Dutolonomi 32:41 - Baibo Busansulushi Bwa Libuku Ili

⁴¹ ndaakunona mupeeni wangu ubekabeka, akubona kwaamba ayi bululami bwacitika. Ndaakuboosha cishole pabalwani bangu, akupa mulandu kubaabo bampatite.

Dutolonomi 32:41 ပူးပေါင်းရင်းမြစ်များ

Kulumbaisha 149:9

Babaciite kweelana ambokulembetwe mukwiinga ubu mbobulemu bwa basalalite bakwe boonse. Amulumbaishe Mwaami Lesa!

Kulumbaisha 31:23

Anu amusune Mwaami Lesa nobantu bakwe bashomeka. Mwaami Lesa ulafuna bantu bashomeka, sombi balisumpula ulabalambula kweelana abubi bwabo.

Kulumbaisha 7:12

Na muntu wakaka kushiya nshila shakwe shibiibi, Lesa ulaakunona mupeeni wakwe, ulaakubamba buta bwakwe akubweeleka.

Kulumbaisha 7:13

Wabamba kale shilwanisho shicaya, amifwi yakwe ya mulilo.

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Isaya 1:24

Ono kutika bwaamba Mwaami Lesa Shinkusu shoonse, Lesa wa bene Isilaeli ucite nkusu. Waamba ayi, “Ndaakuboosha cishole pali ndiwe omulwani wangu, lyalo teshi ukampensheewo tubili.

Isaya 27:1

Pabushiku ubo Mwaami Lesa ulaakusebensesha mupeeni wakwe wa nkusu alimwi ucaya, kupa mulandu Lefayatani, cisoka cilipeta cilya. Ee, kucaya shinshimwe wa mulweenge ulya.

Isaya 59:18

Ono balwani bakwe abo ulaakubalambula kweelana asheesho nshebakacita. Ulaakunyumfwisha balwani abo cilemeneshi ca bukali bwakwe, ee, ulaakubooshela cishole abo bamupatite. Ulaakupa bantu beenka abo bekala kulaale, isho nshebeelete.

Isaya 66:16

Mwaami Lesa ulaakoombolosha bantu boonse amulilo alimwi amupeeni. Ncakwiila Mwaami Lesa baanji ulaakubacaya.

Isaya 66:6

Amunyumfwe ciyobeyobe ico cili mundabala inene, amunyumfwe coongo citooswa muŊanda yangu. Ico ncoongo cangu nebo neMwaami Lesa ntooboosha shishole kubalwani bangu boonse kweelana ambobeelete.

Jelemiya 44:26

Ono amukutike liswi lya Mwaami Lesa, mwebo nobaJuda noonse nomuli muIjipiti. Waamba ayi, ‘Ndashomesha cakulumbila muliina lyangu linene ayi taaku nabi womwi wakaswa kuJuda ushiite kuli koonse muIjipiti weshi akasebenseshe tubili liina lyangu mukushomesha cakulumbila ayi, Bweenka mbocibete lushinisho ayi Mwaami Lesa Shinkusu shoonse ngumuumi.

Jelemiya 50:18

Paceebo ceeco nebo neMwaami Lesa Shinkusu shoonse, Lesa wa bene Isilaeli, ndaakupa mulandu mwaami wa bene Babiloni acishi cakwe bweenka mbondakapa mulandu mwaami wa bene Asilya.

Jelemiya 50:28

“Amunyumfwe kubaabo bakacica nkondo kuBabiloni mbobatokwaambilisha kuSiyoni ayi nebo neMwaami Lesa, Lesa wabo ndaboosha cishole ee, kuboosha cishole ceebo ca Ŋanda yangu.

Jelemiya 50:29

“Amwiite beshimata ayi balwane Babiloni, ee, boonse abo bawaala mifwi. Mushinguluke ndabala iyo. Mutaleeki nabi womwi ayi aloboke. Amwiilambule pamicito ya njiyo. Amwiicitile bweenka mboyakacitila bamwi mukwiinga wateteesha ndime neMwaami Lesa, Usalalite wa bene Isilaeli.

Esekelo 21:20

Ubike citondesho mukwakwa womwi kwaamba ayi mupeeni ukaye mukulwana bene Amoli ba kuLaba, acitondesho muumwi kwaamba ayi mupeeni ukaye mukulwana cishi ca Juda alimwi andabala inene ya Jelusalemu iyo icite lilinga.

Esekelo 25:14

Ndaakuboosha cishole kucishi ca Edomu kwiinda mubantu bangu bene Isilaeli. Balaakucita bene Edomu kweelana abukali bwangu buyoosha. Lyalo bene Edomu balaakwishiba mbocibete kubooshelwa cishole kuli ndime. Nebo neMwaami Lesa Shinkusu shoonse ndaamba.’ ”

Esekelo 32:10

Ndaakulengesha bantu baanji kukankamana kuceeco nceshi nkacite. Bamaami babo balaakututuma kuboowa ceebo cako, ndaakushingulusha mupeeni kunembo lyabo. Pabushiku bwa kuwa kwako, womwi awomwi ulaakunootutumabo ciindi aciindi kuyeyeela buumi bwakwe.’ ”

Naamu 1:2

Lesa ngushibusuba alimwi ngushikuboosha cishole. Mwaami Lesa ulaboosha cishole alimwi ngumukali abuumbi. Mwaami Lesa ulaboosha cishole kubaabo bamupatite alimwi ulatolelela kukalala kubalwani bakwe.

Sefaniya 2:12

Amwebo nobene Kushi, mulaakuyaswa kumupeeni wa Mwaami Lesa munkondo.

Shakubelenga 10:35

Kulilabo na Libokoshi lya Cipangano lyanyamuka, Mose wakalinga kwaamba ayi, “Amunyamuke noBaami baLesa, amupalanganye balwani banu boonse akulengesha baabo bamupatite kucica!”

Maako 1:2

Cakatalika mbuli mbwaakalemba Isaya mulaluki mukulukulu ayi, “Lesa wakaamba ayi, ‘Ndaakutuma muntu wangu kunembo lyako eshi akakubambile nshila.’

Bene Loma 1:30

Mbampele, mbeshikusuula Lesa, mbeshimucobwe, mbeshikulisumpula akulinyumfwa. Lyoonse balayeeyabo nshila shimwi shakucitilamo shibiibi alimwi tabalemeki bashali babo.

Bene Loma 8:7

Aboobo na muntu kaasunibo shiyanda mubili wakwe, ulaba mulwani wakwe Lesa mukwiinga taakonkeli milawo yakwe Lesa, ncakwiila inga taacikoonshi.

Dutolonomi 32:35

Mwaami Lesa ulaakuboosha cishole mukubapa mulandu. Paciindi ceelete balaakuwa boonse. Bushiku bwa mapensho abo buli pafwaafwi. Balaakunyonyoolwabo onoono.

Dutolonomi 5:9

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo, kushikila akulishalane lyatatu alimwi alyane.

Dutolonomi 7:10

Sombi boonse balwani bakwe ulaakubapa mulandu kwiinda mukubanyonyoola. Teshi akabalekebo napaceyi.

2 Timoti 3:4

Balaakuba bacenjeshi, batasakamani, baswitebo kulisumpula, basuni shakulikondelesha kwiinda kusuna Lesa,