Dutolonomi 8:18 - Baibo Busansulushi Bwa Libuku Ili

¹⁸ Amwiibaluke kwaamba ayi nguMwaami Lesa, Lesa wanu uyo umupa nkusu shakuba abuboni ubo. Ulacita boobo ceebo kushikila asunu ucishomeka kweelana acipangano ncaakashomesha cakulumbila kubamashali banu bakulukulu.

Dutolonomi 8:18 ပူးပေါင်းရင်းမြစ်များ

Matalikilo 32:14

mpongo shanakashi myaanda yobilo, bapeepe makumi obilo, mbelele shanakashi shili myaanda yobilo, shisankwa makumi obilo,

1 Makani 29:12

Bubile abulemu shilaswa kuli ndimwe. Ndimwe mulela shintu shoonse. Nkusu shili mumaansaanu shakusumpula muntu akumuyumya.

2 Makani 25:9

Lyalo Amasiya wakeepusha mulaluki ayi, “Ino citooba buyani pasilifa ngondalipilila kale bashilumamba bene Isilaeli aba?” Mulaluki wakakumbula ayi, “Mwaami Lesa ulaakumupa uunji kwiinda wooyo!”

Kulumbaisha 144:1

Aalumbaishikwe Mwaami Lesa Mwaandami wangu, uyo wiisha maansaangu kulibambila kulwana, aminwe yangu kulibambila nkondo.

Kulumbaisha 44:3

Bantu banu tabakwe kukoma bamucishi ico kwiinda mumipeeni yabo, sobwe. Ncakwiila teshi nkusu shabo shakalengesha ayi bakome. Sombi nkwiinda munkusu sha lyaansa lyanu lyalulyo abulemu bwanu butowa. Mwakacita boobo mukwiinga mwakalinga kubasuni.

Tushimpi 10:22

Coolwe ciswa kuMwaami Lesa ncecipa muntu kubila, alimwi milimo ya muntu uyo teekoonshi kwiilikaawo cili coonse.

Shikushimikila 12:1

Koibaluka Mulengi wako koocili cikula bwangu nshiku sha mapensho kashitana kushikila mukwiinga ciindi citoosa ndyeshi ukanokwaamba ayi, “Bwikaalo tabutoonsangalashaawo.”

Shikushimikila 9:11

Kuli acimwi cintu ncendakabona pacishi ca panshi. Mulubilo lwakushiyana teshibo baabo boobite kumyeendo bashiya bamwi. Teshibo bayumu bakoma munkondo. Teshi basongo bacana shakulya lyoonse. Teshi bacenjete bacana buboni lyoonse alimwi teshi beeite basumpuka lyoonse, sombi boonse balashamwa pashiindi shipusenepusene.

Jelemiya 23:27

Balo balayeeya ayi maloto abo ngobalwiitana alaakulengesha bantu bangu kuluba liina lyangu bweenka bamashali babo bakulukulu mbobakandubaako ceebo cakulambila Baali.

Osiya 2:8

“Tabakwe kwishiba kwaamba ayi ndime ndakabapa shili anga ngamaila, waini amafuta a olifi. Ncakwiila ndime ndakabapa silifa agolodi isho nshaakalinga kusebensesha kulambila Baali.

Dutolonomi 26:10

Ono ndaleeta shakulya shitaanshi kutebulwa isho Mwaami Lesa nshaakampa.’ “Lyalo mukabike mutaanga uyo kunembo lya Mwaami Lesa, Lesa wanu akumulambila.

Dutolonomi 6:11

Maanda alaakunooswitebo shintu shiinji shibotu nshemutakwe kubikaamo mwebo. Mulaakuba amikalo ikabitwe kale, myuunda ya minyansa aya maolifi mwebo njemutakwe kulima. Ono Mwaami Lesa aakumwinjisha mucishi ico, umo mweshi mukabe ashoonse nshemusuni kulya,

Dutolonomi 7:12

“Na munyumfwe akukukonkela milawo iyi cakushomeka, Mwaami Lesa wanu ulaakutolelela kulama cipangano cakwe amwebo alimwi ulaakumutondesha lusuno lwakwe ulo lubabo mushobo womwi lyoonse, bweenka mbwaakashomesha bamashali banu bakulukulu.

Dutolonomi 7:8

Sombi Mwaami Lesa wakamusuna akuyanda kucita kweelana ambwaakashomesha cakulumbila kubamashali banu bakulukulu. Nceceeco ncaakamupulushisha kwiinda munkusu shakwe shinene akumwaangulula kuswa munkusu shakwe Falawo mwaami wa cishi ca busha ca Ijipiti.

Dutolonomi 8:1

“Amukonkele cakushomeka milawo yoonse njendamupa sunu kwaamba ayi munooli boomi, mufule alimwi mukabwese cishi ico Mwaami Lesa ncaakashomesha kubamashali banu bakulukulu.

Boomboloshi 3:7

Anu bene Isilaeli bakabisha pameenso a Mwaami Lesa, Lesa wabo. Bakamulubaako akutalika kulambila baBaali abaAshela.

Boomboloshi 7:2

Mpeeke Mwaami Lesa wakaambila Gidyoni ayi, “Bantu mbooli abo bafulisha kwaamba ayi ngabe bene Midyani mumaansaabo mukwiinga bene Isilaeli inga batalika kulilumbaisha ayi bakoma kwiinda munkusu shabo beene. Munshila iyo inga tabalumbaishi ndime.

1 Samwelo 2:7

Ulalengesha bantu bamwi kukanduka, bamwi kubila. Ulaceesha bamwi akusumpula bamwi.