Dutolonomi 19:6 - Baibo Busansulushi Bwa Libuku Ili

⁶ Nikwalingabo ndabala inene yomwi, naakwiinga mushinso wakuya kuli njiyo kooli ulaamfu. Aboobo shikamukowa wa wooyo wacaikwa inga watandaanya wooyo wacaya mubye mumapuso akumucaya alakwe, nacibi kwaamba ayi taalinga kweelete kucaikwa ceebo uyo wakacaikwa taalinga mulwani wakwe.

Dutolonomi 19:6 ပူးပေါင်းရင်းမြစ်များ

2 Samwelo 14:7

Ono beshikamukowa boonse bambukila nemusebenshi wanu akwaamba ayi balisuni ngabe wooyo wakacaya mubye mumaansaabo ayi bamucaaye alakwe, ceebo cakucaya mukwabo. Na bakacite boobo, ingayi nebo ndaakucaalabo kwakubulawo mwaana musankwa. Nkokwaamba ayi balaakunyonyoola wakucinkamo manungo eenkabo ngooncite, abalo beebaangu inga babula weenga wacaasha liina lyabo pacishi ca panshi coonse cino.”

Shakubelenga 35:12

Muntu uyo teshi akanoolibilika kumukwabo mufu shikuboosha cishole. Muntu wakacaya mubye teelete kucaikwa kaatana koomboloshekwa mumeenso a bantu boonse.

Dutolonomi 19:5

Atwaambe ayi bantu bobilo baya muluundu mukutema shisamu. Ono umwi pakunootema cisamu, keembe kasokoka akuyasa mubye wafwa, muntu uyo inga walobokela kundabala inene imwi yakulobokelaako mukulifuna.

Dutolonomi 19:7

Nceceeco ncendaambila ayi musale mandabala anene otatwe.

Dutolonomi 21:22

“Ono na muntu wacaikwa ceebo cakupwaya mulawo, mpeeke bamupopa pamucilingano,

Joshuwa 20:5

Na shikuboosha cishole wamukonkela uko, bantu ba mundabala iyo tabeelete kwaaba shikufunwa mumaansaakwe ayi amucaaye. Sombi balyeelete kumufuna mukwiinga taakwe kucita kashanga kucaya mubye alimwi kuteshi mumfundilishi.