Dutolonomi 8:14 - Baibo Busansulushi Bwa Libuku Ili

¹⁴ amushinishe kwaamba ayi teshi mukatalike kulisumpula akuluba Mwaami Lesa, Lesa wanu, wakamufuna kuswa muIjipiti umo momwakalinga basha.

Dutolonomi 8:14 ပူးပေါင်းရင်းမြစ်များ

2 Baami 14:10

Ncakwiila webo Amasiya wakoma bene Edomu, aboobo ici cakupa kulisumpula abuumbi. Kondwa mukukoma kwako, sombi koshiitebo kuŋanda yako. Ceebonshi utooyanda kulibushisha mapensho ayo eshi akalengeshebo webo abene Juda kukomwa?”

2 Baami 17:38

Mutakaluubi cipangano ncendakapanga amwebo. Mutanoolambila balesa bamwi.

2 Makani 26:16

Mwaami Usiya ndyaakaba ankusu abulemu, wakatalika kulisumpula. Ico cakalengesha bwaami bwakwe kuboola panshi. Wakabisha kuMwaami Lesa, Lesa wakwe mukuya muŊanda yakwe akutenta tununkila kabotu pacipaililo ca ntuto.

2 Makani 32:25

Sombi Esekiya wakalinga shicimpamya alimwi shikulisumpula. Paceebo ceeco taakwe kulumba Mwaami Lesa pasheesho nshaakamucitila. Lyalo bukali bwa Mwaami Lesa bwakaseluka pali nguwe, bene Juda alimwi abene Jelusalemu.

Kulumbaisha 106:21

Bakaluba Lesa uyo wakabafuna ndyaakacita shaankamiko mucishi ca Ijipiti.

Kulumbaisha 78:7

Aboobo balaakucinka manungo muli Lesa, alimwi teshi bakalubeeko milimo yakwe, sombi balaakukonkela milawo yakwe.

Kulonga 13:3

Mpomunyaawo Mose wakaambila bantu ayi, “Amwiibaluke bushiku ubu, ubo mbomwakaswa mucishi ca Ijipiti umo momwakalinga basha. Ubu mbobushiku Mwaami Lesa mbwaakamukusha kwiinda munkusu shakwe shiteelekwa acimwi cintu. Pabushiku ubo tamweelete kulya shinkwa.

Jelemiya 2:31

Mwebo nobamulishalane lino, amuyeeye a Mwaami Lesa akwaamba ayi, ‘Sa ndaba anga nduyanga kuli ndimwe nobene Isilaeli? Sa ndaba anga ncishi ca munshinshe ushiya mbi?’ Ino ono ceebonshi nobantu bangu mutokwaamba ayi, ‘Tulyaangulukite kucita cili coonse ncetusuni, teshi tukaboolewo tubili kuli ndiwe.’

Jelemiya 2:6

Tabakwe kwiipushawo ayi, ‘Ino uli kuli Mwaami Lesa uyo wakatukusha muIjipiti akutwiinsha mucishi citacite ashimenaamo. Ncakwiila ncishi camayanga ashicengo sha mabwe ee, cishi ciyumu nta alimwi camunshinshe, muteendi nabi kwikala bantu.’

Jelemiya 23:27

Balo balayeeya ayi maloto abo ngobalwiitana alaakulengesha bantu bangu kuluba liina lyangu bweenka bamashali babo bakulukulu mbobakandubaako ceebo cakulambila Baali.

Danyelo 11:12

Mwaami wa bene Ijipiti ulaakulisumpula abuumbi ceebo cakukoma kwakwe alimwi aceebo ca bashilumamba baanji abo mbweshi akacaaye. Sombi teshi akatolelele kukoma.

Osiya 13:6

Ndindakamusanina mucishi cibotu mwakalinga kukuta. Ono ingayi mutalike kukuta mwakalisumpula. Lyalo nebo mwakandubaako.

Shakubelenga 15:39

Mansambaala ayo alaakunoomwiibalusha milawo yangu neMwaami Lesa akwiikonkela lyoonse na mwaabona. Aboobo teshi mukakonkele lunkumbwa lwa myoyo yanu ameenso anu.

Dutolonomi 13:6

“Na mukwanu, mwanaako musankwa nabi mwanakashi, mukaako usunikwi nabi mubyo ngoonyumfwanaakwe bunene wakunyengelela ayi ulambile balesa bamwi, abo webo abamashali bako bakulukulu mbomutakwe kulambilawo kale,

Dutolonomi 17:20

Ici cilaakumulengesha kutayeeya ayi lakwe uli kabotu kwiinda bene Isilaelinyina bamwi boonse, akumukasha kutakonkela milawo ya Mwaami Lesa munshila ili yoonse. Lyalo lakwe alimwi abamulunyungu lwakwe balaakweendelesha ciindi cilaamfu muIsilaeli.

Dutolonomi 4:9

Amucenjele! Amushinishe ayi teshi mukaluube kulilabo kamucili boomi, isho nshemwakabona ameenso anu nobeene. Mukaambileeko bana banu abashikulu banu

Dutolonomi 5:6

‘Ndime Mwaami Lesa, Lesa wanu nendakamukusha mucishi ca Ijipiti umo momwakalinga basha.

Dutolonomi 6:11

Maanda alaakunooswitebo shintu shiinji shibotu nshemutakwe kubikaamo mwebo. Mulaakuba amikalo ikabitwe kale, myuunda ya minyansa aya maolifi mwebo njemutakwe kulima. Ono Mwaami Lesa aakumwinjisha mucishi ico, umo mweshi mukabe ashoonse nshemusuni kulya,

Dutolonomi 8:11

“Amushinishe kwaamba ayi teshi mukalube Mwaami Lesa, Lesa wanu. Kutaalilwa kukonkela milawo amilasho yakwe iyo njeentoomupa sunu.

Dutolonomi 8:13

na ŋombe shanu, mbelele, silifa, golodi alimwi abuboni bumwi boonse bukafuule,

Boomboloshi 3:7

Anu bene Isilaeli bakabisha pameenso a Mwaami Lesa, Lesa wabo. Bakamulubaako akutalika kulambila baBaali abaAshela.