Dutolonomi 22:9 - Baibo Busansulushi Bwa Libuku Ili

⁹ “Tooelete kushanga mbuto aimwi mumuunda wa minyansa. Na ukacite boobo, teshi mbuto yeenka iyo njeshi ikabishikwe, sombi aminyansa yoonse.

Dutolonomi 22:9 ပူးပေါင်းရင်းမြစ်များ

Bene Lefi 19:19

“Kamukonkela milawo yangu. Tamweelete kusuminisha mishobo ya banyama mbomufubite ayi banooshalana amishobo imwi ipusene. Tamweelete kushanga mbuto shobilo shipusene mumuunda womwi, alimwi tamweelete kufwala shakufwala shakapangwa kumishobo yobilo ya shisani.

Mateyo 6:24

“Taaku muntu weenga wasebensela baami bobilo, mukwiinga ulapata womwi akusuna umwi, nabi kunyumfwila womwi akusuula umwi. Nkokwaamba ayi tamukoonshi kusebensela Lesa abuboni.

Mateyo 9:16

“Taaku muntu utunga cimami ca nsalu ipya pacakufwala cikulukulu. Ceebo cimami ico mukukokonyana, nsalu ikulukulu ilakwamuka. Aboobo cilyango cilakomenenaako.

Bene Loma 11:6

Lesa ulasala bantu kwiinda munkumbu shakwe kuteshi ceebo ca milimo njebacita. Ceebo necatalinga boobo, naakwiinga nkumbu shakwe teshi nkumbu shancinencine.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

2 Bene Kolinto 11:3

Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.

Dutolonomi 22:8

“Na wayaka ŋanda, kweela ciluli mulyeelete kuyaka akalubumbu mweela ciluli coonse kukasha kuloka. Lyalo teshi mukabe amulandu na umwi akaloke akufwa.

Jemusi 3:10

Mumulomo womwi mulaswa maswi akulumbaisha akushinganya. Nobamakwesu, tabwishi mboceelete kuba ubo!