Dutolonomi 4:39 - Baibo Busansulushi Bwa Libuku Ili

³⁹ Aboobo amwiibaluke sunu alimwi mutakalubiiwo kwaamba ayi Mwaami Lesa, nguLesa kwiculu apacishi ca panshi. Taaku aumwi, sobwe.

Dutolonomi 4:39 ပူးပေါင်းရင်းမြစ်များ

2 Samwelo 7:22

“Ncakwiila mwebo noBaami baLesa noBeshinkusu shoonse mulalemekwa abuumbi! Taaku wiinda ndimwe alimwi taaku lesa aumwi, sombibo mwebo nweenka bweenka mbotunyumfwa amatwi esu.

1 Makani 17:20

“Taaku wiinda ndimwe alimwi taaku lesa aumwi, sombibo mwebo nweenka bweenka mbotunyumfwa amatwi esu.

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

1 Makani 29:11

Nkusu, bulemu, bwaami abubotu, nshanu noBaami baLesa mukwiinga shintu shoonse shili kwiculu apacishi ca panshi nshanu. Ncakwiila bwaami mbwanu alimwi ndimwe mweendelesha shintu shoonse.

2 Makani 20:6

akupaila cakoolobesha ayi, “NoBaami baLesa, baLesa ba bamashali besu bakulukulu. Mulalela kwiculu apacishi coonse ca panshi. Mulicite nkusu shoonse abulemu buunji. Ncakwiila taaku weenga wakonsha kumulwana.

Kulumbaisha 100:3

Amwishibe ayi Mwaami Lesa, ngoLesa! Ngowakatulenga alimwi tuli bantu bakwe. Tuli bantu bakwe mbwaaembela anga nimbelele.

Kulumbaisha 115:3

Ndushinisho Lesa wesu uli kwiculu. Ncakwiila ulacita cili coonse ncaasuni.

Kulumbaisha 135:6

Ulacita cili coonse ncaasuni kwiculu nabi pacishi ca panshi. Ndushinisho ulashicita mulweenge apanshi peene pandulo.

Kulonga 8:10

Mwaami wakakumbula ayi, “Ukampailile ciilo.” Mose alakwe wakakumbula ayi, “Ndaakucita kweelana ambomwasenga, alimwi mulaakwishiba ayi taaku aumwi uli anga nguMwaami Lesa, Lesa wesu.

Isaya 1:3

Amubone ŋombe ilishi mwineyo ayalo mbongolo ilishi wiisanina. Sombi bantu bangu bene Isilaeli tabenshiiwo, ncakwiila bantu bangu tabanyumfwi.”

Isaya 43:10

Mwaami Lesa waamba ayi, “Mwebo nobene Isilaeli ndimwe bakamboni bangu. Ndimwe basebenshi bangu abo mbondakasala kwaamba ayi munshiibe, munshoome alimwi akushinisha ayi ndimebo Lesa. Taaku aumwi Lesa wakabaawo kulekabo ndime alimwi taaku lesa umwi weshi akabeeko kunembo.

Isaya 44:8

Mutatutumi alimwi mutaloondi. Sa cikani ici nshikwe kucaambilishila limwi kale kaleelyo? Mwebo muli bakamboni bangu. Sa kuliiwo Lesa umwi kulekabo ndime? Ndushinisho taaku Lesa nabi womwi uli mbuli Mwaandami umwi ngoonshi nebo.”

Isaya 5:12

Pakusekelela kwabo balalishilwa tulumbu tunene atuniini, misebe amitoolilo akunwa waini. Sombi kumilimo ya Mwaami Lesa tababikiiko amaano. Ncakwiila milimo ya maansaakwe baleesuula.

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Osiya 7:2

Sombi tabeshibi ayi micito yabo yoonse ya bubi ndiilabilite. Shibiibi shabo shilabafwekelesha alimwi lyoonse tashinswi pameenso.”

1 Bene Kolinto 8:4

Ono aboobo pamakani akulya shakulya shipekwa kushibumbwabumbwa, tulishi ayi shibumbwabumbwa tashicite ncito. Alimwi tulishi ayi kulibo Lesa womwi.

1 Bene Kolinto 8:6

Sombi swebo tulicitebo Lesa womwi, Ishiwesu wakalenga shintu shoonse alimwi ngowooyo ngotushiitile. Ncakwiila tulicitebo Mwaami womwi, Jesu Klistu. Lesa wakalenga shintu shoonse kwiinda muli nguwe alimwi tuli boomi ceebo ca Mwaami uyu.

Dutolonomi 32:12

Mwaami Lesa eenkabo ngowakabatanjilila, taaku lesa umwi wakabacafwa.

Dutolonomi 32:29

Bakaalilwa kwishiba ncebakakomenwa, tabakoonshi kunyumfwa cakacitika kuli mbabo.

Dutolonomi 4:35

Mwaami Lesa wakamutondesha shintu shoonse ishi kumwishibisha ayi lakwebo eenka ngoLesa alimwi taaku aumwi.

Dutolonomi 6:4

“Amunyumfwe mwebo nobene Isilaeli! Mwaami Lesa, Lesa wesu ngoMwaami eenkabo!

Dutolonomi 7:9

Amwiibaluke kwaamba ayi Mwaami Lesa, Lesa wanu ngoLesa eenkabo alimwi ulashomeka. Ulaakubamba cipangano cakwe akutondesha lusuno lwakwe luli mushobo womwi lyoonse kushikila akumashalane ali cuulu abantu bamusuni alimwi bakonkela milawo yakwe.

Joshuwa 2:11

Nditwakanyumfwa shikani ishi, soonse twakaloonda abuumbi ceebo ca ndimwe. Ncakwiila Mwaami Lesa, Lesa wanu, nguLesa wa kwiculu alimwi apacishi ca panshi.

1 Samwelo 2:2

“Taaku usalalite mbuli Mwaami Lesa, taakuuwo uli mbuli nguwe, taaku mwaandami uli mbuli Lesa wesu.