Dutolonomi 32:9 - Baibo Busansulushi Bwa Libuku Ili

⁹ Ceebo cipansha ca Mwaami Lesa mbantu bakwe, ncakwiila bamulunyungu lwakwe Jakobo ncipansha cakwe.

Dutolonomi 32:9 ပူးပေါင်းရင်းမြစ်များ

2 Samwelo 14:16

Ndakayeeya ayi mpashi nobaami inga mwasumina kumpulusha kumusankwa uyo usuni kuncaya pantu pomwi amwanaangu musankwa, ee kutukusha mucishi cakatupa Mwaami Lesa ayi ncesu.

2 Samwelo 20:19

Ndabala yesu ino nindabala inene abuumbi, ndabala icite luumuno alimwi icite bantu banyumfwila bweendeleshi muno muIsilaeli. Ino nceebonshi mutooyanda kwiinyonyoola? Sa mutooyanda kunyonyoola buboni bwa Mwaami Lesa?”

1 Baami 8:51

Aba mbantu banu abo mbomwakakusha muIjipiti, mulya muli anga mumulilo usungulula mabwe.

1 Baami 8:53

Mwakabasala pakati ka bantu bamwi boonse kwaamba ayi babe bantu banu, bweenka mbuli mbomwakabalwiita kwiinda muli Mose musebenshi wanu, ndimwakakusha bamashali besu bakulukulu kuswa mucishi ca Ijipiti.”

Kulumbaisha 106:40

Aboobo Mwaami Lesa wakakalalila bantu bakwe. Ee, bantu mbwaakasala bakamufundoosha kumoyo.

Kulumbaisha 106:5

kwaamba ayi nkasangalale mukuswitilila kwa baabo mbomwakasala. Ee, kwaamba ayi anebo nkabeeko lubasu mukusangalala kwa mushobo wanu akumulumbaisha pantu pomwi abantu banu.

Kulumbaisha 135:4

Mwaami Lesa wakasala Jakobo kuba wakwe, wakasala Isilaeli ayi mbuboni bwakwe mbwaasunishi.

Kulumbaisha 28:9

Ee, nobaLesa amupulushe bantu banu, amubape coolwe mukwiinga mbanu, Amube beembeshi babo lyoonse akunoobalama lyoonse alyoonse.

Kulumbaisha 33:12

Ulicite coolwe mushobo ucite Lesa ayi ngoMwaami Lesa wabo. Ncakwiila mushobo wa bantu abo mbwaakasala kutambula shintu nshaakashomesha.

Kulumbaisha 74:2

Amwiibaluke bantu banu, abo mbomwakalisalila kalekale, mushobo uyo mwebo ngomwakafuna, kwaamba ayi ube waanu. Amwiibaluke Kalundu ka Siyoni apo mpomwakalinga kwikala.

Kulumbaisha 78:71

Wakamubwesa nkwaakalinga kweembela mbelele akumubika ayi abe mweembeshi wa bamulunyungu lwakwe Jakobo. Wakaba mweembeshi wa bantu bakwe bene Isilaeli.

Kulonga 15:16

Boowa alimwi akulibilika shili pali mbabo. Ceebo ca nkusu shanu, noBaami baLesa, balacelemanabo akuloonda abuumbi, kushikila bantu banu beenda akuya bantu abo mbomwakaangulula mubusha.

Kulonga 34:9

Wakaamba ayi, “NoBaami baLesa, na ncakwiila mulikondetwe muli ndime, ndamusenga ayi muye aswebo. Bantu aba mbeshicimpamya, sombi mutulekelele pabubi bwesu alimwi ashibiibi shesu akututambula ayi tube bantu banu.”

Isaya 19:25

Mwaami Lesa Shinkusu shoonse ulaakubapa coolwe mukwaamba ayi, “Pabene Ijipiti bantu bangu, pabene Asilya bantu mbondakalenga apabene Isilaeli bantu mbondakalisalila, apabe coolwe.”

Isaya 34:17

Ndushinisho mwiine ngweshi akashibunganye. Ee, ngowashibaanya cishi ico. Lyaansa lyakwe mwiine ndilyacibaanya mushipansha shipimitwe. Cishi ico cilaakuba ca nshisho kwamuyayaya. Shinanookalaamo kuswa lishalane alishalane.”

Isaya 43:21

Bantu abo ndakabalenga nemwiine amaansaangu kwaamba ayi bakanookwaambilisha bulemu bwangu.”

Jelemiya 10:16

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.

Jelemiya 2:7

Ndakamuleta mucishi ca mboleshi kwaamba ayi mulye shisepo abutebushi kuswa muli ncico. Sombi ndimwakenjilaamo mwakacilengesha kutanoosalalite, ncakwiila mwakalengesha cishi cangu kulensha bunya.

Jelemiya 51:19

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.

Mika 2:5

Mulikoto lya mwaami Lesa teshi mukabe wamulunyungu nabi womwi uyo weshi akoome cisolo kumubaanya cishi.

Sekaliya 2:12

Lyalo cishi ca Juda cilaakuba cipansha Mwaami Lesa ncaasuni abuumbi mucishi cakwe cisalalite. Ndabala ya Jelusalemu ilaakuba njendabala njeshi akanoosuni kwiinda mandabala amwi oonse.

Bene Efeso 1:18

Ndaseenga kwaamba ayi munyumfwe shalushinisho isho shiswa kuli nguwe, kwaamba ayi mwishibe sheesho nshaakamwiitila, akwishiba kubota kwa shoolwe shabulemu Lesa nshaakashomesha bantu bakwe.

Dutolonomi 9:29

Nakubi boobo aba mbobantu mbomwakasala nobeene kuba baanu alimwi mbomwakakusha muIjipiti kwiinda munkusu shanu shinene.’

Joshuwa 24:17

NguMwaami Lesa, Lesa wesu wakatukusha pantu pomwi abamashali besu bakulukulu kuswa muIjipiti, mucishi cabusha alimwi ngowakacita shaankamiko shilya mumeenso esu. Wakatulama mulweendo lwesu loonse alimwi apakati ka mishobo imwi yoonse motwakeenda.

1 Samwelo 10:1

Lyalo Samwelo wakabwesa musaashi wa mafuta a olifi wapuumwita Saulo pamutwi, wamufyonta akwaamba ayi, “Mwaami Lesa wakusala ayi ube muleli wa bene Isilaeli. Ulaakulela bantu bakwe akubafuna kubalwani babo. Ono citondesho ici ncakwaamba ayi Mwaami Lesa wakusala kuba muleli wa bantu bakwe.