Dutolonomi 32:11 - Baibo Busansulushi Bwa Libuku Ili

¹¹ bweenka mbuli mumbankwashi mbwaapalanganya ciinswa, akunooshinguluka peculu lya bana bakwe, ulafungulula mapapaminwa akwe ayi ababeleke, akubayumuna pamapapaminwa akwe.

Dutolonomi 32:11 ပူးပေါင်းရင်းမြစ်များ

Matalikilo 1:2

Ono cishi taaku mbocakalingaawo ceebo temwakalinga shintu. Kwakalingabo munshinshe peculu lya maanshi aanji. Mushimu wakwe Lesa wakalinga kweendeendabo peculu lya maanshi.

Kulumbaisha 18:10

Wakalinga kuya buuluka kaatantite pamukelebu. Cipuupu cakalinga ngomapapaminwa akuulukishaako.

Kulonga 19:4

“Mwakabona nshendakacita nebo neMwaami Lesa kubene Ijipiti, alimwi ambuli mbondakamunyamuna bweenka mbuli mumbankwashi mbwaanyamuna bana bakwe pamapapaminwa akwe akumuleta kokuno kuli ndime.

Isaya 31:5

Ncakwiila bweenka muyuni mbwaalelemba peculu lya ciinswa ca bana bakwe mukubatabilila, mbweeke ubo nebo neMwaami Lesa Shinkusu shoonse mbweshi nkatabilile ndabala ya Jelusalemu akwiifuna.”

Isaya 40:31

Sombi bacinkite manungo muMwaami Lesa, balaakunoopekwa nkusu shipya paciindi aciindi. Balaakunooya cuulukoolukabo anga ngumumbankwashi. Balaakunoocica, sombi teshi bakanookopokaawo. Balaakunokweendaana, sombi teshi bakanoowisukaawo kukulema.

Isaya 46:4

Nebo ndi Lesa wanu alimwi ndanoomulama kushikila misusu yanu yaakutuba kukucembela. Ndakamulenga alimwi ndanoomulama. Ndanoomucafwa alimwi ndanoomufuna.”

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Jelemiya 13:11

Bweenka laamba mboocata mubukome bwa muntu, mbweeke ubo anebo mbondakalinga kusuni ayi bene Isilaeli abene Juda banoocatite kuli ndime. Munshila iyo nkwaamba ayi babe bantu bangu akulengesha liina lyangu kulumbaishikwa akulemekwa. Sombi balo tabakwe kunyumfwila.’ ”

Osiya 11:3

Ndime ndakeeisha bene Isilaeli kweenda mukubacatilila kulyaansa. Sombi tabakwe kwishiba ayi ndime ndakalinga kubalama.

Dutolonomi 33:12

Kumukowa wakwe Benjameni wakaamba ayi, “Uyu ngomukowa Mwaami Lesa ngwaasuni akuufuna. Uloolama bushiku boonse, akwikala pakati ka nguwo.”

Bene Ebulu 11:3

Kwiinda mulushomo, tulishi kwaamba ayi Lesa wakalenga cishi kwiinda mumaswi. Aboobo shintu nshetubona, shakalengwa kuswa mushintu shitaboneki.

Ciyubululo 12:14

Mwanakashi uyo wakapekwa mapapaminwa obilo a mumbankwashi kwaamba ayi oolukile kuluyanga kumusena wakwe uko nkweshi akalamwe kabotu kwamyaaka ili yotatwe amusa, kuloonda shinshimwe.

Ciyubululo 12:4

Shinshimwe uyu wakoobola cipansha catatu ca nyenyeenshi sha mwiculu amucila wakwe akushiloshesha panshi. Kuswawaawo, wakeemikana kunembo lya mwanakashi wakalinga pafwaafwi akutumbuka kulindilila kwaamba ayi na mwaana ashalwe, eendililebo kumulya.