Dutolonomi 8:12 - Baibo Busansulushi Bwa Libuku Ili

¹² Mwaakuba ashintu shoonse nshemusuni kulya, mwaakuyaka maanda abotu akwikalaamo,

Dutolonomi 8:12 ပူးပေါင်းရင်းမြစ်များ

Tushimpi 30:9

Ceebo na ndaba ashiinji inga ndamuluba akwaamba ayi, ‘Anu Mwaami Lesa ngani?’ Sombi na ndaba mukandu inga ndeepa akusebaanya liina lyanu nobaLesa bangu.

Shikushimikila 2:4

Kuswawaawo ndakamanisha kucita milimo iinji. Ndakaliyakila maanda akulima myuunda ya minyansa.

Esekelo 11:3

Balo balaamba ayi, ‘Sa te onoonobo nciindi cakuyaka maanda? Ndabala ino ili anga ninongo yakutelekaamo, ono swebo tuli nyama! Nakubi boobo ilatutabilila kuswa kumulilo.’

Amosi 5:11

Mulalyatilila bakandu akubakakatisha ayi bamupe shili anga ngamaila. Nabi mwakayaka maanda a mabwe abotu abuumbi, teshi mukekaleemo. Nabi mwakalima myuunda ibotu ya minyansa, teshi mukanwewo waini ushi ukaswe kuli njiyo.

Agayi 1:4

“Mwebo nobantu bangu, inga kamwikala buyani mumaandaanu ngomwakayaka kabotu, sombi Ŋanda yangu keelibo matongo?

Luka 17:28

Cilaakuba bweenka mbocakalinga munshiku shakwe Loti. Bantu bakalinga kulya akunwa, kuula akuulisha, kushanga akuyaka maanda.

Dutolonomi 28:47

Ceebo cakutasebensela Mwaami Lesa cakukondwa akusangalala uyo weshi akamupe coolwe mushintu shoonse,

Dutolonomi 31:20

Nebo pakubashisha mucishi umo muli bubile abulongo bubotu ico ncendakashomesha bamashali babo bakulukulu, balaakutalika kulambila balesa bamwi. Balaakunkaka akupwaya cipangano cili pakati pali mbabo anebo, mukwiinga balaakunoolyatabo mushakulya.

Dutolonomi 32:15

“Bantu ba Mwaami Lesa bakabila, sombi bakamwaashukila. Bakeena ceebo bakalinga kulyatabo mushakulya. Sombi bakasuula Lesa, Mulengi wabo, akukaka Mwaandami shikubapulusha.

Dutolonomi 6:10

“Bweenka Mwaami Lesa wanu mbwaakalasha bamashali banu bakulukulu, nkokwaamba ayi Abulaamu, Isaki alimwi aJakobo, ulaakumupa mandabala anene asumpukite ayo mwebo ngomutakwe kuyakaako.

Dutolonomi 8:13

na ŋombe shanu, mbelele, silifa, golodi alimwi abuboni bumwi boonse bukafuule,