Dutolonomi 5:31 - Baibo Busansulushi Bwa Libuku Ili

³¹ Sombi webo Mose unooshiite anebo kuno. Ntookulwiita milawo amilasho yangu yoonse. Ukeeishe bantu kwaamba ayi bakanooikonkela mucishi ico nceshi nkabape.’

Dutolonomi 5:31 ပူးပေါင်းရင်းမြစ်များ

2 Baami 17:37

Mulyeelete kukonkela milasho amilawo lyoonse iyo njendakamulembela. Mutanoolambila balesa bamwi.

Kulonga 24:12

Mwaami Lesa wakaambila Mose ayi, “Kosa tanta pakalundu pano mpoombete. Ono koocili waano, ntookupa mabwe obilo apampamene, apo mpondakalemba milawo amilasho yoonse kwaamba ayi bantu bakeeye nshebeelete kucita.”

Kulonga 24:18

Lyalo Mose wakaya peene peculu lya kalundu akwinjila mulikumbi. Pakalundu apo, wakeekalawo nshiku shili makumi one, malumwi amashiku.

Esekelo 20:11

Ndakabapa milasho yangu akubeeisha milawo yangu iyo ipa buumi kumuntu uyo wiinyumfwila.

Malaki 4:4

“Amwiingashile kwiisha kwa musebenshi wangu Mose, milasho amilawo iyo njendakamupa pakalundu ka Sinayi kwaamba ayi bene Isilaeli banookonkela.

Bene Galatiya 3:19

Ino Milawo yakalinga kucite mulimonshi? Lesa wakabika Milawo kwaamba ayi bantu beshibe shibiibi shabo kushikila luseke ulo lwa mulunyungu lwakwe Abulaamu lwakaambwa mucipangano ndilwakesa. Lesa wakapa bantu Milawo kwiinda mubaanjelo bakwe alimwi amuntu uyo shikwiimikana pakati.

Dutolonomi 11:1

“Amusune Mwaami Lesa, Lesa wanu alimwi kamukonkela milawo amilasho yakwe yoonse.

Dutolonomi 12:1

“Ono njeeyi milasho amilawo njemweelete kunookonkela lyoonsebo mwaakunookala mucishi ico Mwaami Lesa, Lesa wa bamashali banu bakulukulu ncaatoomupa.

Dutolonomi 3:18

“Mpomunyaawo ndakabapa milasho yakwaamba ayi, ‘Mwaami Lesa, Lesa wesu wamupa cishi ici kwicwe lya Joodani kwaamba ayi mwikaleemo. Ono amupe shilwanisho bashilumamba banu mubatuume basubuke Mulonga wa Joodani kunembo lya mikowa imwi ya bene Isilaeli kwaamba ayi bakabacafwilishe kubwesa cishi cabo abalo.

Dutolonomi 4:1

Lyalo Mose wakaambila bantu ayi, “Kamukonkela milawo yoonse iyo njentoomwiisha, mulaakuba abuumi alimwi mulaakwikala mucishi ico ncaatoomupa Mwaami Lesa, Lesa wa bamashali banu bakulukulu.

Dutolonomi 4:45

Mose wakabapa milasho amilawo iyi ndibakaswa muIjipiti

Dutolonomi 4:5

“Ndamwiisha milasho amilawo yoonse, bweenka Mwaami Lesa mbwaakandwiita ayi ncite. Mukanooikonkela mucishi ico ncemuli pafwaafwi kulwana akucibwesa.

Dutolonomi 5:1

Mose wakabunganya bene Isilaeli boonse akubaambila ayi, “Nobene Isilaeli, amukutike kumilawo amilasho yoonse njeentoomupa sunu. Muyiiye akwiikonkela cakushinisha.

Dutolonomi 5:30

Koya ubaambile ayi baye kumisumba yabo.

Dutolonomi 6:1

“Iyi njemilawo amilasho iyo Mwaami Lesa, Lesa wanu njaakandwiita ayi mwiishe. Mukanooikonkela mucishi ico ncemuli pafwaafwi kwinjila akubwesa.