Dutolonomi 20:3 - Baibo Busansulushi Bwa Libuku Ili

³ ‘Amunyumfwe, mwebo nobene Isilaeli! Sunu mutoolwana abalwani banu. Aboobo mutabaloondi, kuboola pesule nabi kwiingana.

Dutolonomi 20:3 ပူးပေါင်းရင်းမြစ်များ

2 Makani 32:8

Lakwe ulicitebo nkusu shabuntu, sombi swebo tulicite Mwaami Lesa, Lesa wesu uyo utucafwa munkondo shesu shoonse!” Lyalo bene Juda boonse bakayuminishikwa kumakani akaamba Esekiya mwaami wabo.

Jobo 23:16

Lesa wantontosha mushiso. Shinkusu shoonse ulanoondesha abuumbi.

Kulumbaisha 3:6

Teshi nkaloonde shuulu sha balwani abo batoomfwima koonse koonse.

Kulonga 14:13

Mose wakabakumbula ayi, “Mutaloondi! Amuyumebo, mubone Mwaami Lesa nceshi acite sunu kwaamba ayi amupulushe. Aba bene Ijipiti teshi mukababoneewo alimwi.

Isaya 28:16

Ono Mwaami Lesa Shinkusu shoonse waamba ayi, “Amubone ndabiika libwe muSiyoni, ncakwiila libwe liyumu abuumbi. Ndabiika libwe lya makwebo lya mulikonko lya ŋanda ayi libe lwiimbi lwiine lwiine. Muntu oonse weshi akashome muli ndilyo, teshi akalenshekwewo nsoni.

Isaya 7:4

Mwamucana mumwaambile ayi acenjele alimwi ekalike moyo. Ataloondi nabi kutyompwa kuyeeya bukali bwabo. Bukali bwa mwaami Lesini abantu bakwe bene Silya alimwi abwakwe Peka mwanaakwe Lemaliya bwamana ncito akubabo anga mbwiishi butoosuntookabo kushishiki shobilo.

Shakubelenga 14:9

Mutabukili Mwaami Lesa alimwi mutaloondi bekala mucishi umo. Tulaakwiindililabo kubakoma. Mwaami Lesa uli aswebo, alimwi balo tabacite shikubalama. Aboobo mutabaloondi.”

Mateyo 10:16

“Amubone, ntoomutuma anga nimbelele pakati kabaumpe, aboobo amucenjelele anga ninsoka akulibombya anga nimpolobe.

Mateyo 10:28

Mutaloondi baabo bacayabo mubili, sombi tabacikoonshi kucaya muuya. Amuloonde Lesa ukonsha kucaya mubili amuuya woonse mumulilo utamaani.

Mateyo 10:31

Paceebo ceeco mutaloondi mukwiinga mwebo mulayandika kwiinda tuntiinga tuunji.

Mateyo 8:26

Jesu wakabaambila ayi, “Anu mutooloondanshi? Kuceya lushomo ndomucite mwebo nobantu!” Mpomunyaawo wakabuka akukalalila cipuupu amaaba ayi shuumune. Mpeeke kwakaboolabo tontolo.

Maako 16:18

Na bakabwese nsoka teshi bakalumweewo, nabi na bakanwe musamu ukola, teshi ukabacaaye. Balaakubika maansaabo pabalwashi, abalo balaakuba kabotu.”

Maako 16:6

Musankwa uyo wakabaambila ayi, “Mutaloondi. Ndishi kwaamba ayi mutooyandoola Jesu wa kuNasaleti, uyo ngobakapopa pamucilingano. Taamo muno, wabushikwa kale kuswa kubafu. Amubone, pamusena mpowaawa mpobakalinga bamooneka.

Milimo ya Batumwi 27:24

Lyalo waamba ayi, ‘Utaloondi Paulo! Ulyeelete kuya mukwiimikana kunembo lyakwe Sisa muleli munene wa kuLoma. Lesa lakwe, munkumbu shakwe, walengesha ayi utafwi abaabo boonse mbooli abo mulweendo ulu.’

Dutolonomi 1:21

Amubone aneeci. Kamuya mwikaleemo kweelana abwakaamba Mwaami Lesa, Lesa wa bamashali banu bakulukulu, mutaloondi nabi kutonsha.’

Dutolonomi 20:1

“Na mutooya mukulwana abalwani banu, ono mwaboona ayi balicite maaki aanji, shikoci shiinji alimwi bashilumamba baanji kwiinda banenu, tamweelete kubaloonda. Mwaami Lesa, Lesa wanu uyo wakamukusha mucishi ca Ijipiti, ulaakuba amwebo.

Dutolonomi 20:2

Kamutana kutalika kulwana, mupailishi ulyeelete kwisa mukulwiita bashilumamba ayi,

1 Bene Tesalonika 5:15

Mutasuminishi bantu kuboosha cibiibi kucibiibi, sombi mushiindi shoonse amweeleshe cankusu kucafwa babyaanu abantu bamwi boonse.

1 Timoti 6:12

Ulyeelete kulwana nkondo ibotu ya lushomo kwaamba ayi ukatambule buumi butamaani. Ceebo ici ncaakakwiitila Lesa bulya bushiku ndiwakaamba kabotu shalushomo lwako pameenso a bakamboni baanji.

Bene Ebulu 13:6

Paceebo ceeco, katwaamba cakutaloonda ayi, “Mwaami Lesa ngomucafwi wangu, teshi nkaloondeewo. Ino muntu inga wancitanshi?”

Joshuwa 23:10

Womwibo ndondoli pakati kanu ulakonsha kutanda bantu bali cuulu mukwiinga nguMwaami Lesa, Lesa wanu umulwaninaako kweelana ambwaakashomesha.

Ciyubululo 2:10

Utaloondi mapensho eshi akakucitikile. Nyumfwa! Mubiibi ulaakumusunka kwiinda mukulengesha bamwi ba mulikoto lyako ayi bawaalwe muntolongo alimwi ulaakupenshekwa abuumbi kwanshiku shili likumi. Koshomeka kuli ndime, nabi bakakucaileewo, lyalo ndaakukupa mushini wa buumi butamaani.’

1 Samwelo 17:32

Mpeeke Defedi wakaamba ayi, “Kutabi muntu nabi womwi weshi alisukame ceebo ca mwine Filisiti ulya. Nebo nemusebenshi wanu ntooya nkalwanaakwe.”