Dutolonomi 4:13 - Baibo Busansulushi Bwa Libuku Ili

¹³ Wakamulwiita ncemweelete kucita mukulama cipangano ncaakapanga amwebo. Mulyeelete kukonkela Milawo ili Likumi iyo njaakalemba pamabwe obilo apampamene.

Dutolonomi 4:13 ပူးပေါင်းရင်းမြစ်များ

1 Baami 8:9

Mukati muLibokoshi lya Cipangano mwakalingabo mabwe obilo apampamene alya Mose ngaakabikaamo kuKalundu ka Sinayi, Lesa ndyaakapanga cipangano abene Isilaeli palya ndibakalinga kuswa kuIjipiti.

Kulumbaisha 119:4

Mwebo noBaami baLesa mwakapa milasho yanu iyo yeelete kunookonkelwa cakushomeka.

Kulonga 19:5

Ono na munyumfwile akulama cipangano cangu, mulaakuba bantu bangu. Cishi ca panshi coonse ici ncaangu, sombi mwebo mulaakuba bantu bangu basalitwe.

Kulonga 24:12

Mwaami Lesa wakaambila Mose ayi, “Kosa tanta pakalundu pano mpoombete. Ono koocili waano, ntookupa mabwe obilo apampamene, apo mpondakalemba milawo amilasho yoonse kwaamba ayi bantu bakeeye nshebeelete kucita.”

Kulonga 31:18

Ono Lesa ndyaakamana kulwiita Mose paKalundu ka Sinayi, wakamupa mabwe obilo apampamene alya, apo Lesa mwiine mpwaakalemba milawo.

Kulonga 34:1

Mwaami Lesa wakaambila Mose ayi, “Besa mabwe obilo apampamene mbuli ataanshi alya, lyalo ndyeshi nembewo maswi eenka alya akalinga pamabwe ataanshi ayo ngowakapwaya.

Kulonga 34:28

Mpeeke Mose wakekala kweenka uko aMwaami Lesa kwanshiku shili makumi one, nkokwaamba ayi malumwi amashiku, kaatali nabi kunwa cintu nabi comwi. Wakalemba maswi a cipangano ayo pamabwe apampamene. Maswi ngaakalemba njiMilawo ili Likumi.

Bene Loma 9:4

Aba mbene Isilaeli abo Lesa mbaakasala ayi babe bana bakwe akubabonesha bulemu bwakwe. Lesa wakapanganaabo shipangano alimwi akubapa Milawo. Wakabeeisha mbobeelete kumulambila akubalasha shintu nsheshi akabacitile.

2 Bene Kolinto 3:7

Milawo ilembetwe yakabesekwa libala alibala pamabwe alya, alimwi pakupekwa kuli Mose bulemu bwakwe Lesa bwakaboneka. Ciwa cakwe Mose cakamweka kubulemu ubo. Ono nakubi kwaamba ayi bwakalinga kuya cishimingana, bene Isilaeli tabakwe kutolelela kulangilisha Mose paciwa. Na Milawo, iyo ileta lufu, yakesa abulemu bwa mushobo uyo,

Dutolonomi 4:12

Mukabalwiite mbuli Mwaami Lesa mbomwakanyumfwa kaamba kuswa mumulilo. Mwakanyumfwa kaamba, sombi tamukwe kumubonaawo.

Dutolonomi 4:14

Mwaami Lesa wakandwiita ayi mwiishe milasho amilawo yoonse iyo njemweelete kukonkela mucishi ico nceshi mukasaale kwitala lya Mulonga wa Joodani akwikalaamo.

Dutolonomi 5:22

“Iyi njemilawo Mwaami Lesa njaakamupa mwebo noonse ndimwakalinga kubungene kukalundu. Ono ndyaakaamba aliswi lya peculu kuswa mumulilo amakumbi ashiya mbi, wakapabo milawo yeenka iyi cakuteendilishaawo aimwi. Lyalo wakeelemba pamabwe obilo apampamene akwaapa ndime.

Bene Ebulu 9:4

Mucipinda ici, mwakalinga cipaililo ca golodi apo pakalinga kutentelwa tununkila kabotu alimwi aLibokoshi lya Cipangano ilyo lyakalinga lya mukuba peculu. MuLibokoshi ili mwakalinga mungomo wa golodi umo mwakalinga mana, inkoli yakwe Aloni iyo yakalinga yasonsa matewu alimwi amabwe obilo apampamene apo pakalinga kulembetwe Milawo.