Dutolonomi 7:16 - Baibo Busansulushi Bwa Libuku Ili

¹⁶ Mukanyonyoole mishobo ili yoonse Mwaami Lesa njeshi akaabe mumaansa anu. Mutakabanyumfwili nkumbu alimwi mutakalambili balesa babo, ceebo ico inga camucaisha.

Dutolonomi 7:16 ပူးပေါင်းရင်းမြစ်များ

Kulumbaisha 106:34

Tabakwe kunyonyoola baswamashi kweelana ambwaakabaambila Mwaami Lesa,

Kulumbaisha 106:36

Bakalinga kulambila shibumbwabumbwa shabo, uko kwakaba anga nkoose kuli mbabo.

Kulonga 23:33

Alimwi mutakasuminishi bantu abo kwikala mucishi canu. Na mukabasuminishe, balaakulengesha ayi mukambishishe. Kulambila balesa babo, kulaakuba koose keshi kakamuletele lufu.”

Jelemiya 21:7

Kuswawaawo ndaakwaaba ndiwe Sedekiya omwaami wa bene Juda, bacinenenene bako abantu bamundabala ino abo beshi bakapuluke kumwaalu, nkondo alimwi ansala kuli Nebukadinesa mwaami wa kuBabiloni akubalwani banu basuni kumucaya. Nebukadinesa ulaakubacaya munkondo, teshi akabafwitewo luse nabi nkumbu.’ Nebo neMwaami Lesa ndaamba.”

Shakubelenga 33:55

Sombi na mukabule kutanda bantu bali mucishi ico, abo mbweshi bakacaale balaakumupensha anga ntupampaansha mumeenso nabi anga njimyuumfwa ili mumbafu shanu alimwi balaakumulwana.

1 Bene Kolinto 15:33

Mutabecekwi, “Shiweenda aumineme, awebo inga waminama.”

Dutolonomi 13:8

kutasumina nabibo kumunyumfwila. Kutamunyumfwila nkumbu nabi kuba aluse kuli nguwe alimwi kutamufunininaawo.

Dutolonomi 13:9

Ee, ulyeelete kucaikwa! Webo ndiwe weelete akutaanguna kumuuma mabwe, bamwi boonse bacaalile.

Dutolonomi 19:13

Tamweelete kumunyumfwila nkumbu, sobwe. Mboboobo mbweshi mukanookusha bubi bwakucaya bantu batacite mulandu mucishi ca Isilaeli, kwaamba ayi shoonse shikanoomweendela kabotu.

Dutolonomi 19:21

Tamweelete kunyumfwa nkumbu mumilandu ya mushobo wooyu. Mulandu ulyeelete kuba buumi pabuumi, liinso paliinso, liino paliino, lyaansa palyaansa, ncimpanta pacimpanta.

Dutolonomi 25:12

kuteelesha kumunyumfwila nkumbu. Mulyeelete kumutimbula lyaansa.

Dutolonomi 7:2

Na Mwaami Lesa, Lesa wanu akaabe bantu aba mumaansa anu alimwi mukabakoome mulyeelete kubacaya boonse. Kutapanga cipangano ambabo alimwi kutabanyumfwila nkumbu.

Dutolonomi 7:25

Shibumbwabumbwa shabo mukashiteente. Tamweelete kukumbwa silifa agolodi ili pali nshisho alimwi tamweelete kwiibwesa. Na mukacite boobo cilaakumucaisha. Mukwiinga bantu balambila shibumbwabumbwa, balalensha bunya Mwaami Lesa, Lesa wanu.

Joshuwa 11:20

Mwaami Lesa mwiine ngowakabalengesha cimpamya ayi balwane abene Isilaeli, kwaamba ayi abanyonyweetebo limwi akubalobya cakubula nkumbu. Ubo Mwaami Lesa mbwaakaambila Mose.

Boomboloshi 2:12

Bakasuula Mwaami Lesa, Lesa wa bamashali babo bakulukulu uyo wakabakusha mucishi ca Ijipiti. Bakatalika kulambila balesa ba mishobo iyo yakalinga kubashingulukite. Aboobo bakakalasha Mwaami Lesa.

Boomboloshi 2:3

Ono ntoomulwiita ayi bantu aba teshi mbataandeemo, sobwe. Balaakuba balwani banu alimwi balesa babo balaakuba anga ntoose kuli ndimwe.”

Boomboloshi 3:6

Lyalo bene Isilaeli bakatalika kweebana amishobo iyo alimwi akulambila balesa babo.

Boomboloshi 8:27

Lyalo Gidyoni wakapanga efodi kusebensesha golodi uyo akwiibika mundabala yakwe ya Ofula. Mpeeke bene Isilaeli boonse bakacileka kulambila Lesa akutalika kulambila efodi iyo. Efodi iyo yakaba koose kuli Gidyoni abamuŋanda yakwe.