Dutolonomi 8:2 - Baibo Busansulushi Bwa Libuku Ili

² Amwiibaluke mwaami Lesa, Lesa wanu mbwaakamutanjilila mulweendo loonse lwa muluyanga lwa myaaka makumi one iyo yeenda. Wakalinga kumutumina makatasho mukumweelesha kwaamba ayi abone mpomwiimfwi alimwi na inga mwacikonsha kukonkela milawo yakwe.

Dutolonomi 8:2 ပူးပေါင်းရင်းမြစ်များ

Matalikilo 22:1

Mukuya kwanshiku Lesa wakeelesha lushomo lwakwe Abulaamu. Wakamwiita ayi, “Abulaamu!” Alakwe wakakumbula ayi, “Nkambo!”

2 Makani 32:31

Beshikwiimikanina bamaami ba bene Babiloni ndibakesa mukwiipusha shacitondesho ca nkusu sha kwiculu ico cakacitika mucishi, Lesa wakamulekabo ayi acite mbwaasuni kwaamba ayi abone na inga watolelela kushomeka.

2 Makani 33:12

Mukupenga kwakwe wakaliceesha akusandukila kuMwaami Lesa, Lesa wakwe akumusenga ayi amucaafwe.

2 Makani 33:19

Mupailo wakwe akukumbula kwakwe Lesa, shibiibi nshaakacita kaatana kusanduka, nkokwaamba ayi bubi mbwaakacita, misena yakulambililaako ya patulundu, shikoshanyo shakwe Ashela lesa mwanakashi isho nshaakapanga alimwi ashibumbwabumbwa nshaakalinga kulambila, shoonse shililembetwe mulibuku lya balaluki.

Neyemiya 9:19

Sombi tamukwe kubafutatila muluyanga umo ceebo nkumbu shanu shilakankamika abuumbi. Likumbi talikwe kucileka kubatanjilila munshila yabo malumwi nabi mulilo mashiku kucileka kumunikila nshila njebeelete kutola.

Jobo 33:17

Lesa ulabaambila ayi baswe mushibiibi shabo alimwi akubakasha ayi batanoolisumpula.

Kulumbaisha 103:2

Omoyo wangu lumbaisha Mwaami Lesa! Utalubiiko nkumbu shakwe shoonse.

Kulumbaisha 106:7

Bamashali besu bakulukulu ndibakalinga muIjipiti, tabakwe kubikaako maano kushaankamiko shakacita Lesa. Bakalubaako kufula kwa mankanda ngwaakabanyumfwila nkumbu. Bakamubukila kuLweenge Lusalala lulya.

Kulumbaisha 136:16

Wakatanjilila bantu bakwe muluyanga, ee, mukwiinga lusuno lwakwe ndwamuyayaya.

Kulumbaisha 77:11

Mwaami Lesa ndaakwiingashila milimo yanu ya nkusu. Ee, ndaakwiibaluka shaankamiko shoonse nshemwakacita kalekale.

Kulumbaisha 81:7

Ndimwakalinga mumapensho mwakandilila, lyalo ndakamufuna. Ndakamukumbula kaandi mumakumbi a mfula. Ndakamweelesha kumaanshi a kuMeliba.

Kulonga 15:25

Lakwe Mose wakapaila abuumbi kuMwaami Lesa, mpeeke Mwaami Lesa wakamubonesha kasamu, lyalo Mose wakakawaala mumaanshi mpomunyaawo maanshi akaba kabotu. Apo Mwaami Lesa wakabapa mulawo amulasho alimwi apo peenka wakabeelesha.

Kulonga 16:35

Bene Isilaeli bakalinga kulya mana kwamyaaka ili makumi one tibili ndibakashika mucishi mwakalinga kwikala bantu. Bakalinga kulya mana tibili ndibakashika kunyinsa ya cishi ca Kenani.

Kulonga 16:4

Mpeeke Mwaami Lesa wakaambila Mose ayi, “Ono ntoomuloshesha shakulya kuswa kwiculu ayi noonse mukwane. Bantu boonse balyeelete kuya mukubwesa shakulya lyoonse isho nsheenga bakumana pabushiku ubo. Munshila yeeyi, inga ndabeelesha akwishiba na inga bakonkela milasho yangu.

Kulonga 20:20

Mose wakabakumbula ayi, “Mutaloondi, mukwiinga Lesa wesabo mukumweelesha akulengesha ayi mutolelele kumunyumfwila kwaamba ayi mutakabishi.”

Tushimpi 17:3

Silifa uleeleshelwa munongo inene pamulilo, mumunyumbi muleeleshelwa golodi, sombi moyo wa muntu uleeleshekwa aMwaami Lesa.

Isaya 2:17

Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.

Jelemiya 2:6

Tabakwe kwiipushawo ayi, ‘Ino uli kuli Mwaami Lesa uyo wakatukusha muIjipiti akutwiinsha mucishi citacite ashimenaamo. Ncakwiila ncishi camayanga ashicengo sha mabwe ee, cishi ciyumu nta alimwi camunshinshe, muteendi nabi kwikala bantu.’

Esekelo 20:19

Nebo ndime Mwaami Lesa, Lesa wanu, amukonkele milasho yangu alimwi akubona kwaamba ayi mutoolama kabotu milawo yangu.

Amosi 2:10

“Mwebo ndakamukusha mucishi ca Ijipiti akumwiinsha mucishi citacite maanshi kwamyaaka makumi one kwaamba ayi nkamupe cishi ca bene Amoni.

Shakubelenga 14:33

Bana banu balaakwiingaila muluyanga kwamyaaka ili makumi one, kabapenga ceebo ca kutashomeka kwanu kushikila wakweelaako pali ndimwe akafwe.

Luka 18:14

Ntoomulwiita ayi musonkeshi wakaboola kumishaabo kaaluleme pameenso akwe Lesa kuteshi muFalisi. Mukwiinga uyo woonse ulisumpula, ulaakuceeshekwa. Awooyo uliceesha, ulaakusumpulwa.”

Joni 2:25

Taakalinga kulindila ayi umwi muntu amulwiite shabuumi bwa bantu mukwiinga wakalinga kwishi mwiine shili mumyoyo yabo.

Dutolonomi 1:3

Pabushiku butaanshi bwa mweenshi wa likumi awomwi mumwaaka wa makumi one kuswa ndibakaswa mucishi ca Ijipiti, Mose wakabalwiita shoonse Mwaami Lesa nshaakamulasha ayi abalwiite.

Dutolonomi 1:33

Wakamutanjilila mulweendo lwanu mulicincilo lya mulilo mashiku alimwi mulicincilo malumwi. Wakalinga kumuyandweeta misena yakuyakawo misumba akumutondesha nshila njemweelete kwiinda.

Dutolonomi 13:3

mutakamunyumfwili napaceyi. Mulyeelete kwishiba ayi Mwaami Lesa, Lesa wanu utoosebensesha muntu uyo kwaamba ayi amweeleshe akubona na ncakwiila mulimusuni amyoyo yanu yoonse alimwi abuumi bwanu boonse.

Dutolonomi 2:7

“Amwiibaluke Mwaami Lesa mbwaamupa coolwe mushintu shoonse nshemwakacita. Wakamulama ndimwakalinga kwiingooka muluyanga ulu lutabwenekete ankolweela. Wakalingaanu myaaka yoonse makumi one alimwi shoonse shakalinga kuyandika, mwakabaasho.

Dutolonomi 29:5

Kwamyaaka ili makumi one iyo Mwaami Lesa njaakamutanjilila muluyanga, shakufwala nabi nkwabilo shanu tashikwe kukwamookaawo.

Dutolonomi 32:7

“Amwiibaluke nshiku shakalekale, muyeeye mashalane akulukulu. Mukeepushe bamaishiwanu bakamulwiite, mukeepushe bamanene bakamusansulwite.

Dutolonomi 7:18

Kutabaloonda. Amwiibaluke Mwaami Lesa, Lesa wanu mbwaakacita kuli Falawo, mwaami wa Ijipiti abantu bakwe boonse.

Dutolonomi 8:16

Muluyanga wakamupa mana kwaamba ayi mulye, cakulya citana kulyaawo bamashali banu bakulukulu. Wakatuma makatasho pali ndimwe ayi amweeleshe, kwaamba ayi kumeelelesho akamuboteshele shintu shoonse.

Jemusi 1:3

mukwiinga mulishi kwaamba ayi na mwayuminina kushoma ciindi ndimutoosunkwa muleeya kutaboola pesule.

Jemusi 4:10

Amuliceeshe pameenso a Mwaami Lesa, lakwe ulaakumusumpula.

Jemusi 4:6

Sombi Lesa ulatupa luse lwakushikoma. Nceceeco Malembo ncaambila ayi, “Lesa ulakaka bantu balisumpula sombi ulapa luse kubaabo baliceesha.”

1 Pita 1:7

kwaamba ayi lushomo ndomucite lweeleshekwe akuboneka ayi ndwaalushinisho. Mukwiinga bweenka golodi, ukonsha kunyonyoolwa, mboweeleshekwa mumulilo alushomo ndomucite, ulo lwiinda pagolodi, mbolucitwa mumasunko. Lyalo Lesa ulaakumulumbaisha akumupa bulemu pabushiku Jesu Klistu aakuyubululwa.

Ciyubululo 2:23

alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.

Boomboloshi 2:22

Anu munshila iyi ndaakubeelesha akubona na balaakunookonkela nshila shangu kweelana abwakalinga kucita bamashali babo bakulukulu.”

Boomboloshi 3:4

Ncaakabalekela nkwaamba ayi abone na bene Isilaeli inga bakonkela milawo Mwaami Lesa njaakapa bamashali babo bakulukulu kwiinda muli Mose.