Dutolonomi 7:7 - Baibo Busansulushi Bwa Libuku Ili

⁷ “Mwaami Lesa taakwe kumusala ceebo cakwaamba ayi mwakafula kwiinda mishobo imwi yoonse. Mwebo mwakalinga baniini abuumbi kwiinda mishobo imwi yoonse pacishi ca panshi.

Dutolonomi 7:7 ပူးပေါင်းရင်းမြစ်များ

1 Makani 16:19

Bantu bakwe Lesa bakalinga baniini, bakalinga mbeensu mucishi ca Kenani.

Kulumbaisha 105:12

Bantu bakwe Lesa bakalinga baniini, bakalinga mbeensu mucishi ca Kenani.

Kulumbaisha 105:6

Kamushiibaluka nobamulunyungu lwakwe Abulaamu musebenshi wakwe, Nobamulunyungu lwakwe Jakobo, mwebo nomwakasalwa.

Kulumbaisha 115:1

Kuteshi ndiswe noBaami baLesa, ee, kuteshi ndiswe, sombi ndimwebo nweenka nomweelete kulemekwa, ceebo ca lusuno lwanu lutamaani akushomeka kwanu.

Kulumbaisha 44:3

Bantu banu tabakwe kukoma bamucishi ico kwiinda mumipeeni yabo, sobwe. Ncakwiila teshi nkusu shabo shakalengesha ayi bakome. Sombi nkwiinda munkusu sha lyaansa lyanu lyalulyo abulemu bwanu butowa. Mwakacita boobo mukwiinga mwakalinga kubasuni.

Isaya 51:2

Ncakwiila amuyeeye Abulaamu mushali wanu mukulukulu, muyeeye Saala uyo ngomwakashalwaako. Abulaamu ndindakamwiita ayi ansebensele taakalinga kucitewo mwaana nabi womwi. Sombi ndakamupa coolwe cakuba abaana. Lyalo ndakalengesha bamulunyungu lwakwe kufula abuumbi.

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Esekelo 20:5

Ubaambile ayi nebo neMwaami Lesa Shinkusu shoonse ndaamba ayi, ‘Bushiku mbondakasala bene Isilaeli, ndakashomesha cakulumbila alyaansa litambikitwe mwiculu kubamulunyungu lwakwe Jakobo akuliyubulula kuli mbabo muIjipiti. Kaantambikite lyaansa mwiculu, ndakabaambila ayi, ndi Mwaami Lesa, Lesa wanu.

Esekelo 36:22

“Paceebo ceeco lwiita bene Isilaeli ayi nebo neMwaami Lesa Shinkusu shoonse ndaamba ayi, ‘Teshi nkacite shintu nsheshi nkacite ceebo canu nobene Isilaeli. Sombi ndaakushicita ceebo ca liina lyangu lisalalite ilyo ndimwakabisha pakati ka mishobo iyo njemwakaya mukwikalaako.

Mateyo 7:14

Sombi mulyango utola kubuumi butamaani ulishaankene alimwi nshila iyaako ilishupite. Aboobo bantu baikonkela mbaniini.

Luka 12:32

“Mwebo nolitanga liniini, mutaloondi mukwiinga Ishiwanu camukonda kumupa bwaami.

Bene Loma 11:6

Lesa ulasala bantu kwiinda munkumbu shakwe kuteshi ceebo ca milimo njebacita. Ceebo necatalinga boobo, naakwiinga nkumbu shakwe teshi nkumbu shancinencine.

Bene Loma 9:18

Anu Lesa ulanyumfwila nkumbu abo mbaasuni kunyumfwila akulengesha cimpamya kubamwi abo mbaasuni.

Bene Loma 9:21

Sa shikubumba mwiine taacite nkusu shakubumbamo nongo shobilo mubulongo mbwaacite, imwi ya makwebo anene alimwi aya makwebo aniini?

Dutolonomi 1:10

Mwaami Lesa, Lesa wanu wamufusha anga ninyenyeenshi shili mwiculu.

Dutolonomi 10:22

Bamashali banu bakulukulu ndibakaya kuIjipiti bakalingabo makumi osanwe aobilo. Sombi bulya Mwaami Lesa, Lesa wanu wamufusha anga ninyenyeenshi mwiculu.

Dutolonomi 14:2

Mwebo muli bantu ba Mwaami Lesa, Lesa wanu. Wakamusala ayi mube bantu bakwe mwiine kuswa pamishobo yoonse ya mucishi ca panshi.

Dutolonomi 4:37

Ceebo ca bamashali banu bakulukulu, wakamusala alimwi kwiinda munkusu shakwe shinene wakamukusha mucishi ca Ijipiti.

1 Joni 3:1

Amubone lusuno lwa Bamashali besu bakulukulu mbolubete kukomena pali ndiswe! Cakutubanda ayi tuli bana bakwe Lesa! Ncakwiila tuli bana bakwe. Bantu ba mucishi ca panshi tabatwishi ceebo Lesa tebakalinga kumwishi.

1 Joni 4:10

Lusuno lwancinencine mbulya mbolubete. Teshi kwaamba ayi swebo twakataanguna kusuna Lesa, sombi lakwe wakatusuna akutuma Mwanaakwe kwaamba ayi shibiibi shesu shilekelelwe.