Dutolonomi 5:14 - Baibo Busansulushi Bwa Libuku Ili

¹⁴ Sombi bushiku bwasanu ashobilo, mbushiku bwangu ubo mboweelete kookesha. Taaku muntu weelete kusebensa pabushiku ubo, webo, bana bako, basha bako, shifubwa shako nabi baswamashi bekala mucishi cako. Basha banu balyeelete kookesha bweenka mbuli ndimwe.

Dutolonomi 5:14 ပူးပေါင်းရင်းမြစ်များ

Matalikilo 2:2

Pabushiku bwasanu ashobilo Lesa wakalinga kumanishite kale shoonse nshaakalinga kucita. Pabushiku ubo wakookesha.

Neyemiya 13:15

Munshiku isho ndakabona bantu bamwi mucishi ca Juda bakalinga kutyana minyansa pabushiku bwakookesha bwa Cibelu. Bamwi bakalinga kubika shili anga ngamaila, waini, minyansa, inkuyu ashimwi shintu pambongolo shabo akutola kuJelusalemu. Ndakabacenjesha ayi batanokuulisha cintu cili coonse pabushiku bwakookesha bwa Cibelu.

Neyemiya 13:16

Abalo bene Taya bakalinga kwikala muJelusalemu bakalinga kuleta nswi ashintu shimwi shakuulisha mundabala inene iyo akuulisha bene misheesu pabushiku bwakookesha bwa Cibelu.

Neyemiya 13:21

Sombi ndakabacenjesha ayi, “Ino nciinshi ncemoonena pansengwe lya lubumbu kulindila ayi buce? Na mukaciboosheewo, ndaakumuuma.” Kuswa bushiku ubo, tabana kwisawo kale pabushiku bwakookesha bwa Cibelu.

Neyemiya 5:5

Swebo abaJuda bamwi boonse tuli bulowa bomwi. Bana besu balyeelenebo abana babo, nakubi boobo tuloolisha busha bana besu. Ncakwiila bana besu bamwi banakashi bakoolwa kale busha. Sombi tatucite lucafwo mukwiinga myuunda yesu yoonse ili mumaansa a bantu bamwi.”

Kulonga 23:12

“Musebense milimo yanu yoonse kwanshiku shosanwe abomwi munsondo, sombi pabushiku bwasanu ashobilo tamweelete kusebensa, kwaamba ayi basha banu alimwi abaswamashi bamusebensela bookeshe kubikaawo ashifubwa shanu shoonse.

Bene Lefi 23:3

“Mulicite nshiku shosanwe abomwi umo momweelete kusebensa milimo yanu, sombi mwiingashile bushiku bwasanu ashobilo, mbushiku bwakookesha. Pabushiku ubu tamweelete kusebensa, sombibo kubungana pantu pomwi ayi mulambile. Kuli koonse nkweenga kamwikala ubu mbushiku bwa Mwaami Lesa.

Maako 2:27

Lyalo Jesu wakabaambila ayi, “Bushiku bwakookesha bwa Cibelu bwakapangilwa muntu, kuteshi muntu kupangilwa Cibelu.

Luka 23:56

Kuswawaawo bakaboolela kuŋanda akuya mukubamba mafuta atununkila kabotu tumwi twakunanika mutuntu wakwe Jesu. Pabushiku bwakookesha bwa Cibelu, bakookesha kweelana aMilawo.

Dutolonomi 5:13

Ulicite nshiku shosanwe abomwi nsheweelete kusebensa milimo yako,

Bene Ebulu 4:4

MuMalembo akwe Lesa, pamwi palaamba shabushiku bwasanu ashobilo ayi, “Lesa wakookesha pabushiku bwasanu ashobilo, kucileka milimo yoonse njaakalinga kucita.”