Dutolonomi 5:32 - Baibo Busansulushi Bwa Libuku Ili

³² “Nobene Isilaeli amushinishe kwaamba ayi mulaakunookonkela shoonse Mwaami Lesa, Lesa wanu nsheshi amulwiite ayi mucite. Mutakasuuli mulawo wakwe uli woonse.

Dutolonomi 5:32 ပူးပေါင်းရင်းမြစ်များ

2 Baami 17:37

Mulyeelete kukonkela milasho amilawo lyoonse iyo njendakamulembela. Mutanoolambila balesa bamwi.

2 Baami 21:8

Na bene Isilaeli boonse bakanookonkela milawo yangu akunoobamba Milawo yoonse iyo Mose musebenshi wangu njaakabapa, lyalo teshi nkabatandeewo mucishi ico ncendakapa bamashali babo bakulukulu.”

2 Baami 22:2

Josiya wakacita shiluleme pameenso a Mwaami Lesa mukukonkela shoonse isho shakalinga kucita Defedi mushali wakwe mukulukulu. Wakalinga kukonkela milawo yoonse yakwe Lesa cakutapusa.

Kulumbaisha 125:5

Sombi abo bakonkela nshila shabo shitaluleme, Mwaami Lesa ulaakubatandila nkweshi kukanooli bamucita shibi. Luumuno alube pabene Isilaeli.

Kulumbaisha 19:12

Taaku ukonsha kubona shilubo shakwe shoonse. Anu amundekelele nkambo kushibiibi shitaboneki.

Kulumbaisha 80:19

NoBaami baLesa Beshinkusu shoonse, amutuboosheshe bwikaalo bwesu butaanshi! Amutunyumfwile nkumbu kwaamba ayi tupulushikwe.

Tushimpi 3:2

Kwiisha kwangu kulaakukulengesha kwikala buumi bulaamfu abuumbi alimwi kulaakukulengesha kuswitilila mushintu shoonse.

Tushimpi 4:27

Kuteelesha kupambookapambooka. Kasha myeendo yako kuya mukucita shibiibi.

Isaya 30:21

Na kwaba kupambuka munshila akulanga kulubasu lwa kucipiko nabi kululyo, mulaakunyumfwa liswi lyakwe kuswa kwisule lyakumulwiita ayi, “Nshila iluleme njeeyi. Amukonkele njiyo.”

Esekelo 20:19

Nebo ndime Mwaami Lesa, Lesa wanu, amukonkele milasho yangu alimwi akubona kwaamba ayi mutoolama kabotu milawo yangu.

Esekelo 37:24

“ ‘Wamulunyungu lwakwe Defedi musebenshi wangu ngweshi akabe mwaami wabo. Lyalo boonse balaakubabo amweembeshi womwi. Balaakunookonkela milawo amilasho yangu cakushomeka.

Dutolonomi 11:32

amukabikeeko maano kukonkela milawo amilasho yoonse njeentoomupa sunu.

Dutolonomi 12:32

“Mwebo mulyeelete kunoocita shintu shoonse nshendamulwiita. Tamweelete kunungaawo nabi kukushaawo.

Dutolonomi 17:11

Mukacite kweelana amilawo njeshi bakamwiishe alimwi abupingushi mbweshi bakamupe. Mutakasuuli nsheshi bakamulwiite akucita shimbi.

Dutolonomi 17:20

Ici cilaakumulengesha kutayeeya ayi lakwe uli kabotu kwiinda bene Isilaelinyina bamwi boonse, akumukasha kutakonkela milawo ya Mwaami Lesa munshila ili yoonse. Lyalo lakwe alimwi abamulunyungu lwakwe balaakweendelesha ciindi cilaamfu muIsilaeli.

Dutolonomi 24:8

“Kumakani a manata, mulyeelete kucita shoonse isho bapailishi bene Lefi nsheenga bamulwiita. Mulyeelete kukonkela milasho yoonse iyo njendabalwiita.

Dutolonomi 28:14

Mutakeeleshi kufutatila milawo iyi njeentoomupa sunu mukulambila akusebensela balesa bamwi.

Dutolonomi 29:8

Twakabwesa cishi cabo akwaabanya mukowa wa bene Lubeni wakwe Gadi alimwi amusa wa mukowa wakwe Manase.

Dutolonomi 6:17

Mulyeelete kushinisha kwaamba ayi mulaakunookonkela milawo amilasho yoonse njaamupa.

Dutolonomi 6:25

Na twakonkela cakushomeka shintu shoonse shaakatwaambila ayi tukonkele, tulaakumusangalasha.’

Dutolonomi 6:3

Nobene Isilaeli, amwiikutike alimwi munooikonkela! Lyalo shintu shoonse shinanoomweendela kabotu alimwi mulaakuba mushobo unene akwikala mucishi ca bulongo bubotu, bweenka bwakashomesha Mwaami Lesa, Lesa wa bamashali banu bakulukulu.

Dutolonomi 8:1

“Amukonkele cakushomeka milawo yoonse njendamupa sunu kwaamba ayi munooli boomi, mufule alimwi mukabwese cishi ico Mwaami Lesa ncaakashomesha kubamashali banu bakulukulu.

Joshuwa 1:7

Webo yumabo akulishoma abuumbi. Ulyeelete kunookonkela Milawo yoonse iyo musebenshi wangu Mose njaakakupa kwaamba ayi ukaswitilile kuli koonse nkweshi ukaye. Utakeeleshi kusuula mulawo nabi womwi.

Joshuwa 23:6

Ono amukabike maano kukonkela shoonse shilembetwe mulibuku lya Milawo yakwe Mose yoonse. Mutakasuuli nakaceyi muli njiyo

2 Pita 2:21

Naakwiinga cakabota kuli mbabo kuteshibaawo nshila ya bululami, kwiinda kwaamba ayi beshibe, sombi alimwi pesule baalookile mulawo usalalite wakabapa Lesa.