Dutolonomi 30:1 - Baibo Busansulushi Bwa Libuku Ili

¹ “Ono ntoomulwiita ayi cili kuli ndimwe nobeene kusala coolwe nabi mashingo. Na shoonse ishi shikamucitikile pakati ka mishobo iyo Mwaami Lesa, Lesa wanu nkweshi akamupalanganishishe, mulaakwiibaluka shakusala nshentoomulwiita.

Dutolonomi 30:1 ပူးပေါင်းရင်းမြစ်များ

Matalikilo 4:14

Mutoontanda mucishi cino apameenso anu. Ndaakuba shikwiingooka utacite musena pacishi ca panshi, alimwi uli woonse eshi akancane, ulaakuncaya.”

1 Baami 8:34

amubanyumfwile uko kwiculu. Amulekelele shibiibi sha bantu banu, akubaboosha mucishi ico ncemwakapa bamashali besu bakulukulu.

2 Makani 30:9

Na muboole kuMwaami Lesa, abo bakatola bamakwabanu busha balaakubanyumfwila nkumbu akubaleka ayi baboolele kumishaabo. Mwaami Lesa ngushinkumbu alimwi ulicite luse. Na muboole kuli nguwe, ncakwiila utoomutambula.”

Neyemiya 1:9

Sombi na mukasandukile kuli ndime akukonkela milawo yangu, ndaakumuboosha mumusena ngondakasala ayi noolambililwa nabi bantu banu bamwi bali mushishi sha busha shili kulaamfu.’

Isaya 46:8

“Ono mwebo nobamucita shibi kamwiibaluka ceeci. Kamuyeeya shintu nshendakacita.

Jelemiya 29:14

Ncakwiila mulaakuncana alimwi ndaakumuboosha mucishi canu. Ndaakumubunganya kuswa kumishobo yoonse akumisena uko nkondakamupalanganishisha akumuboosha kucishi uko nkondakamukusha akumutuma mubusha. Nebo neMwaami Lesa ndaamba.’

Jelemiya 3:13

Citooyandikabo nkusumina mulandu wako. Webo wakaashukila ndime neMwaami Lesa, Lesa wako. Wakalinga kubikila maano balesa beensu munshaashisamu shoonse shicite shimfule shibotu. Mukucita boobo tewakalinga kunyumfwila. Nebo neMwaami Lesa ndaamba.’ ”

Jelemiya 8:3

Lyalo bantu ba mumushobo uyu ubiibi abo beshi bakacaaleewo akunoocishiite mumisena iyo njendakabatandilaamo, balaakusala kufwa kwiinda kunooli boomi. Nebo neMwaami Lesa Shinkusu shoonse ndaamba.”

Esekelo 18:28

Ulaakuba abuumi ceebo wakayeeya shilubo shoonse nshaacita akushileka, ndushinisho teshi akafweewo.

Esekelo 6:9

Lyalo mumishobo iyo mweshi bakatolwe busha, balaakunjeeya akwishiba kwaamba ayi ndime ndabapa mulandu akubalensha nsoni. Ndaakucita boobo ceebo myoyo yabo itashomeki yamfutatila akusandukila kushibumbwabumbwa. Balaakulipata beene ceebo ca bubi bwabo ashintu shilensha bunya isho nshebacita.

Sekaliya 10:9

Nakubi kwaamba ayi ndakabapalanganishisha pakati ka mishobo imwi, kweenka kushishi shakulaale uko balaakunjibaluka. Balo abana babo balaakunoolibo boomi alimwi balaakuboola kumishaabo.

Luka 15:17

Pesule ndyaakesaamo maano wakalyaamboosha mwiine ayi, ‘Basebenshi boonse ba bata balicite shakulya shiinji abuumbi, ono nebo kuno ntooyanda kufwa kunsala!

Dutolonomi 28:28

Mwaami Lesa ulaakuletela ncinko, boofu alimwi abukanguwenguwe.

Dutolonomi 28:64

“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.

Dutolonomi 29:27

Paceebo ceeci Mwaami Lesa wakakalalila bantu bakwe akuleta mashingo oonse alembetwe mulibuku ili pacishi cabo.

Dutolonomi 29:28

Mpeeke Mwaami wakakalala abuumbi cakwaamba ayi wakabakusha mucishi cabo akubawaala mucishi cimwi, kweelana ambomubwene bulya.’

Dutolonomi 30:15

“Amubone, sunu ndamupa ciindi cakusala pakati ka bubotu abubi, pakati ka buumi alimwi amapensho.

Dutolonomi 30:19

Sunu ndeeta liculu alimwi acishi ca panshi ayi shibe bakamboni bangu. Ndamupa ciindi cakusala pakati ka buumi alufu, apakati ka coolwe amashingo. Ono amusale buumi kwaamba ayi mwebo abamulunyungu lwanu munooli boomi.

Dutolonomi 32:36

Mwaami Lesa ulaakufuna bantu bakwe, na akabone ayi nkusu shabo shamana. Ulaakubanyumfwila nkumbu basebenshi bakwe, na akabone ayi tabacite wakubacafwa.