Dutolonomi 2:9 - Baibo Busansulushi Bwa Libuku Ili

⁹ Mwaami Lesa wakaŋambila ayi, ‘Mutakapenshi bene Moabu, bamulunyungu lwakwe Loti, nabi kubasumuna lwa nkondo. Ndakabapa ndabala inene ya Ali, alimwi teshi nkamupeewo musena nauceyi mucishi cabo.’ ”

Dutolonomi 2:9 ပူးပေါင်းရင်းမြစ်များ

2 Makani 20:10

“Ono bulya bene Amoni, bene Moabu abene Edomu besa mukutulwana. Bamashali besu bakulukulu ndibakalinga kuswa muIjipiti, mwakabakasha kulwana shishi ishi. Aboobo bakabaseesha alimwi tabakwe kubanyonyoola.

Kulumbaisha 83:8

Bene Asilya abalo balabaako lubasu ayi balwanine pantu pomwi abamulunyungu lwakwe Loti.

Isaya 15:1

Aya ngamaswi aamba pacishi ca Moabu. Ndabala ya Ali aya Kili anyonyoolwa mubushiku bomwibo, cishi ca Moabu cawa!

Shakubelenga 21:15

ankunamo ya shinyika shiya mukushika mundabala ya Ali alimwi akushika kunyinsa ya cishi ca Moabu.”

Shakubelenga 21:28

Kalekale kuswa mundabala iyo ya Eshiboni, bashilumamba bakwe Sioni bakalinga kuya anga ngumulilo. Bakanyonyoola ndabala inene ya Ali muMoabu, alimwi atulundu twa kumatalikilo a Mulonga wa Anoni.

Shakubelenga 22:4

Mpeeke bene Moabu bakaambila bamatanjilili ba bene Midyani ayi, “Likoto ili onoonobo litoomanisha shintu shitushingulukite shoonse, bweenka mbuli mucende utoolya bwiisu kumafulo.” Aboobo mwaami Balaki

Dutolonomi 2:29

kushikila tusubuke Mulonga wa Joodani kuya mucishi ico Mwaami Lesa, Lesa wesu ncaatootupa. Bamulunyungu lwakwe Esau abo bekala muEdomu, abene Moabu bekala muAli balo bakatusuminisha kwiinda mushishi shabo.’

Dutolonomi 2:5

Tamweelete kubasumuna lwa nkondo, ceebo taaku musena nauceyi ngweshi mupe mucishi cabo. Cishi ca Edomu ndakacipa bamulunyungu lwakwe Esau.

Boomboloshi 11:15

mukumukumbula ayi, “Bene Isilaeli tabakwe kubwesawo cishi ca bene Moabu nabi ca bene Amoni.

Boomboloshi 11:17

Kuswawaawo bakatuma nkombe kumwaami wa kuEdomu kusenga ayi beende mucishi cakwe. Sombi lakwe wakabakasha. Lyalo bakatuma nkombe kumwaami wa kuMoabu, alakwe wakabakasha. Aboobo bene Isilaeli bakekalabo muKadeshi.

Boomboloshi 11:18

“Ono kuswa kooko, bakapasulabo muluyanga bashinguluka cishi ca Edomu aMoabu kuya mukushika kwicwe lya cishi ca Moabu kwitala lya Mulonga wa Anoni. Bakayaka misumba yabo uko. Tabakwe kusubuka mulonga ceebo yakalinga njenyinsa ya cishi ca Moabu.