Dutolonomi 7:5 - Baibo Busansulushi Bwa Libuku Ili

⁵ Sombi mukamwaaye shipaililo shabo, mukanyonyoole mabwe ngobakeemika pamisena yakulambilaawo alimwi akutimboola shikoshanyo shakwe Ashela, lesa wabo mwanakashi wakubesa akutenta shibumbwabumbwa shabo.

Dutolonomi 7:5 ပူးပေါင်းရင်းမြစ်များ

2 Baami 10:26

Bakakusha libwe lyakwiimika ilyo lyakalinga muŋanda yakwe baali akulitenta.

1 Makani 14:12

Bene Filisiti bakashiya ashibumbwabumbwa shabo uko, lyalo Defedi wakaambila bashilumamba bakwe ayi bashiteente mumulilo.

2 Makani 14:3

Wakakushamo shipaililo sha bakunsengwe, kunyonyoola misena yakulambililaako ya patulundu, kupwaya macinko asalalite akutimboola shikoshanyo shakwe Ashela lesa mwanakashi.

Kulonga 23:24

Mutakeeleshi kufukamina balesa babo nabi kubalambila, alimwi mutakakonkeli micito yakupaila kwabo. Sombi mukanyonyoole balesa babo alimwi akupwayoola mabwe ngobakeemika pamisena yakulambililaawo.

Kulonga 32:20

Kuswawaawo wakabwesa mucende mwaana uyo ngobakapanga akumusungulula, wamupelapela waboolabo anga mbusu alimwi akubusanseela pamaanshi, mpeeke wakakakatisha bene Isilaeli ayi banwe.

Kulonga 34:13

Sombi mukamwayulule shipaililo shabo, mukanyonyoole mabwe ngobakeemika pamisena yakulambililaawo alimwi akutimbula shikoshanyo shakwe Ashela, lesa wabo mwanakashi wakubesa.

Isaya 17:8

Teshi bakaciinke manungo mushipaililo isho nshebakayaka amaansaabo. Ncakwiila teshi bakaciinke manungo mushikoshanyo shakwe Ashela lesa wabo mwanakashi, nabi mushipaililo sha tununkila kabotu nshebakayaka amaansaabo.

Bene Lefi 26:1

Lyalo Mwaami Lesa wakaamba ayi, “Mutanoopanga shibumbwabumbwa, nabi shintu sha mabwe, nabi mabwe akubesa ayi munooshilambila. Nebo ndime Mwaami Lesa, Lesa wanu.

Shakubelenga 33:52

mulyeelete kutandaanyamo bantu boonse bekala mucishi ico. Munyonyoole shibumbwabumbwa shabo sha mabwe asha sheela alimwi amisena yabo njebalambililaamo.

Dutolonomi 16:21

“Ono mwaakuyaka cipaililo ca Mwaami Lesa, Lesa wanu, mutakabikiwo cikoshanyo cakwe Ashela lesa mwanakashi wakubesa.

Dutolonomi 16:22

Kuteelesha kwiimika libwe ayi munoolambililaawo ceebo ishi nsheshintu Mwaami Lesa, Lesa wanu nshaapatite.

Dutolonomi 7:25

Shibumbwabumbwa shabo mukashiteente. Tamweelete kukumbwa silifa agolodi ili pali nshisho alimwi tamweelete kwiibwesa. Na mukacite boobo cilaakumucaisha. Mukwiinga bantu balambila shibumbwabumbwa, balalensha bunya Mwaami Lesa, Lesa wanu.

Dutolonomi 9:21

Ndakabwesa cintu ca bubi cilya ncemwakalinga mwapanga, ico cakalinga kuboneka anga ngumucende mwaana, akuciwaala mumulilo. Mpeeke ndakacipwayoola akucipela kuba busu. Lyalo ndakawaala busu ubo mukalonga ako kakalinga kukunka kuswa mukalundu.