Dutolonomi 8:7 - Baibo Busansulushi Bwa Libuku Ili

⁷ Mwaami Lesa, Lesa wanu utoomutola mucishi cicite bulongo bubotu, cishi cicite milonga atuntupu alimwi atulonga twa panshi uto tupulila mushinyika amunshaatulundu.

Dutolonomi 8:7 ပူးပေါင်းရင်းမြစ်များ

Matalikilo 49:11

Ulaanga mwanaambongolo kucisamu ca munyansa, munyansa ubotu abuumbi. Ulacapa shakufwala shakwe muwaini usalala, mumaanshi aminyansa asalala anga mbulowa.

2 Baami 18:32

Mulaakunoocita boobo kushikila mwaami wa bene Asilya akamukalike mucishi ico cili anga ncishi canu, uko kuli minyansa yakutyanako waini alimwi kuli ashili anga ngamaila akupangisha shinkwa. Ico ncishi ca maolifi, mafuta a olifi alimwi abuuci. Na mucite shoonse nsheshi akamulwiite, teshi mukafwe. Esekiya atamubeeci ayi Mwaami Lesa ulaakumupulusha.

Kulumbaisha 104:10

Mulalengesha tuntupu kukusha maanshi ayo akunkila mushinyika. Mulalengesha milonga kukunkila pakati ka tulundu.

Kulumbaisha 106:24

Mpomunyaawo bakanyansha cishi ico cibotu abuumbi, mukwiinga tabakwe kushoma kushomesha kwakwe Lesa.

Kulonga 3:8

Aboobo ndesa mukubafuna mumaansa a bene Ijipiti akubakusha mucishi ca Ijipiti, kubatola mucishi cibotu cinene. Mucishi ico muli bubile abulongo bubotu, umo mwikala bene Kenani, bene Iti, bene Amoli, bene Pelisi alimwi abene Jebusi.

Isaya 36:17

Mulaakunoocita boobo kushikila mwaami wa bene Asilya akamukalike mucishi ico cili anga ncishi canu, uko kuli minyansa yakutyanako waini alimwi kuli ashili anga ngamaila shakupangisha shinkwa.

Isaya 5:1

Ntokwiimbila wooyo ngoonsuni lwiimbo lwaamba pamuunda wakwe wa minyansa. Usunikwi wangu wakalinga kucite muunda wa minyansa, palubasu lwa kalundu pakalinga mboleshi.

Jelemiya 2:7

Ndakamuleta mucishi ca mboleshi kwaamba ayi mulye shisepo abutebushi kuswa muli ncico. Sombi ndimwakenjilaamo mwakacilengesha kutanoosalalite, ncakwiila mwakalengesha cishi cangu kulensha bunya.

Esekelo 17:5

Wakabwesa ambuuto shimwi sha mucishi canu akuya mukushanga kuli bulongo bucite mboleshi. Wakaya mukucishanga anga ncisamu ca masompe munshaamaanshi aanji.

Esekelo 20:6

Pabushiku ubo ndakashomesha cakulumbila kuli mbabo ayi ndaakubakusha mucishi ca Ijipiti akubatola kucishi ico ncendakabasalila, cishi umo muli bubile abulongo bubotu ico ciinda cishi cimwi cili coonse kubota.

Dutolonomi 8:6

Ono aboobo amucite kweelana aMwaami Lesa mbwaamwaambila, nkokwaamba ayi kwikala kweelana amilawo yakwe akumulemeka.

Dutolonomi 8:8

Ncishi cilimwa witi, bale, minyansa, nkuyu, mapomegilaneti, maolifi, alimwi momuswa buuci.

Boomboloshi 18:10

Mwashika, mulacana ayi mbantu bashiite cakuliiba. Cishi ico ncinene alimwi Lesa wacaaba kale mumaansaanu. Taaku kantu katamo mucishi ico.”