Dutolonomi 4:2 - Baibo Busansulushi Bwa Libuku Ili

² Kutanungaawo nabi kukushaawo pamilawo njeentoomupa. Amukonkele milawo ya Mwaami Lesa, Lesa wanu yoonse njendamwaambila.

Dutolonomi 4:2 ပူးပေါင်းရင်းမြစ်များ

Kulumbaisha 78:7

Aboobo balaakucinka manungo muli Lesa, alimwi teshi bakalubeeko milimo yakwe, sombi balaakukonkela milawo yakwe.

Tushimpi 30:6

Utanungiiko kumaswi ngweenga waamba. Na wacita boobo inga wakukalalila akutondesha ayi uli mubeshi.”

Shikushimikila 12:13

Ono shoonse shanyumfwikwa. Anu meelelesho amakani oonse ngaaya: Kolemeka Lesa akukonkela milawo yakwe yoonse mukwiinga uyu ngomulimo woonse wakapekwa muntu.

Jelemiya 26:2

“Imikana mulubansa lwa Ŋanda yangu neMwaami Lesa akwaambila bantu boonse ba mumandabala a muJuda abo besa mukulambila muŊanda yangu. Ubalwiite shoonse nshendakwaambila cakutashiyawo liswi nabi lyomwi.

Mateyo 5:18

Ntoomulwiita calushinisho ayi kushikila liculu acishi shikamaane, taaku libala liniini lya Milawo lyeshi likapusanishikwe tibili shoonse shikacitike.

Mateyo 5:43

“Mwakanyumfwawo bakulukulu mbobakalwiitikwa ayi, ‘Usune mubyo, sombi upate mulwani wako.’

Bene Galatiya 3:15

Nobamakwesu, ntooyanda kumulwiitako cikoshanyo ca cintu ncetucita nshiku shoonse. Na bantu bobilo bapangana akusuminishanya pacikani cimwi, taaku muntu weenga wapwaya cipangano ico nabi kunungaako.

Dutolonomi 1:3

Pabushiku butaanshi bwa mweenshi wa likumi awomwi mumwaaka wa makumi one kuswa ndibakaswa mucishi ca Ijipiti, Mose wakabalwiita shoonse Mwaami Lesa nshaakamulasha ayi abalwiite.

Dutolonomi 12:32

“Mwebo mulyeelete kunoocita shintu shoonse nshendamulwiita. Tamweelete kunungaawo nabi kukushaawo.

Dutolonomi 13:1

“Na mulaluki nabi shikusansulula shiloto washomesha kucita caankamiko nabi citondesho ca nkusu,

Dutolonomi 33:4

aMilawo Mose njaakatupa ceebo mbobuboni bwesu sobene Isilaeli.

Dutolonomi 4:14

Mwaami Lesa wakandwiita ayi mwiishe milasho amilawo yoonse iyo njemweelete kukonkela mucishi ico nceshi mukasaale kwitala lya Mulonga wa Joodani akwikalaamo.

Dutolonomi 4:40

Amukonkele milawo yoonse njendamupa sunu. Lyalo shintu shoonse shilaakumweendela kabotu kushikila akubamulunyungu lwanu. Alimwi mulaakutolelela kwikala mucishi ico Mwaami Lesa, Lesa wanu ncatoomupa ayi cibe caanu muyayaya.”

Dutolonomi 4:5

“Ndamwiisha milasho amilawo yoonse, bweenka Mwaami Lesa mbwaakandwiita ayi ncite. Mukanooikonkela mucishi ico ncemuli pafwaafwi kulwana akucibwesa.

Dutolonomi 5:29

Na lyoonse banooyeeya bobulya alimwi kabandemeka akukonkela milawo yangu yoonse, shintu shoonse inga kashibeendela kabotu pantu pomwi abamulunyungu lwabo, lyoonse alyoonse.

Dutolonomi 5:32

“Nobene Isilaeli amushinishe kwaamba ayi mulaakunookonkela shoonse Mwaami Lesa, Lesa wanu nsheshi amulwiite ayi mucite. Mutakasuuli mulawo wakwe uli woonse.

Joshuwa 1:7

Webo yumabo akulishoma abuumbi. Ulyeelete kunookonkela Milawo yoonse iyo musebenshi wangu Mose njaakakupa kwaamba ayi ukaswitilile kuli koonse nkweshi ukaye. Utakeeleshi kusuula mulawo nabi womwi.

Joshuwa 8:35

Milawo yoonse iyo Mose njaakalemba, Joshuwa wakeebelengela bantu abo bakalinga kubungene, kubikaawo abanakashi, banike alimwi abaswamashi abo mbobakalinga kwikalaabo.