Dutolonomi 5:1 - Baibo Busansulushi Bwa Libuku Ili

¹ Mose wakabunganya bene Isilaeli boonse akubaambila ayi, “Nobene Isilaeli, amukutike kumilawo amilasho yoonse njeentoomupa sunu. Muyiiye akwiikonkela cakushinisha.

Dutolonomi 5:1 ပူးပေါင်းရင်းမြစ်များ

Kulumbaisha 78:7

Aboobo balaakucinka manungo muli Lesa, alimwi teshi bakalubeeko milimo yakwe, sombi balaakukonkela milawo yakwe.

Kulonga 15:26

Wakabaambila ayi, “Na munoonyumfwila amoyo woonse kwiinda mukucita nsheensuni alimwi akukonkela milawo amilasho yangu yoonse, teshi nkamuletelewo malwashi mbuli aayo ngondakaletela bene Ijipiti. Nebo ndime Mwaami Lesa uyo umushilika.”

Kulonga 18:20

Ulyeelete kubeeisha milasho amilawo yakwe Lesa akubasansulwita mbuli mbobeelete kwikala alimwi anshebeelete kucita.

Mateyo 23:3

Aboobo mulyeelete kucita akukonkela shintu shoonse nshebamulwiita. Sombi mutanoocita sheesho nshebacita ceebo tabaciti nshebeeisha.

Dutolonomi 1:1

Mulibuku ili, muli makani Mose ngaakaambila bene Isilaeli ndyaakalinga muluyanga kwicwe lya Mulonga wa Joodani. Bakalinga mucinyika ca Joodani pafwaafwi aSufi, pakati ka ndabala ya Palani aya Tofelo, Labani, Asaloti alimwi aDisaabu.

Dutolonomi 11:1

“Amusune Mwaami Lesa, Lesa wanu alimwi kamukonkela milawo amilasho yakwe yoonse.

Dutolonomi 12:1

“Ono njeeyi milasho amilawo njemweelete kunookonkela lyoonsebo mwaakunookala mucishi ico Mwaami Lesa, Lesa wa bamashali banu bakulukulu ncaatoomupa.

Dutolonomi 17:19

Libuku ili lilyeeletebo kunooli muliimfwa lyakwe akanoolibelenga lyoonse mubuumi bwakwe, kwaamba ayi akeeye kulemeka Mwaami Lesa, Lesa wakwe alimwi akukonkela cakushomeka milawo amilasho yoonse iyi.

Dutolonomi 28:15

“Sombi na mukabule kunyumfwila Mwaami Lesa, Lesa wanu alimwi akutakonkela kabotu milawo amilasho yakwe yoonse iyo njentoomupa sunu, mashingo aya oonse alaakwisa pali ndimwe.

Dutolonomi 29:10

“Pabushiku bwasunu noonse muliimfwi pameenso a Mwaami Lesa, Lesa wanu. Nkokwaamba ayi mwebo nobamatanjilili, abamaloba, bacinenenene, basankwa bamwi boonse,

Dutolonomi 29:2

Mpomunyaawo Mose wakabunganya bene Isilaeli boonse akubaambila ayi, “Mwakalibonena nobeene shoonse isho Mwaami Lesa nshaakacita kuli Falawo mwaami wa kuIjipiti, bamatanjilili bakwe alimwi akucishi cakwe coonse.

Dutolonomi 4:1

Lyalo Mose wakaambila bantu ayi, “Kamukonkela milawo yoonse iyo njentoomwiisha, mulaakuba abuumi alimwi mulaakwikala mucishi ico ncaatoomupa Mwaami Lesa, Lesa wa bamashali banu bakulukulu.

Dutolonomi 4:49

Cakalinga kubikaako amusena woonse wakalinga kwicwe lya Mulonga wa Joodani kuya mukushika akuLweenge lwa Mwiinyo kulubasu lwa kumalenge. Kuya kwicwe cakalinga kweela munshaaKalundu ka Pisiga.

Dutolonomi 4:5

“Ndamwiisha milasho amilawo yoonse, bweenka Mwaami Lesa mbwaakandwiita ayi ncite. Mukanooikonkela mucishi ico ncemuli pafwaafwi kulwana akucibwesa.

Dutolonomi 5:2

PaKalundu ka Sinayi Mwaami Lesa, Lesa wesu wakapanga cipangano,

Dutolonomi 6:17

Mulyeelete kushinisha kwaamba ayi mulaakunookonkela milawo amilasho yoonse njaamupa.

Joshuwa 1:8

Utakalubiiko kunoobelenga Libuku lya Milawo lyoonse pakunoolambila. Ukanokwiiyaamo malumwi amashiku akulabilila kukonkela shoonse shilembetweemo. Na ukacite boobo, ulaakuba acoolwe alimwi ulaakuswitilila.