Dutolonomi 23:4 - Baibo Busansulushi Bwa Libuku Ili

⁴ Mukwiinga bantu aba bakakaka kumupa cakulya amaanshi lilya ndimwakalinga kuswa mucishi ca Ijipiti, alimwi bakeeta aBalaamu mwanaakwe Beyo wa mundabala inene ya Peto mucishi ca Mesopotamya, ayi amushingane,

Dutolonomi 23:4 ပူးပေါင်းရင်းမြစ်များ

1 Baami 18:4

Paciindi Jesebelo ndyaakalinga kucaya balaluki ba Mwaami Lesa, Obadiya wakashisa balaluki bakalinga mwaanda mushimfwengo shobilo. Mucimfwengo comwi amomwi kamuli bantu makumi osanwe, osanwe. Balaluki abo wakalinga kubapa shakulya amaanshi.

Esila 9:1

Ono shintu ishi ndishakamana kucitwa, bamatanjilili bakesa kuli ndime akwaamba ayi, “Bene Isilaeli, kubikaawo abapailishi alimwi abene Lefi tabakwe kulipatula kubantu mbobekalaabo. Balakonkela micito yabo ibiibi, mbuli ya bene Kenani, bene Iti, bene Pelisi, bene Jebusi, bene Amoni, bene Moabu, bene Ijipiti alimwi abene Amoli.

Neyemiya 13:2

Cakalinga boobo ceebo bakeema bene Isilaeli shakulya amaanshi, alimwi bakatamba Balamu kwaamba ayi abashingane. Nakubi boobo Lesa wesu wakasandula lishingo kuba coolwe.

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Jelemiya 49:1

Pabene Amoni Mwaami Lesa wakaamba ayi, “Ino bali kuli baana basankwa bene Isilaeli? Sa taaku nabi womwi weenga wafuna cishi cabo? Ceebonshi balambila Moleki ncebabwesela cishi ca Gadi? Ceebonshi bantu bakwe ncebekalila mumandabala a ncico?

Malilo 1:10

Balwani ba njiyo bakabwesa buboni bwa njiyo boonse. Lyalo yakabona mishobo ya bakunsengwe keenjila amuŊanda yakwe Lesa. Ee, bantu abo Mwaami Lesa mbwaakalinga kukasha kwisa mumabungano akwe.

Esekelo 44:9

“Ono nebo neMwaami Lesa Shinkusu shoonse ndaamba ayi, ‘Taaku muswamashi utapalwitwe, ee, taaku muntu uyo utanyumfwili ndime, weshi akenjile muŊanda yangu, nabibo keekala pakati ka bene Isilaeli weshi akasuminishikwewo kwinjila.’ ”

Sekaliya 2:8

Uyo woonse umutyunka munwe cilyeelenebo akutyunka ndime muliinso.” Paceebo ceeci Mwaami Lesa Shinkusu shoonse wakantuma kwaambila baabo bakalinga kusaala bantu bakwe ayi,

Shakubelenga 22:17

Nebo ntookulambula cakusanyaako alimwi akucita coonse nceshi waambe. Ndakombelela kosa unshinganineeko bantu aba.”

Shakubelenga 23:7

Kuswawaawo Balaamu wakalaluka ayi, “Balaki wankusha kuSilya, mwaami wa kuMoabu wankusha kuswa kutulundu twa kwicwe. Wakaamba ayi, ‘Kosa unshinganineko Jakobo. Kosa unambilileko malwesa bene Isilaeli.’

Mateyo 25:40

Lakwe Mwaami ulaakukumbula ayi, ‘Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.’

Milimo ya Batumwi 9:4

Mpeeke wakawita panshi akunyumfwa liswi lyakwaamba ayi, “Saulo, Saulo! Ino utoompensheshanshi?”

Joshuwa 24:9

Balaki mwanaakwe Sipo, mwaami wa cishi ca Moabu, ndyaakalibambila kumulwana, wakatumya nkombe kuli Balaamu mwanaakwe Beyo ayi ese amushingane.

2 Pita 2:15

Bantu aba bakashiya nshila iluleme, basoweka akukonkela cakacita Balamu, mwanaakwe Bewoli, uyo wakalinga kusuni kucana maali kwiinda mukucita shibiibi.

Judi 1:11

Mapensho kuli mbabo! Bakonkela nshila yakwe Kaini. Bweenka bwakacita Balamu, abalo balawita mushibiibi ceebo ca kusuna bunene maali. Balakaka kunyumfwila Lesa bweenka bwakacita Kola, aboobo balaakunyonyoolwa abalo.

1 Samwelo 25:11

Sa inga ndabwesa cakulya cangu anyama yangu iyo njindacaila beshikucesa akupa bantu mbooteshi ankobaswita?”