Dutolonomi 4:6 - Baibo Busansulushi Bwa Libuku Ili

⁶ Amukeekonkele cakushomeka. Ico cilaakutondesha mishobo imwi busongo mbomucite akunyumfwishisha kwa shintu shoonse. Na bakanyumfwe milawo iyi, balaakwaamba ayi, ‘Mushobo uyu ngunene ulicite busongo bunene akunyumfwishisha kwa shintu shoonse!’

Dutolonomi 4:6 ပူးပေါင်းရင်းမြစ်များ

1 Baami 4:34

Bamaami boonse ba mucishi bakanyumfwa shabusongo bwakwe akutuma bantu ayi baye bamukutike.

Jobo 28:28

“Mpeeke Lesa wakaambila muntu ayi, ‘Kuloonda Mwaami Lesa mbobusongo. Kufutatila bubi ndolushibo lwiine lwiine.’ ”

Kulumbaisha 111:10

Kuloonda Mwaami Lesa ngomatalikilo a busongo. Boonse abo bakonkela milasho yakwe mbobacite lushibo lwiine lwiine. Aalumbaishikwe lyoonse alyoonse.

Kulumbaisha 19:7

Milawo ya Mwaami Lesa teecite kampenda, ilalengesha muntu kuba abuumi bupya. Shakaamba Mwaami Lesa shilashomekwa, shilalengesha batacite busongo kubaabo.

Kulumbaisha 19:8

Milasho ya Mwaami Lesa ililuleme, ee, ilalengesha moyo kusangalala. Milawo ya Mwaami Lesa ilisalalite, ilatondesha muntu buumi bubotu.

Tushimpi 1:4

Tulapa maano bantu bataaku mbobabete, akupa bacikula bwangu lushibo lwakucita shintu sheelete.

Tushimpi 1:5

Tushimpi tulalengesha muntu musongo kunungawo maano alimwi akutanjilila baabo beeite

Tushimpi 1:7

Kuloonda Mwaami Lesa ngomatalikilo a lushibo, sombi balo baluya balanyansha busongo akukaka kulilemeka.

Tushimpi 14:34

Bululami bulalengesha mushobo wa bantu kulemekwa, sombi shibiibi shilaleta musebaanyo pamushobo uli woonse.

Tushimpi 14:8

Busongo bwa muntu ucenjete nkutaanguna kuyeeya pamicito yakwe, sombi buluya bwa baluya bulabalubya beene.

Isaya 42:21

Ceebo ca bululami bwakwe, Mwaami Lesa cakamukonda kulengesha milawo yakwe kusumpulwa akuba abulemu.

Jelemiya 8:9

Basongo banu balaakulenshekwa nsoni. Balaakulenshekwa buumba akucatwa. Abo bakakaka maswi a Mwaami Lesa, ino mbusongonshi mbobacite?

Esekelo 5:5

Mwaami Lesa Shinkusu shoonse waamba ayi, “Iyi nindabala ya Jelusalemu iyo njendakabika pakati ka cishi ca panshi coonse. Ncakwiila mishobo imwi yoonse iliishingulukite.

Danyelo 1:20

Mumakani oonse a busongo amaano akunyumfwisha shintu ayo mwaami ngaakabeepusha, wakacana kwaamba ayi balo bakalinga kucite busongo ciine kwiinda beshimampelampela abeshikusonda bali mubwaami bwakwe boonse.

Danyelo 4:9

“Beloteshasa omunene wa basongo boonse, ndishi ayi mushimu wa balesa basalalite uli muli ndiwe alimwi ayi uleshiba shishisitwe shoonse. Ciloto cangu nceeci, ndwiite mbocaamba.

Osiya 8:12

Ndakabapa milawo iinji ilembetwe, sombi bakeekaka akunookwiilangabo anga ncintu ceensu.

Malaki 3:12

Lyalo mishobo yoonse ilaakunoomwiita ayi beshicoolwe mukwiinga cishi canu cilaakunooli cibotu abuumbi,” mbwaamba Mwaami Lesa Shinkusu shoonse.

Dutolonomi 29:9

Anu munookonkela kabotu maswi oonse ali mucipangano ici, kwaamba ayi mukanooswitilila mushintu shoonse nsheshi mukanoocita.

Dutolonomi 32:46

wakaamba ayi, “Maswi oonse aya ngondamwaambila sunu, abe muli ndimwe kwaamba ayi mukeeishe bana banu ayi bakakonkele milawo iyi kabotu kabotu.

Dutolonomi 32:47

Teshi maswi atacite ncito, sombi mbobuumi bwanu. Kamwaakonkela, lyalo mulaakwikala nshiku shiinji mucishi ico cili kwitala lya Joodani ncemutooya mukwikalaamo.”

2 Timoti 3:15

alimwi uleebaluka kwaamba ayi kuswa kubwanike ulishi Malembo akwe Lesa asalalite, ayo akonsha kukupa busongo bweenga bwakuletela lupulusho kwiinda mukushoma Klistu Jesu.

Jemusi 3:13

Ino ngani musongo ucite lushibo pakati kanu? Aatondeshe kwaamba ayi uli boobo mubwikaalo bwakwe bubotu amumicito iyo iswa mukuliceesha.