Dutolonomi 8:5 - Baibo Busansulushi Bwa Libuku Ili

⁵ Amwishibe kwaamba ayi Mwaami Lesa, Lesa wanu ulamululika akumupa mulandu bweenka mbuli mushali mbwaaisha bana bakwe ayi bacileke kubisha.

Dutolonomi 8:5 ပူးပေါင်းရင်းမြစ်များ

2 Samwelo 7:14

Ndaakuba baishi alakwe ulaakuba mwanaangu. Na walubisha, ndaakunoomukwipa bweenka mushali mbwaakwipa mwanaakwe.

Kulumbaisha 89:32

ndaakubapa mulandu akuboomisha nkoli ceebo ca shibiibi shabo. Ndaakubapensha mukubakwipa amusako ceebo ca shilubo shabo.

Kulumbaisha 94:12

NoBaami baLesa ulicite coolwe uyo ngomupa milasho, ncakwiila uyo ngomwiisha milawo yanu yoonse.

Tushimpi 13:24

Uyo utoomi mwanaakwe amusako, ingayi taamusuniiwo, sombi uyo umusuni ulamululika.

Tushimpi 3:11

Omwanaangu, utanyanshi kululamika kwa Mwaami Lesa, nabi kuba amfundilishi mumoyo na kaakukalalila.

Tushimpi 3:12

Ceebo Mwaami Lesa ulalulamika muntu woonse ngwaasuni, bweenka mushali musankwa mbwaalulika mwanaakwe uyo umusangalasha.

Shikushimikila 7:14

Na shintu shakweendela kabotu, kosekelela. Ono na shakweendela cibiibi, ibaluka kwaamba ayi Lesa ulalengesha shintu shobilo isho kucitika. Aboobo muntu taakoonshi kwishiba buumi bwakwe bwakunembo.

Isaya 1:3

Amubone ŋombe ilishi mwineyo ayalo mbongolo ilishi wiisanina. Sombi bantu bangu bene Isilaeli tabenshiiwo, ncakwiila bantu bangu tabanyumfwi.”

Esekelo 12:3

“Paceebo ceeco webo omuntu, longela shintu shako anga ngumuntu utooya mubusha. Ono lumwi lubala, boonse kabakubwene, ukanyamuke kuswa kooko nkoobete akuya kumusena umwi. Mpashi inga beshiba nakubi kwaamba ayi mbantu baashu.

Esekelo 18:28

Ulaakuba abuumi ceebo wakayeeya shilubo shoonse nshaacita akushileka, ndushinisho teshi akafweewo.

1 Bene Kolinto 11:32

Sombi Lesa ulatoombolosha akutondesha bukali bwakwe kwaamba ayi tutakacailwi pantu pomwi abatashomi nguwe.

Dutolonomi 1:31

amuluyanga. Mwakabona mbwaakamweensha kabotu lweendo loonse kushika pamusena pano, bweenkabo mbuli mushali musankwa mbweenga wanyamuna mwanaakwe musankwa.’

Dutolonomi 4:23

Mutakeeleshi kuluba cipangano ico Mwaami Lesa, Lesa wanu ncaakapanga amwebo. Amukonkele milawo yakwe kwaamba ayi mutakalipangili cibumbwabumbwa ca mushobo uli woonse.

Dutolonomi 4:36

Wakamusuminisha kunyumfwa liswi lyakwe kuswa kwiculu kwaamba ayi amupe milasho, alimwi pano pacishi ca panshi wakamusuminisha kwaamba ayi mubone mulilo wakwe usalalite, akubandika kuli ndimwe mumulilo uyo.

Dutolonomi 4:9

Amucenjele! Amushinishe ayi teshi mukaluube kulilabo kamucili boomi, isho nshemwakabona ameenso anu nobeene. Mukaambileeko bana banu abashikulu banu

Dutolonomi 8:6

Ono aboobo amucite kweelana aMwaami Lesa mbwaamwaambila, nkokwaamba ayi kwikala kweelana amilawo yakwe akumulemeka.

Ciyubululo 3:19

Abo mboonsuni ndabakalalila akubapa mulandu. Aboobo yuminina abuumbi, usanduke kuswa kushibiibi shako.