabatandeemo akubanyonyoola cakufwambaana mbuli mbwaakashomesha.

Dutolonomi 9:3 ပူးပေါင်းရင်းမြစ်များ

Kulonga 23:23

Mpomunyaawo munjelo wangu ulaakutanjila kunembo lyanu akumushisha mucishi ca bene Amoli, bene Iti, bene Pelisi, bene Kenani, bene Ifi alimwi abene Jebusi. Boonse abo ndaakubanyonyoola.

Isaya 27:4

Nebo nshikalaliteewo pamuunda uyo alimwi nimwalinga myuumfwa ashisonsoonya shitoonshinkilisha, naakwiinga ndeelwana akeembe kangu akwiitenta cakumaninina.

Isaya 30:27

Amubone bulemu bwa Mwaami Lesa bulabonekelabo kulaale. Mwaami Lesa ulatondesha bukali bwakwe mumulilo, alimwi amulikumbi lya bwiishi. Milomo yakwe itootutumabo kubukali aalo maswi akwe alibo anga ngumulilo unyonyoola.

Isaya 30:30

Mwaami Lesa ulaakulengesha bantu kunyumfwa liswi lyakwe lya bwaami. Ulaakubalengesha kubona lyaansa lyakwe lya bukali kalisa pali mbabo. Lilaakwisa abukali buyoosha, mumulilo unyonyoola kukwamooka kwa makumbi alimwi amfuula ya mankalunkalu.

Isaya 30:33

Musena wakutentelaako shintu wakabambwabo kale kale. Uko kweenka nkweshi kukabe mulilo wakutentelaamo mwaami wa bene Asilya. Cilindi ca mulilo uyo cakalongola alimwi ncinene. Cilindi ico cilicite nkuni shiinji abuumbi. Ono kuyoya kwa Mwaami Lesa, uko kuli anga ngumulilo wa salufa, nkweshi kukakumike mulilo pankuni isho.

Isaya 33:14

Bamucita shibi muSiyoni baloonda, ee, batalemeki Lesa batootutumabo kuboowa. Batokwaamba ayi, “Anu ngani pakati kesu weenga wapuluka mumulilo ulya unyonyoola? Anu ngani pakati kesu weenga kaacili muumi mumulilo utamaani?”

Mika 2:13

Lesa ngweshi akabacalwite nshila akubatanjilila kuswa mubusha. Balaakupasula mwinjililo akuswaamo umo. Mwaami wabo ulaakutaanguna kupula. Ee, Mwaami Lesa ngweshi akabe kunembo lyabo.

Mateyo 15:10

Jesu wakeeta bantu baanji baanji balya akubaambila ayi, “Amukutike alimwi munyumfwishishe!

Maako 7:14

Lyalo Jesu wakeeta alimwi bantu abo akubalwiita ayi, “Amukutike sheesho nshentoomwaambila noonse alimwi munyumfwishishe.

Bene Loma 8:31

Pasheebo shoonse ishi inga twaamboonshi? Na Lesa ulatusuminisha ngani weenga watupikisha? Taaku nabi womwi.

Bene Efeso 5:17

Paceebo ceeco mutabi anga mbantu baluya, sombi amweeleshe kwishiba sheesho Mwaami Lesa nshaasuni ayi mucite.

Dutolonomi 1:30

Mwaami Lesa, Lesa wanu utoomutanjilila alimwi utoomulwaninaako bweenka mbomwakabona kaacita muIjipiti

Dutolonomi 20:1

“Na mutooya mukulwana abalwani banu, ono mwaboona ayi balicite maaki aanji, shikoci shiinji alimwi bashilumamba baanji kwiinda banenu, tamweelete kubaloonda. Mwaami Lesa, Lesa wanu uyo wakamukusha mucishi ca Ijipiti, ulaakuba amwebo.

Dutolonomi 20:4

Mwaami Lesa, Lesa wanu utooya amwebo alimwi akulengesha ayi mubakoome.’

Dutolonomi 4:24

Mukwiinga Mwaami Lesa, Lesa wanu ngumukali anga ngumulilo utoobilima. Ngushibusuba kubaabo balambila balesa bamwi.

Dutolonomi 7:16

Mukanyonyoole mishobo ili yoonse Mwaami Lesa njeshi akaabe mumaansa anu. Mutakabanyumfwili nkumbu alimwi mutakalambili balesa babo, ceebo ico inga camucaisha.

Dutolonomi 7:22

Mwaami Lesa, Lesa wanu ulaakutanda mishobo iyo kuswa kunembo lyanu paniininiini. Teshi mukasuminishikwe kunyonyoola yoonse paciindi comwi ceebo banyama bamuluundu inga bamufulila cakumulengesha boowa.

Dutolonomi 9:6

Anu mwishibe ayi Mwaami Lesa taatoomupa cishi cibotu ici ceebo cakwaamba ayi cilimweelete, sobwe. Kwaambabo lushinisho mwebo muli bantu beshicimpamya.

2 Bene Tesalonika 1:8

Ulaakwisa amulilo weshi ukanoobilima akutondesha bukali bwakwe kubakaka kwishiba Lesa abaabo bakaka kukonkela shaamba Makani Abotu a paMwaami wesu Jesu.

Bene Ebulu 12:29

Mukwiinga Lesa wesu ncakwiila ngumulilo unyonyoola.

Joshuwa 11:12

Anu Joshuwa wakabwesa mandabala anene oonse ayo akwaanyonyoola. Wakacaya bamaami ba ngawo amipeeni kweelana abwakaamba Mose musebenshi wa Mwaami Lesa.

Joshuwa 11:8

Ncakwiila Mwaami Lesa wakalengesha ayi bene Isilaeli bakome. Mpeeke bakabatandaanya kuya kuSidoni, kuMisilefoti Maimu, kuya mukweela akwicwe lya Cinyika ca Misipa. Taaku nabi womwi wakapuluka.

Joshuwa 14:12

Anu amumpe cishi ca tulundu ici Mwaami Lesa ncaakanshomesha pabushiku bulya. Mwebo nobeene mwakanyumfwa ayi nkokuli basankwa bapolomene beetwa ayi bene Anaki, alimwi mandabalaabo anene ali mumalinga anene. Sombi munkusu sha Mwaami Lesa mwiine, ndaakubatandaamo kweelana ambwaakaamba.”

Joshuwa 3:11

Amubone Libokoshi lya Cipangano lya Mwaami Lesa wa cishi ca panshi coonse litootaanguna kwinjila muMulonga wa Joodani.

Joshuwa 3:14

Ono bantu ndibakapalangana pamisumba ayi basubuke Mulonga wa Joodani, bapailishi bakalinga kuyumwite Libokoshi lya Cipangano bakatanjila kunembo lyabo.

Boomboloshi 4:14

Mpomunyaawo Debola wakaambila Balaki ayi, “Nyamuka, koya ceebo sunu mbobushiku Mwaami Lesa mbwaaba Sisela mumaansaako. Ncakwiila Mwaami Lesa utookutanjilila.” Aboobo Balaki wakakunkuluka kuswa paKalundu ka Tabo abashilumamba bakwe bali 10,000.