Dutolonomi 7:10 - Baibo Busansulushi Bwa Libuku Ili

¹⁰ Sombi boonse balwani bakwe ulaakubapa mulandu kwiinda mukubanyonyoola. Teshi akabalekebo napaceyi.

Dutolonomi 7:10 ပူးပေါင်းရင်းမြစ်များ

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Kulonga 34:7

Ndalama cipangano cangu kumashalane ali shuulu ashuulu, alimwi akulekelela bantu pabubi ashibiibi shabo. Sombi teshi nkaalilwe kupa mulandu baana alimwi abameeshikulu babo, kushikila akulishalane lyatatu alyane, ceebo ca shibiibi sha bamashali babo.”

Tushimpi 11:31

Ono na baluleme balalambulwa kweelana ambobeelete pacishi ca panshi cino, ino kubantu bateshi Lesa abamucita shibi cilaakweela kuli?

Isaya 59:18

Ono balwani bakwe abo ulaakubalambula kweelana asheesho nshebakacita. Ulaakunyumfwisha balwani abo cilemeneshi ca bukali bwakwe, ee, ulaakubooshela cishole abo bamupatite. Ulaakupa bantu beenka abo bekala kulaale, isho nshebeelete.

Jelemiya 32:18

Mulatondesha lusuno lwanu kushuulu sha bantu, sombi mulapa milandu baana ceebo cakubisha kwa bamashali babo. Mwebo ndimwe baLesa bacite nkusu shinene abuumbi. Liina lyanu ndimwe Baami baLesa Beshinkusu shoonse.

Naamu 1:2

Lesa ngushibusuba alimwi ngushikuboosha cishole. Mwaami Lesa ulaboosha cishole alimwi ngumukali abuumbi. Mwaami Lesa ulaboosha cishole kubaabo bamupatite alimwi ulatolelela kukalala kubalwani bakwe.

Shakubelenga 10:35

Kulilabo na Libokoshi lya Cipangano lyanyamuka, Mose wakalinga kwaamba ayi, “Amunyamuke noBaami baLesa, amupalanganye balwani banu boonse akulengesha baabo bamupatite kucica!”

Shakubelenga 14:18

‘Nebo neMwaami Lesa nshifwambaani kukalala, ndabonesha lusuno lunene alimwi ndalekelela shibiibi abwaashu bwa bantu. Nacibi boobo, teshi nkaalilwe kupa mulandu baana kushikila akulishalane lyatatu alyane ceebo ca shibiibi sha bamashali babo bakulukulu.’

Bene Loma 12:19

Nobamakwesu bubi tabeelanishi, sombi mwebo amulekelebo Lesa woombolosha akupa mulandu. Kweelana abwaamba Malembo akwe Lesa ayi, “Amubaleeke ndime mboosha shishole, ndaakubapa milandu abalo, mbwaamba Mwaami Lesa.”

Dutolonomi 32:25

Pansengwe palaakuba kufwa kunkondo, mumaandaabo balaakunookala caboowa. Bacikula bwangu basankwa abanakashi balaakufwa, abalo bacembele abakateta, boonse mbomunya ubo.

Dutolonomi 32:35

Mwaami Lesa ulaakuboosha cishole mukubapa mulandu. Paciindi ceelete balaakuwa boonse. Bushiku bwa mapensho abo buli pafwaafwi. Balaakunyonyoolwabo onoono.

Dutolonomi 32:41

ndaakunona mupeeni wangu ubekabeka, akubona kwaamba ayi bululami bwacitika. Ndaakuboosha cishole pabalwani bangu, akupa mulandu kubaabo bampatite.

Dutolonomi 5:9

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo, kushikila akulishalane lyatatu alimwi alyane.

Dutolonomi 7:11

Anu mubikeeko maano kukonkela milawo amilasho yoonse njendamupa sunu.

Dutolonomi 7:9

Amwiibaluke kwaamba ayi Mwaami Lesa, Lesa wanu ngoLesa eenkabo alimwi ulashomeka. Ulaakubamba cipangano cakwe akutondesha lusuno lwakwe luli mushobo womwi lyoonse kushikila akumashalane ali cuulu abantu bamusuni alimwi bakonkela milawo yakwe.