Dutolonomi 31:3 - Baibo Busansulushi Bwa Libuku Ili

³ Mwaami Lesa, Lesa wanu mwiine ngweshi akanooli kunembo akunyonyoola mishobo iyo ili kooko kwaamba ayi mukabwese cishi cabo. Joshuwa ngweshi abe mutanjilili wanu kweelana abwakaamba Mwaami Lesa.

Dutolonomi 31:3 ပူးပေါင်းရင်းမြစ်များ

Matalikilo 48:21

Lyalo Jakobo wakaambila Josefu ayi, “Ndi pafwaafwi kufwa. Nacibi boobo Lesa unanooli awebo akukuboosha kucishi ca bamashali bako bakulukulu.

Milimo ya Batumwi 7:45

Kuswawaawo, bamashali besu bakulukulu bakashiilwa Tente kuswa kubamashali babo. Mpeeke bakalinga kwiinyamuna ndibakalinga aJoshiwa, pakubwesa cishi ico Lesa ncaakatandamo mishobo imwi kunembo lyabo. Bakekala aTente iyo kushikila amunshiku shakwe Defedi

Dutolonomi 1:30

Mwaami Lesa, Lesa wanu utoomutanjilila alimwi utoomulwaninaako bweenka mbomwakabona kaacita muIjipiti

Dutolonomi 3:28

Upe Joshuwa milasho akumuyumyayumya mukwiinga ulaakutanjilila bantu kwaamba ayi bakabwese cishi nceshi ubone.’

Dutolonomi 31:14

Kuswawaawo Mwaami Lesa wakaambila Mose ayi, “Ono uli pafwaafwi kufwa. Ita Joshuwa usaakwe kuTente ya Cipangano ayi mupe milasho.” Mpeeke Mose aJoshuwa bakaya kuTente iyo.

Dutolonomi 31:23

Lyalo Mwaami Lesa wakaambila Joshuwa mwanaakwe Nani ayi, “Uyume akulishoma mukwiinga ndiwe weshi utanjilile bene Isilaeli kuya mucishi ncendakabashomesha cakulumbila, anebo nemwiine nanooli awebo.”

Dutolonomi 31:4

Mpeeke Mwaami Lesa ulaakunyonyoola bantu abo bweenka mbwaakacita Sioni alimwi aOgi, bamaami ba bene Amoli abo mbwaakanyonyweeta pantu pomwi acishi cabo.

Dutolonomi 34:9

Ono Joshuwa mwanaakwe Nani wakesushikwa busongo mukwiinga Mose wakabika maansaakwe pali nguwe. Paceebo ceeci bene Isilaeli bakalinga kumunyumfwila akunoocita shoonse Mwaami Lesa nshaakalwiita Mose.

Dutolonomi 7:1

“Ono Mwaami Lesa, Lesa wanu ulaakumutola mucishi ico nceshi mukabwese alimwi ulaakutandaanya mishobo yosanwe ayobilo icite nkusu kwiinda ndimwe iliimo, nkokwaamba ayi bene Iti, bene Gegashi, bene Amoli, bene Kenani, bene Pelisi, bene Ifi alimwi abene Jebusi.

Dutolonomi 9:3

Ono sunu nobeene mutoobona Mwaami Lesa, Lesa wanu utoomutanjilila abukali buli anga ngumulilo utoobilima. Unanooya cibakoma kunembo lyanu mwaakunooya, kwaamba ayi mukabatandeemo akubanyonyoola cakufwambaana mbuli mbwaakashomesha.

Bene Ebulu 4:8

Joshiwa naakalengesha ayi bantu bookeshe kweelana akushomesha kwakwe Lesa, naakwiinga pesule, Lesa taakwe kwaamba shabushiku bumwi alimwi.

Joshuwa 1:2

“Mose musebenshi wangu wafwa. Ono webo nyamuka abene Isilaeli boonse, musubuke Mulonga wa Joodani akuya mucishi ico ncentoopa bantu bangu.

Joshuwa 11:15

Kweelana aMwaami Lesa mbwaakaambila Mose musebenshi wakwe, alakwe wakalwiita Joshuwa uyo wakacita shoonse. Ncakwiila wakacita isho shoonse Mwaami Lesa nshaakaambila Mose.

Joshuwa 3:7

Kuswawaawo Mwaami Lesa wakaambila Joshuwa ayi, “Pabushiku bwasunu ntootalika kukusumpula pameenso abene Isilaeli boonse, kwaamba ayi beshibe ayi ndi awebo bweenka mbondakalinga aMose.

Joshuwa 4:14

Pabushiku ubo, Mwaami Lesa wakasumpula Joshuwa pameenso a bene Isilaeli boonse. Mpeeke bakatalika kumupa bulemu mubuumi bwakwe boonse bweenka mbobakalinga kupa bulemu Mose.