Dutolonomi 9:2 - Baibo Busansulushi Bwa Libuku Ili

² Bantu baliimo mbalaamfu alimwi mbeshinkusu. Bantu abo mbamulunyungu lwakwe Anaki. Mwakanyumfwaawo kacaambwa ayi, ‘Anu ngani weenga walwana abamulunyungu lwakwe Anaki?’

Dutolonomi 9:2 ပူးပေါင်းရင်းမြစ်များ

Jobo 11:10

“Ono na Lesa wakucata akukoombolosha, anu ngani weenga wakonsha kumukasha?

Kulonga 9:11

Beshimampelampela boonse cakaala kuya kuli Mose ceebo bakalinga kuswitebo shuute pamibili bweenka mbuli bene Ijipiti bamwi boonse.

Danyelo 11:16

Mwaami wa bene Silya uyo weshi akabalwaane ulaakucita cili coonse ncaasuni. Taaku muntu nabi womwi weshi akakonshe kumulwana. Ulaakwikala muCishi Cakashomeshekwa alimwi cishi ico coonse kacili mumaansaakwe.

Danyelo 8:4

Ndakeebela mbelele isankwa iyo keetatukila banyama bamwi kumbo, kumatwa alimwi akumalenge. Taaku munyama wakalinga kukonsha kuyiimika nabi kufuna umwi kuswa munkusu sha njiyo. Yakalinga kucitabo kulilabo nceensuni akuba abulemu.

Amosi 2:9

“Nakubi boobo ndakanyonyoola bene Amoli ceebo cabo. Bene Amoli bakalinga balaamfu anga nshisamu sha sida, alimwi bayumu anga njimibanga. Ndakanyonyoola shisepo shabo akunyonyoola miyanda yabo panshi peene.

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.

Shakubelenga 13:22

Bakataanguna kuya kumalenge a cishi akushika kuEbuloni, uko kwakalinga kwikala shipani sha bene Ayimani, Sheshayi alimwi aTalimayi, bamulunyungu lwa bantu bapolomene beetwa ayi Anakimu. Ndabala ya Ebuloni ndiyakayakwa, pakeenda myaaka yosanwe ayobilo ayi iyakwe ndabala ya Soani mucishi ca Ijipiti.

Shakubelenga 13:28

Sombi bantu bekalaamo balicite nkusu, amandabalaabo anene nganene abuumbi alimwi alicite malinga abotu. Teshi ceeco ceenka, sombi twakacana abamulunyungu lwa bantu bapolomene nkomunya uko.

Shakubelenga 13:33

alimwi twakabona abantu bapolomene, bamulunyungu lwakwe Anaki. Swebo twakalinga kulibona kuceya anga mbateete, alimwi ncakwiila mbotwakalinga kuboneka mbweeke ubo kuli mbabo.”

Dutolonomi 1:28

Nceebonshi nceenga twaitako uko? Twaloonda. Basankwa mbotwakatumaako bakatulwiita ayi bantu bali kooko balishimpite alimwi mbalaamfu abuumbi kwiinda ndiswe. Balekala mumandabala anene acite lubumbu lulaamfu abuumbi. Bakabonaako abamulunyungu lwa bantu bapolomene beetwa ayi Anakimu!’

Dutolonomi 2:21

Abalo bakalinga balaamfu anga mbaAnakimu. Bakalinga baanji alimwi bakalinga lusubo lwa nkusu. Sombi Mwaami Lesa wakabanyonyoola kunembo lya bene Amoni abo bakabatanda mucishi cabo akwikalaamo mbabo.

Dutolonomi 7:24

Ulaakwaaba bamaami babo mumaansa anu. Mulaakubacaya alimwi akulobya meenaabo. Taaku eshi akakonshe kumukoma. Ncakwiila mulaakubanyonyoola boonse.

Joshuwa 11:21

Paciindi ico Joshuwa wakaya mukunyonyoola bantu bapolomene bakalinga kwiitwa ayi bene Anaki mucishi ca tulundu ca Ebuloni, Debe alimwi aAnabu, kuswa kucishi ca tulundu coonse ca Juda alimwi aca Isilaeli. Joshuwa ncakwiila wakabanyonyoola boonse pantu pomwi amandabalaabo anene.

Joshuwa 11:22

Taaku mwine Anaki nabi womwi wakacaala kaayoya mucishi coonse ca Isilaeli. Mwakacaalabo bakamwikamwi muGasa, Gati alimwi amuAshidodi.

Joshuwa 15:14

Mpeeke Kalebu wakatanda bamulunyungu lwakwe Anaki botatwe kuswa mundabala inene ya Ebuloni. Wakatandamo Sheshayi, Ayimani alimwi aTalimayi, bamulunyungu lwakwe Anaki.