Dutolonomi 30:9 - Baibo Busansulushi Bwa Libuku Ili

⁹ Mpomunyaawo Mwaami Lesa, Lesa wanu ulaakumupa coolwe mumilimo yoonse njeshi mukanoocita, akumupa baana baanji, shifubwa alimwi ashakulya shiinji. Ulaakukondwa kumupa coolwe bweenka mbwaakakondwa pakupa coolwe bamashali banu bakulukulu.

Dutolonomi 30:9 ပူးပေါင်းရင်းမြစ်များ

Isaya 62:4

Teshi ukanoociitwa ayi, “Cishaale” nabi kwiita cishi cako ayi, “Matongo.” Sombi ulaakunokwiitwa ayi, “Efisiba,” nkokwaamba ayi usunikwi wangu uli muli nguwe. Acalo cishi cako cilaakunokwiitwa ayi, “Beula,” nkokwaamba ayi weebetwe, ceebo Mwaami Lesa ulaakunookusuni alimwi ngweshi akakweebe.

Isaya 62:5

Bweenka musankwa cikula bwangu mbwaaeba mwanakashi mooye, mbweeke ubo alakwe Mwaami Lesa mbweshi akakweebe. Bweenka shibwiinga mbwaasangalala pali nabwiinga wakwe, mbweeke ubo alakwe Mwaami Lesa mbweshi akanoosangalala pali ndiwe.

Isaya 65:19

Ndabala ya Jelusalemu ilaakunoonsangalasha alimwi bantu bangu ndaakubasuna abuumbi. Mundabala iyo teshi mukanyumfwikeewo utoolila buumpute nabi mubila.

Jelemiya 31:27

Mwaami Lesa waamba ayi, “Ciindi cilaakushika ndyeshi nkasushe bantu abanyama mucishi ca Isilaeli coonse amucishi ca Juda.

Jelemiya 31:28

Bweenka mbuli mbondakabikako maano kubatumuna, kubapwayoola, kubakoma, kubanyonyoola akubapumununa, mbweeke ubo mbweshi nkabikeko maano kubashanga akubayaka alimwi.

Jelemiya 32:41

Anebo ndaakunoosangalete amoyo wangu woonse pakubacitila shintu shibotu akubekalika mucishi cino kwanshiku shoonse.”

Jelemiya 33:9

Ndabala inene ya Jelusalemu ilaakundetela mpuwo, kusangalala, kulumbaishikwa alimwi abulemu kunembo lya mishobo yoonse ya pacishi ca panshi. Lyalo mishobo ilaakuloonda akututuma pakunyumfwa shintu shibotu nsheshi nkacitile bene Jelusalemu alimwi ambweshi nkabalengeshe kuswitilila akwikala muluumuno.’ ”

Bene Lefi 26:4

ndaakumupa mfula paciindi ceelete kwaamba ayi mumyuunda mukaswe shakulya alimwi ashisamu shikacate shisepo.

Bene Lefi 26:6

“Ndaakumupa luumuno mucishi canu alimwi mulaakunokoona cakutaloonda muntu nabi womwi. Banyama boonse bakali ndaakubatandaamo, anu teshi mukabewo nkondo alimwi.

Sefaniya 3:17

Mwaami Lesa, Lesa wako uli awebo. Ulicite nkusu shakukufuna. Ulaakukondwa abuumbi muli ndiwe. Ulaakukuletela buumi bupya mulusuno lwakwe. Ulaakusangalala pali ndiwe mukwiimba nyimbo

Luka 15:32

Sombi tulyeelete kusekelela akusangalala mukwiinga mwanike wako wakalinga kufwite, ono waba muumi, wakalinga kusowekete, ono wacanika.’ ”

Joni 15:11

“Ndamulwiita shintu ishi kwaamba ayi kusangalala kwangu kube muli ndimwe alimwi akwaamba ayi kusangalala kwanu kushikeewo.

Dutolonomi 28:4

“Mwaami Lesa ulaakumupa coolwe cakuba abaana baanji, shakulya shiinji alimwi aŋombe ambelele shiinji.

Dutolonomi 28:63

Bweenka mbocakasangalasha Mwaami Lesa ayi amusumpule akumufusha mbweeke ubo mbweshi cikamusangalashe ayi amunyonyoole akumulobya. Mulaakumana katyenke mucishi ico ncemutooya mukwikalaamo.

Dutolonomi 30:8

Lyalo mulaakunoonyumfwila Mwaami Lesa alimwi, akukonkela milawo yakwe yoonse njentoomupa sunu.

Dutolonomi 7:14

Taaku bantu mucishi ca panshi coonse beshi bakapekwe shoolwe shiinji anga ndimwe. Bamumaandaanu balaakufula ashalo shifubwa shanu shilaakufula.