Dutolonomi 7:24 - Baibo Busansulushi Bwa Libuku Ili

²⁴ Ulaakwaaba bamaami babo mumaansa anu. Mulaakubacaya alimwi akulobya meenaabo. Taaku eshi akakonshe kumukoma. Ncakwiila mulaakubanyonyoola boonse.

Dutolonomi 7:24 ပူးပေါင်းရင်းမြစ်များ

Kulumbaisha 9:5

Ncakwiila mwakapa mulandu bakunsengwe, mwakanyonyoola bamucita shibi abo, aboobo mwalobya meenaabo kwamuyayaya.

Kulonga 17:14

Lyalo Mwaami Lesa wakaambila Mose ayi, “Ulembe mbuli mbondakoma munkondo iyi kwaamba ayi bantu bakanokwiibalukilaako. Alimwi ulwiite Joshuwa ayi ntoolengesha bantu kubula kwiibalukawo tubili bene Amaleki.”

Tushimpi 10:7

Bantu baluleme balayeeyekwa anga ncoolwe, sombi lakwe mucita shibi ulaakufwambaana kulubwa.

Isaya 54:17

Sombi taaku cakulwanisha ceshi cikakonshe kumucisa. Abalo abo bamupa milandu mulaakuba ashakubakumbula. Ici cilaakuba ncecilambu ca basebenshi bangu.” Mwaami Lesa waamba.

Jelemiya 10:11

Balwiite makani aya akwaamba ayi, “Balesa abo batakwe kulengako liculu acishi ca panshi, balaakunyonyoolwa. Teshi bakabonweewo tubili mucishi ca panshi coonse.”

Sefaniya 1:4

“Ndaakufungulula lyaansa lyangu mukupa mulandu bene Jelusalemu ee, mukupa mulandu bene Juda boonse. Ndaakunyonyoola boonse beshibakacaaleewo balambila Baali mumusena uyo. Ncakwiila ndaakunyonyoola abapailishi bakwe Baali boonse cakwaamba ayi kukabule ubeebaluka tubili.

Bene Loma 8:37

Taaku, sombi mushintu shoonse ishi shitucitikila tulakoma kwiinda muli Klistu utusuni.

1 Bene Kolinto 15:57

Sombi aalumbwe Lesa wakalengesha ayi tukome kwiinda muMwaami wesu Jesu Klistu.

Dutolonomi 11:25

Taaku muntu uli woonse weshi akamukaashe. Mwaami Lesa, Lesa wanu ulaakulengesha bantu kumuloonda kuli koonse nkweshi mukaye mucishi ico coonse, bweenka mbwaakashomesha.

Dutolonomi 25:19

Paceebo ceeci, na Mwaami Lesa, Lesa wanu akamushiishe mucishi ico ncaatoomupa akumupulusha kubalwani banu abo bamushingulukite, mukacaaye bene Amaleki boonse kwaamba ayi kutakabi nabi womwi eshi akabeebaluke tubili. Kutalubaako kucita boobo!

Dutolonomi 29:20

Mwaami Lesa teshi akalekelele muntu wa mbuli wooyu. Sombi bukali bwakwe bulaakuba pali nguwe, amashingo oonse alembetwe mulibuku ili alaakumupolela, kushikila Mwaami Lesa akashiminganye liina lyakwe pacishi ca panshi cino.

Dutolonomi 9:14

Ono bulya uteeleshi kunkasha. Ntooyeeya kubanyonyoola kwaamba ayi kukabule aubeebaluka alimwi. Lyalo ndaakulengesha ayi webo ube mushali wa mushobo unene alimwi ucite nkusu kwiinda wa baaba.’

Dutolonomi 9:3

Ono sunu nobeene mutoobona Mwaami Lesa, Lesa wanu utoomutanjilila abukali buli anga ngumulilo utoobilima. Unanooya cibakoma kunembo lyanu mwaakunooya, kwaamba ayi mukabatandeemo akubanyonyoola cakufwambaana mbuli mbwaakashomesha.

Joshuwa 1:5

Anu webo Joshuwa, taaku weshi akakukomeewo mubuumi bwako boonse. Ndaakunooli awebo kweelana ambondakalinga aMose. Teshi nkakushiyeewo nabi kukusuula.

Joshuwa 10:23

Aboobo bakakusha bamaami bosanwe abo kuswa mucimfwengo, nkokwaamba ayi mwaami wa kuJelusalemu, Ebuloni, Jaamuti, Lakishi alimwi awa Egiloni.

Joshuwa 10:40

Ncakwiila Joshuwa wakakoma cishi coonse, kubikaawo acishi ca tulundu, Negefu, cishi ca tulundu tuniininiini twakumbo alimwi acishi ca munkunamo ya tulundu pantu pomwi abamaami ba nshisho. Taaku muntu nabi womwi wakapuluka. Wakanyonyoola bantu boonse kweelana abwakaamba Mwaami Lesa, Lesa wa bene Isilaeli.

Joshuwa 10:42

Joshuwa wakabwesa bamaami aba alimwi ashishi shabo akubakoma muciindi comwi mukwiinga Mwaami Lesa, Lesa wa bene Isilaeli wakalinga kubalwaninaako.

Joshuwa 10:8

Mpomunyaawo Mwaami Lesa wakaambila Joshuwa ayi, “Utaloondi bantu aba mukwiinga nebo ndabaaba kale mumaansaako. Taaku nabi womwi eshi acikoonshe kukukoma.”

Joshuwa 11:17

kuswa kuKalundu ka Alaki ako katalikila kuSiya kuya mukweela kuBaali Gadi muCinyika ca Lebanoni, munshaaKalundu ka Elimoni. Bamaami ba mumo boonse wakabacata akubacaya.

Joshuwa 12:24

alimwi aya Tesa. Anu oonse pantu pomwi akalinga makumi otatwe ayomwi.

Joshuwa 21:44

Mwaami Lesa wakabapa luumuno koonse koonse kweelana mbwaakashomesha cakulumbila kubamashali babo bakulukulu. Taaku mulwani wabo nabi womwi wakakonsha kubakoma. Mwaami Lesa wakaaba balwani boonse mumaansaabo ayi babakoome.

Joshuwa 23:3

Mwebo nobeene mwakalibonena cakacita Mwaami Lesa, Lesa wanu kumishobo imwi yoonse ceebo ca ndimwe. Ncakwiila nguMwaami Lesa wakalinga kumulwaninaako.

Joshuwa 23:9

Mwaami Lesa wakalinga kutanda mishobo iyoosha alimwi icite nkusu kuswa kunembo lyanu. Taaku nabi womwi wakakonsha kumukoma.

Joshuwa 6:2

Mpeeke Mwaami Lesa wakaambila Joshuwa ayi, “Nyumfwa, ntokwaaba ndabala ya Jeliko pantu pomwi amwaami wa njiyo alimwi abashilumamba ba njiyo mumaansaako.