Dutolonomi 28:9 - Baibo Busansulushi Bwa Libuku Ili

⁹ “Na munoonyumfwila Mwaami Lesa, Lesa wanu akunoocita shoonse nshaamulwiita, ulaakulengesha ayi mukabe bantu bakwe basalalite, kweelana ambwaakashomesha.

Dutolonomi 28:9 ပူးပေါင်းရင်းမြစ်များ

Matalikilo 17:7

“Ndaakucita mbondashomesha kuli ndiwe akubamulunyungu lwako mumyaaka iinji itoosa kweelana ambocili ncipangano camuyayaya. Ndaakuba Lesa wako awa bamulunyungu lwako.

Kulumbaisha 87:5

Ono pandabala ya Siyoni cilaakwaambwa ayi, “Ulya awoolya bakashalwa muli njiyo. Lesa wa kwiculu Wiindaawo ulaakushimpya ndabala iyo ayi itakawi.”

Kulonga 15:26

Wakabaambila ayi, “Na munoonyumfwila amoyo woonse kwiinda mukucita nsheensuni alimwi akukonkela milawo amilasho yangu yoonse, teshi nkamuletelewo malwashi mbuli aayo ngondakaletela bene Ijipiti. Nebo ndime Mwaami Lesa uyo umushilika.”

Isaya 1:26

Ndaakukupa boomboloshi alimwi bweenka mbuli kukataanshi, alimwi ndaakukupa beshikupanda maano bweenka mbuli kukale kale. Kuswawaawo ulaakwiitwa ayi Ndabala ya Bululami, ee, Ndabala Ishomeka.”

Isaya 62:12

Bantu bakwe balaakunokwiitwa ayi, “Bantu basalalite, Bakalubulwa ba Mwaami Lesa.” Lyalo webo Jelusalemu ulaakunokwiitwa ayi, “Uyo Wakayandoolwa.” Teshi ukeetwewo tubili ayi, “Ndabala yakacaala cisuukila.”

Jelemiya 11:5

Lyalo ndaakucita kweelana ambondakashomesha cakulumbila kubamashali banu bakulukulu. Ncakwiila ndaakubapa cishi muli bubile abulongo bubotu, cishi ico ncemushiiteemo bulya.’ ” Mpomunyaawo ndakakumbula ayi, “Akube boobo, Nkambo.”

Dutolonomi 13:17

Ono mutakeeleshi kubwesa cintu nabi comwi pasheesho shakaambwa ayi shilyeelete kunyonyoolwa. Lyalo Mwaami Lesa ndyeshi akamulekelele akumunyumfwila nkumbu. Ulaakumunyumfwila nkumbu akumulengesha ayi mukafuule abuumbi, kweelana ambwaakalasha bamashali banu bakulukulu,

Dutolonomi 7:6

Mukacite boobo ceebo muli bantu ba Mwaami Lesa, Lesa wanu, alimwi mulisalalite. Mwaami Lesa wakamusala ayi mube bantu bakwe kuswa pakati ka mishobo imwi yoonse ili pacishi ca panshi ipusenepusene.

Dutolonomi 7:8

Sombi Mwaami Lesa wakamusuna akuyanda kucita kweelana ambwaakashomesha cakulumbila kubamashali banu bakulukulu. Nceceeco ncaakamupulushisha kwiinda munkusu shakwe shinene akumwaangulula kuswa munkusu shakwe Falawo mwaami wa cishi ca busha ca Ijipiti.

2 Bene Tesalonika 3:3

Sombi Lesa ulashomeka, aboobo utoomuyumyayumya akumufuna kuswa kuMubiibi ulya.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

1 Pita 5:10

Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.