Dutolonomi 7:8 - Baibo Busansulushi Bwa Libuku Ili

⁸ Sombi Mwaami Lesa wakamusuna akuyanda kucita kweelana ambwaakashomesha cakulumbila kubamashali banu bakulukulu. Nceceeco ncaakamupulushisha kwiinda munkusu shakwe shinene akumwaangulula kuswa munkusu shakwe Falawo mwaami wa cishi ca busha ca Ijipiti.

Dutolonomi 7:8 ပူးပေါင်းရင်းမြစ်များ

Matalikilo 19:16

Loti wakatonshatonsha. Nacibi boobo Mwaami Lesa wakamufwita nkumbu. Aboobo basankwa balya bakacata Loti, mukaakwe, abana bakwe banakashi pamaansa akubakusha mundabala iyo.

Matalikilo 19:29

Sombi Mwaami Lesa ndyaakanyonyoola mandabala a muliwesa umo mwakalinga kwikala Loti, wakalinga kwiingashite kusenga kwakwe Abulaamu aboobo wakasuminisha Loti kuswaamo akuloboka.

2 Samwelo 22:20

Wakancafwa kuswa mumeeno a nkalamu, wakampulusha mukwiinga ndamusangalasha.

1 Baami 10:9

Aalumbaishikwe Mwaami Lesa, Lesa wanu! Wabonesha mbwaasangalete pali ndimwe kwiinda mukumubika pacuuna ca bwaami bwa bene Isilaeli. Mukwiinga lusuno lwakwe pabene Isilaeli teshi lukamaane, wamupa bwaami kwaamba ayi pakati kabo pabe koombolosha kwakutanyengelela alimwi abululami.”

1 Makani 16:16

Ulaakulama cipangano ncaakapanga aAbulaamu, kushomesha nkwaakalumbila kuli Isaki.

2 Makani 9:8

Aalumbaishikwe Mwaami Lesa, Lesa wanu! Wabonesha mbwaasangalete pali ndimwe kwiinda mukumubika pacuuna ca bwaami bwa bene Isilaeli. Mukwiinga lusuno lwakwe pabene Isilaeli teshi lukamaane alimwi mukwiinga ulisuni kubafuna lyoonse, wamupa bwaami kwaamba ayi pakati kabo pabe koombolosha kwakutanyengelela alimwi abululami.”

Kulumbaisha 105:42

Ceebo wakeebaluka kushomesha kwakwe kusalalite, uko nkwaakalumbila kuli Abulaamu musebenshi wakwe.

Kulumbaisha 44:3

Bantu banu tabakwe kukoma bamucishi ico kwiinda mumipeeni yabo, sobwe. Ncakwiila teshi nkusu shabo shakalengesha ayi bakome. Sombi nkwiinda munkusu sha lyaansa lyanu lyalulyo abulemu bwanu butowa. Mwakacita boobo mukwiinga mwakalinga kubasuni.

Kulumbaisha 44:4

Mwebo muli Baami bangu alimwi ndimwe baLesa bangu, baLesa abo balengesha bamulunyungu lwakwe Jakobo kukoma.

Kulonga 13:14

Munshiku shitoosa na mwanaanu musankwa wamwiipusha ayi, ‘Ino ici cilaambanshi?’ Mukamukumbule ayi, ‘Kwiinda munkusu shakwe shiteelekwa, Mwaami Lesa wakatukusha mucishi ca Ijipiti umo motwakalinga basha.

Kulonga 13:3

Mpomunyaawo Mose wakaambila bantu ayi, “Amwiibaluke bushiku ubu, ubo mbomwakaswa mucishi ca Ijipiti umo momwakalinga basha. Ubu mbobushiku Mwaami Lesa mbwaakamukusha kwiinda munkusu shakwe shiteelekwa acimwi cintu. Pabushiku ubo tamweelete kulya shinkwa.

Kulonga 20:2

“Ndime Mwaami Lesa, Lesa wanu nendakamukusha mucishi ca Ijipiti umo momwakalinga basha.

Kulonga 32:13

Amwiibaluke basebenshi banu bene Abulaamu, Isaki alimwi aJakobo. Mwiibaluke cipangano ico ncemwakabakonkomesha ayi mulaakubapa bamulunyungu baanji mbuli nyenyeenshi mwiculu, alimwi ayi mulaakupa bamulunyungu babo cishi coonse ico ncemwakashomesha ayi cilaakunoolibo cinebo lyoonse alyoonse.”

Kulonga 6:6

Paceebo ceeci lwiita bene Isilaeli ayi, ‘Nebo ndime Mwaami Lesa, alimwi ndaakumufuna akumwaangulula mubusha mbomubeteemo kubene Ijipiti. Ndaakutambika lyaansa lyangu lya nkusu pali mbabo mukubapa mulandu unene abuumbi. Mwebo ndaakumupulusha.

Isaya 43:4

Ndaakubenga mishobo yakabumbulu kwaambabo ayi mpulushe buumi bwanu. Ceebo mwebo kuli ndime muli cintu ca makwebo. Peculu lya waawo ndimusuni abuumbi alimwi ndamulemeka.

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Jelemiya 31:3

Mwaami Lesa wakabonekela kuli ndiswe kale kale akwaamba ayi, “Ndakamusuna alusuno lutamaani paceebo ceeco ncitolelela kumunyumfwila nkumbu.

Esekelo 36:22

“Paceebo ceeco lwiita bene Isilaeli ayi nebo neMwaami Lesa Shinkusu shoonse ndaamba ayi, ‘Teshi nkacite shintu nsheshi nkacite ceebo canu nobene Isilaeli. Sombi ndaakushicita ceebo ca liina lyangu lisalalite ilyo ndimwakabisha pakati ka mishobo iyo njemwakaya mukwikalaako.

Mika 6:4

Ndakamukusha kuswa kuIjipiti, ee, ndakamulubula kuswa kucishi ca busha. Ndakamutumina Mose, Aloni aMilyamu kwaamba ayi bamutanjilile.

Mika 7:20

Ncakwiila mulaakushomeka kubamulunyungu lwakwe Jakobo. Mulaakutondesha lusuno lwanu lutamaani kubamulunyungu lwakwe Abulaamu. Ncakwiila mulaakucita bweenka mbomwakashomesha cakulumbila kubamashali besu bakulukulu kalekale.

Sefaniya 3:17

Mwaami Lesa, Lesa wako uli awebo. Ulicite nkusu shakukufuna. Ulaakukondwa abuumbi muli ndiwe. Ulaakukuletela buumi bupya mulusuno lwakwe. Ulaakusangalala pali ndiwe mukwiimba nyimbo

Malaki 1:2

Mwaami Lesa ulaambila bantu bakwe ayi, “Nebo ndimusuni lyoonsebo.” Sombi balo baleepusha ayi, “Ino ulitusuni buyani?” Lyalo Mwaami Lesa ulakumbula ayi, “Sa te Esau wakalinga munene wakwe Jakobo? Nakubi boobo, ndisuni Jakobo abamulunyungu lwakwe,

Mateyo 11:26

Ncakwiila Ta, mwebo mwakacita kweelana akuyanda kwanu.

Luka 1:55

Taakwe kuluba kucitila nkumbu Abulaamu alunyungu lwakwe kushikila muyayaya.”

Bene Loma 11:28

Ono mukwiinga baJuda balakaka Makani Abotu, mbalwani bakwe Lesa. Ici calengesha kwaamba ayi mwebo nobaswamashi bakunsengwe mupulushikwe. Ceebo Lesa wakabasala, balisunikwi kuli nguwe, mukwiinga wakapangana abamashali babo bakulukulu.

Dutolonomi 1:8

Ici coonse ncecishi nebo neMwaami Lesa ncendakashomesha kupa bamashali banu bakulukulu, Abulaamu, Isaki alimwi aJakobo pantu pomwi abamulunyungu lwabo. Kamuya mukekaleemo.’ ”

Dutolonomi 10:15

Ono lusuno lwa Mwaami Lesa pabamashali banu bakulukulu lwakalinga lunene abuumbi, cakwaamba ayi wakasala mwebo kuba bantu bakwe kuleka bamwi boonse alimwi mucili bantu bakwe asunu.

Dutolonomi 23:6

Mubuumi bwanu boonse, tamweelete kupanga cishibinda ambabo nabi kubacafwa ayi basumpuke.

Dutolonomi 33:3

Mwaami Lesa ulisuni bantu bakwe akunoobalama mukwiinga mbaakwe. Paceebo ceeci soonse tulafukama muliimfwa lyakwe akutambula milasho yakwe,

Dutolonomi 4:20

sombi mwebo muli baabo mbwaakapulusha kuswa muIjipiti, umo mwakalingabo anga mumunyumbi. Wakamukushaamo kwaamba ayi mube bantu bakwe mwiine kweelana ambomubete bulya.

Dutolonomi 4:34

Sa kuliiwo lesa wakayeeyaawo kuya mukubwesa bantu kuswa pakati ka mushobo umwi akubaalula kuba bantu bakwe mbuli bwakamucita Mwaami Lesa, Lesa wanu muIjipiti? Mumeenso anu wakasebensesha nkusu shakwe shinene. Wakaletela bene Ijipiti myaalu ankoondo, wakacita shaankamiko ashitondesho sha nkusu sha kwiculu alimwi akulengesha shintu shiyoosha kucitika.

Dutolonomi 4:37

Ceebo ca bamashali banu bakulukulu, wakamusala alimwi kwiinda munkusu shakwe shinene wakamukusha mucishi ca Ijipiti.

Dutolonomi 5:6

‘Ndime Mwaami Lesa, Lesa wanu nendakamukusha mucishi ca Ijipiti umo momwakalinga basha.

1 Joni 4:19

Tulisunene mukwiinga Lesa ngowakataanguna kutusuna.

1 Samwelo 12:22

Mwaami Lesa wakashomesha cakulumbila ayi teshi akamushiyeewo mukwiinga cakamukonda kwaamba ayi mwebo mube bantu bakwe.