Dutolonomi 7:2 - Baibo Busansulushi Bwa Libuku Ili

² Na Mwaami Lesa, Lesa wanu akaabe bantu aba mumaansa anu alimwi mukabakoome mulyeelete kubacaya boonse. Kutapanga cipangano ambabo alimwi kutabanyumfwila nkumbu.

Dutolonomi 7:2 ပူးပေါင်းရင်းမြစ်များ

Matalikilo 14:20

Aalumbwe Lesa wakwiculu Wiindaawo, uyo wakakupa nkusu shakukoma beshinkondonyoko.” Mpeeke Abulamu wakapa Melikisedeki calikumi pashintu shoonse nshaakapilusha.

2 Samwelo 21:2

Mpomunyaawo Defedi wakeeta bene Gibyoni akubandikaabo. Bene Gibyoni abo tebakalinga lubasu kubene Isilaeli, sombi mbobakapuluka pabene Amoli. Ono bene Isilaeli bakashomesha cakulumbila ayi teshi bakabacaaye. Nacibi boobo Saulo lakwe mukusunishisha bene Isilaeli abene Juda, wakalinga kusuni kumana kubanyonyoola.

1 Baami 20:34

Mpeeke Benadadi wakaambila Aabu ayi, “Ndaakumubooshesha mandabala oonse bata ngobakalinga babwesa kuswa kuli baishiwanu. Lyalo mwebo inga mwaliyakila mishika muDamasikasi bweenka mbobakacita bata muSamaliya.” Aabu wakakumbula ayi, “Ceebo ca maswi ayo ngomwaamba, ntoomwaangulula.” Wakapanganaakwe cibusa akumuleka waya.

Esila 10:3

Anu atupange cipangano aLesa kwaamba ayi tutandaanye banakashi boonse abo pantu pomwi abana babo kweelana akuyanda kwanu a kwa baabo bamwi balemeka Milawo yakwe Lesa. Tutoocita kweelana aMilawo yakwe Lesa.

Kulumbaisha 106:34

Tabakwe kunyonyoola baswamashi kweelana ambwaakabaambila Mwaami Lesa,

Kulonga 22:20

“Alakwe uyo woonse ubenga milambu kubalesa bamwi bali boonse, kukushako ndime neMwaami Lesa, ulyeelete kucaikwa.

Shakubelenga 21:2

Lyalo bene Isilaeli bakashomesha cakulumbila kuMwaami Lesa ayi, “Na mutusuminishe kukoma bantu aba, tulaakubabenga kuli ndimwe pantu pomwi amandabala abo. Nkokwaamba ayi tulaakubanyonyoola alimwi amandabala abo.”

Shakubelenga 31:17

Bulya ono amucaye mwaana musankwa woonse, alimwi mucaye mwanakashi woonse uyo wakakumanawo kale amusankwa,

Shakubelenga 33:52

mulyeelete kutandaanyamo bantu boonse bekala mucishi ico. Munyonyoole shibumbwabumbwa shabo sha mabwe asha sheela alimwi amisena yabo njebalambililaamo.

Dutolonomi 13:8

kutasumina nabibo kumunyumfwila. Kutamunyumfwila nkumbu nabi kuba aluse kuli nguwe alimwi kutamufunininaawo.

Dutolonomi 13:9

Ee, ulyeelete kucaikwa! Webo ndiwe weelete akutaanguna kumuuma mabwe, bamwi boonse bacaalile.

Dutolonomi 19:13

Tamweelete kumunyumfwila nkumbu, sobwe. Mboboobo mbweshi mukanookusha bubi bwakucaya bantu batacite mulandu mucishi ca Isilaeli, kwaamba ayi shoonse shikanoomweendela kabotu.

Dutolonomi 2:33

Sombi Mwaami Lesa, Lesa wesu wakamwaaba mumaansa esu, aboobo twakamucaya pantu pomwi abana bakwe alimwi abashilumamba bakwe boonse.

Dutolonomi 2:34

Mpomunyaawo twakashinguluka mandabala oonse akwaanyonyoola. Twakacaya bantu boonse, nkokwaamba ayi basankwa, banakashi alimwi abanike, taaku ngotwakashiya kaali muumi.

Dutolonomi 23:14

Misumba iyo ilyeelete kunoosalalite ceebo Mwaami Lesa, Lesa wanu uli amwebo pamusena apo mukumulama akulengesha ayi mukome balwani banu. Kuteelesha kucita cintu nabi comwi citaluleme ico ceenga calengesha ayi Mwaami Lesa, Lesa wanu amufutatile.

Dutolonomi 25:12

kuteelesha kumunyumfwila nkumbu. Mulyeelete kumutimbula lyaansa.

Dutolonomi 3:3

“Aboobo Mwaami Lesa wakaaba mwaami Ogi abashilumamba bakwe mumaansa esu. Mpeeke twakabacaya boonse.

Dutolonomi 31:5

Mwaami Lesa ulaakulengesha ayi mukabakoome, aboobo mulyeelete kubacita bweenka mbondamulwiita.

Dutolonomi 33:27

Lesa ngoomufuna lyoonse, maansaakwe amuyayaya ngaamulama. Ulatanda balwani kunembo lyanu, akumwaambila ayi mubanyonyoole.

Dutolonomi 7:16

Mukanyonyoole mishobo ili yoonse Mwaami Lesa njeshi akaabe mumaansa anu. Mutakabanyumfwili nkumbu alimwi mutakalambili balesa babo, ceebo ico inga camucaisha.

Dutolonomi 9:3

Ono sunu nobeene mutoobona Mwaami Lesa, Lesa wanu utoomutanjilila abukali buli anga ngumulilo utoobilima. Unanooya cibakoma kunembo lyanu mwaakunooya, kwaamba ayi mukabatandeemo akubanyonyoola cakufwambaana mbuli mbwaakashomesha.

Joshuwa 10:28

Pabushiku ubo Joshuwa wakabwesa ndabala inene ya Makeda. Wakacaya bantu boonse bakalinga kwikalaamo. Taaku nabi womwi wakacaala kaali muumi. Mpeeke wakacita mwaami wa ndabala ya Makeda bweenka mbwaakacita mwaami wa kuJeliko.

Joshuwa 10:30

Mwaami Lesa wakaaba ndabala ayalo iyi mumaansa a bene Isilaeli pantu pomwi amwaami wa njiyo. Taaku ngobakashiya nabi womwi, sombi boonse bakalinga kwikalaamo bakacaikwa. Mwaami wa njiyo alakwe wakamucita bweenka mbwaakacita mwaami wa kuJeliko.

Joshuwa 10:32

Mwaami Lesa wakalengesha ayi bene Isilaeli bakome Lakishi pabushiku bwabili. Ono kweelana ambwaakacita kundabala inene ya Libuna, taaku nabi womwi ngwaakashiyaamo. Sombi boonse bakalinga kwikalaamo bakabacaya amipeeni.

Joshuwa 10:40

Ncakwiila Joshuwa wakakoma cishi coonse, kubikaawo acishi ca tulundu, Negefu, cishi ca tulundu tuniininiini twakumbo alimwi acishi ca munkunamo ya tulundu pantu pomwi abamaami ba nshisho. Taaku muntu nabi womwi wakapuluka. Wakanyonyoola bantu boonse kweelana abwakaamba Mwaami Lesa, Lesa wa bene Isilaeli.

Joshuwa 10:42

Joshuwa wakabwesa bamaami aba alimwi ashishi shabo akubakoma muciindi comwi mukwiinga Mwaami Lesa, Lesa wa bene Isilaeli wakalinga kubalwaninaako.

Joshuwa 11:8

Ncakwiila Mwaami Lesa wakalengesha ayi bene Isilaeli bakome. Mpeeke bakabatandaanya kuya kuSidoni, kuMisilefoti Maimu, kuya mukweela akwicwe lya Cinyika ca Misipa. Taaku nabi womwi wakapuluka.

Joshuwa 2:14

Basankwa abo bobilo bakamwaambila ayi, “Na tukabule kucita kweelana mbotwaamba, ncibotu Mwaami Lesa akacaye ndiswe! Na awebo ukabule kwaamba nshetutoocita, tulaakushomeka akukunyumfwila nkumbu na Mwaami Lesa akatupe cishi cino.”

Joshuwa 21:44

Mwaami Lesa wakabapa luumuno koonse koonse kweelana mbwaakashomesha cakulumbila kubamashali babo bakulukulu. Taaku mulwani wabo nabi womwi wakakonsha kubakoma. Mwaami Lesa wakaaba balwani boonse mumaansaabo ayi babakoome.

Joshuwa 8:24

Ono bene Isilaeli ndibakamana kucaya bene Ai abo mbobakalinga bashisha muluyanga, bakaboola akuya mukucaya baabo bakalinga mundabala, kushikila boonse mipeeni yeelaawo.

Joshuwa 9:24

Mpeeke bakakumbula Joshuwa ayi, “Swebo sobasebenshi banu nkambo, twakanyumfwa cakutatonsha mbuli Mwaami Lesa, Lesa wanu mbwaakaambila Mose musebenshi wakwe ayi akamupe cishi coonse, alimwi ayi mukanooya cicaya baabo bekalaamo kunembo lyanu. Paceebo ceeci twakaloonda ayi inga mwaakutucaya. Anu nceceeco ncetwakacitila boobo.

Joshuwa 9:7

Sombi basankwa bene Isilaeli bakaamba ayi, “Nciinshi ncemusunini kwaamba ayi tupange cipangano amwebo? Mpashi mwebo mulekalabo pafwaafwi.”

Boomboloshi 1:24

Mpeeke basenseshi abo bakabona musankwa wakalinga kuswa mundabala iyo akumwaambila ayi, “Tutondeshe mbweenga twenjila mundabala, aswebo tutookucitila shibotu.”

Boomboloshi 1:4

Bene Juda ndibakaya mukulwana, Mwaami Lesa wakaaba bene Kenani alimwi abene Pelisi mumaansaabo. Bakacaya bantu bali 10,000 kuBeseki.

Boomboloshi 2:2

Amwebo tamweelete kupanga cipangano abantu ba momuno. Mulyeelete kupwaya shipaililo shabo.’ Sombi mwebo tamukwe kunyumfwila mulawo wangu. Ino mwacitilaanshi bobulya?