Dutolonomi 7:13 - Baibo Busansulushi Bwa Libuku Ili

¹³ Ulaakumusuna akumupa coolwe cakwaamba ayi mulaakufula akuba abaana baanji. Ulaakupa coolwe myuunda yanu, cakwaamba ayi mulaakuba ashili anga ngamaila, waini alimwi amafuta a olifi. Ulaakumupa coolwe alimwi kwiinda mukumupa ŋombe alimwi ambelele shiinji. Shoolwe shoonse ishi ulaakumupeta mucishi ico ncaakashomesha bamashali banu bakulukulu ayi ulaakumupa.

Dutolonomi 7:13 ပူးပေါင်းရင်းမြစ်များ

Neyemiya 9:32

“Ono nobaLesa besu, ncakwiila muli baLesa beshinkusu, mulalemekwa alimwi mulakankamika abuumbi! Mulacita kweelana acipangano canu ca lusuno. Twapeenga abuumbi kuswa kuciindi bamaami ba bene Asilya ndibakatulyatila kushikila asunu. Bamaami besu, bamatanjilili, bapailishi, balaluki, bamashali besu bakulukulu abantu besu bamwi boonse bapenga abuumbi. Ono amwiibaluke mbotwakapenshekwa!

Jobo 1:10

Sa te nceebo cakwaamba ayi mulamutabilila pantu pomwi abamuŋanda yakwe alimwi ashintu shakwe shoonse? Shoonse shintu lakwe nshaacita shilaswitilila alimwi matanga a shifubwa shakwe alibo luundu loonse.

Jobo 42:12

Mwaami Lesa wakapa Jobo coolwe cinene abuumbi munshiku shakwe shakweelaako kwiinda munshiku shitaanshi sha buumi bwakwe. Wakaba ambelele shili 14,000, ngamela shili 6,000, basune bali 2,000 alimwi ambongolo shili 1,000.

Kulumbaisha 1:3

Lakwe uli anga ncisamu cishangitwe kufwaafwi akalonga ka maanshi, ico cicata shisepo paciindi ceelete, alimwi cicite matewu atayumi. Mushintu shoonse nshaacita, lakwe ulaswitilila.

Kulumbaisha 107:38

Mwaami Lesa wakabapa coolwe cakwaamba ayi bakashalana. Ncakwiila taakwe kuleka ayi shifubwa shabo shiceye.

Kulumbaisha 11:7

Ee, Mwaami Lesa uliluleme, ulisuni micito iluleme. Ncakwiila baluleme balaakumubona.

Kulumbaisha 127:3

Baana ncipo kuswa kuMwaami Lesa, ncakwiila ncilambu ncaatupa.

Kulumbaisha 146:8

Ulalengesha boofu mumushimu kubonesha, uloolola bantu basendeme mumushimu, alimwi nguMwaami Lesa usuni baluleme.

Kulonga 23:25

Na munoonambila neMwaami Lesa, Lesa wanu, ndaakumupa coolwe ca shakulya aca maanshi alimwi ndaakukusha malwashi oonse pali ndimwe.

Tushimpi 10:22

Coolwe ciswa kuMwaami Lesa ncecipa muntu kubila, alimwi milimo ya muntu uyo teekoonshi kwiilikaawo cili coonse.

Tushimpi 15:9

Mwaami Lesa ulipatite nshila sha mucita shibi, sombi ulisuni muntu ucita shintu shiluleme.

Bene Lefi 26:9

Nebo ndaakumupa coolwe abaana baanji alimwi ndaakulama cipangano cili pali ndimwe anebo.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Joni 14:21

Uyo usumina milawo yangu akucita mboyaamba, ngowooyo unsuni. Uyo usuni ndime, abalo baTa balaakumusuna, anebo ndaakumusuna akuliyubulula kuli nguwe.”

Joni 15:10

Na mulakonkela milawo yangu, mulaakukalilila mulusuno lwangu, bweenka mbuli mboonkonkela milawo ya baTa akukalilila mulusuno lwabo.

Joni 16:27

ceebo baTa beene balimusuni. Balimusuni ceebo mulinsuni alimwi mwakashoma ayi ndakaswa kuli Lesa.

Dutolonomi 1:8

Ici coonse ncecishi nebo neMwaami Lesa ncendakashomesha kupa bamashali banu bakulukulu, Abulaamu, Isaki alimwi aJakobo pantu pomwi abamulunyungu lwabo. Kamuya mukekaleemo.’ ”

Dutolonomi 13:17

Ono mutakeeleshi kubwesa cintu nabi comwi pasheesho shakaambwa ayi shilyeelete kunyonyoolwa. Lyalo Mwaami Lesa ndyeshi akamulekelele akumunyumfwila nkumbu. Ulaakumunyumfwila nkumbu akumulengesha ayi mukafuule abuumbi, kweelana ambwaakalasha bamashali banu bakulukulu,

Dutolonomi 28:1

“Na munoonyumfwila Mwaami Lesa, Lesa wanu alimwi akunookonkela kabotu milawo yakwe yoonse iyo njentoomupa sunu, ulaakumusumpula kwiinda mishobo yoonse ya mucishi ca panshi.

Dutolonomi 28:11

Mwaami Lesa ulaakumupa baana baanji, shifubwa shiinji alimwi ashakulya shiinji mucishi ico ncaakashomesha bamashali banu bakulukulu ayi ulaakumupa.

Dutolonomi 30:5

ayi mukabwese cishi umo mwakalinga bamashali banu bakulukulu. Ulaakumupa coolwe alimwi akumufusha kwiinda bwakalinga bamashali banu bakulukulu.

Dutolonomi 7:7

“Mwaami Lesa taakwe kumusala ceebo cakwaamba ayi mwakafula kwiinda mishobo imwi yoonse. Mwebo mwakalinga baniini abuumbi kwiinda mishobo imwi yoonse pacishi ca panshi.