Dutolonomi 19:4 - Baibo Busansulushi Bwa Libuku Ili

⁴ Na muntu umwi wacaya muntunyina mumapuso uteshi mulwani wakwe, inga walobokela kundabala inene imwi pali ngawo ayi akalifuune.

Dutolonomi 19:4 ပူးပေါင်းရင်းမြစ်များ

Matalikilo 31:2

Alimwi wakabona kwaamba ayi Labani wakatalika kumushinamina ubo buteshi mbwaakalinga pakataanshi,

2 Samwelo 14:11

Kuswawaawo wakaamba ayi, “Ndaseenga nkambo mupaile kuMwaami Lesa, Lesa wanu kwaamba ayi shikamukowa uyo weelete kuboosha cishole pamwanaangu ateendilishiiwo kubisha kwiinda mukucaya mwanaangu musankwa aumwi.” Mpomunyaawo mwaami Defedi wakaamba ayi, “Mbweeke mbocibete lushinisho ayi Mwaami Lesa ngumuumi, ncakwiila taaku nabi mususu weshi ukaswe mumutwi wa mwanaako musankwa akulokela panshi.”

1 Makani 11:2

Kalekale, Saulo kaacili mwaami wesu, ndimwe mwakalinga kutanjilila bashilumamba ba bene Isilaeli kuya kunkondo. Paciindi ico Mwaami Lesa wakamulwiita ayi, ‘Ulaakutanjilila bantu bangu bene Isilaeli akuba mwaami wabo.’ ”

Isaya 30:33

Musena wakutentelaako shintu wakabambwabo kale kale. Uko kweenka nkweshi kukabe mulilo wakutentelaamo mwaami wa bene Asilya. Cilindi ca mulilo uyo cakalongola alimwi ncinene. Cilindi ico cilicite nkuni shiinji abuumbi. Ono kuyoya kwa Mwaami Lesa, uko kuli anga ngumulilo wa salufa, nkweshi kukakumike mulilo pankuni isho.

Shakubelenga 35:12

Muntu uyo teshi akanoolibilika kumukwabo mufu shikuboosha cishole. Muntu wakacaya mubye teelete kucaikwa kaatana koomboloshekwa mumeenso a bantu boonse.

Shakubelenga 35:9

Mpeeke Mwaami Lesa wakaambila Mose ayi,

Dutolonomi 19:3

Mukapange mikwakwa iya nkuko akutimbula cishi ico Mwaami Lesa, Lesa wanu ncaatoomupa mushipansha shotatwe. Ono uyo woonse weenga wacaya muntu inga wakonsha kulobokela kumandabala anene ayo.

Dutolonomi 19:5

Atwaambe ayi bantu bobilo baya muluundu mukutema shisamu. Ono umwi pakunootema cisamu, keembe kasokoka akuyasa mubye wafwa, muntu uyo inga walobokela kundabala inene imwi yakulobokelaako mukulifuna.

Dutolonomi 19:6

Nikwalingabo ndabala inene yomwi, naakwiinga mushinso wakuya kuli njiyo kooli ulaamfu. Aboobo shikamukowa wa wooyo wacaikwa inga watandaanya wooyo wacaya mubye mumapuso akumucaya alakwe, nacibi kwaamba ayi taalinga kweelete kucaikwa ceebo uyo wakacaikwa taalinga mulwani wakwe.

Dutolonomi 4:42

uko musankwa nkweenga walobokela akulifuna na wacaya muntu mumapuso uteshi mulwani wakwe. Inga walobokela kuyomwi pamandabala ayo akubula kucaikwa.

Joshuwa 3:4

Mukwiinga mwebo tamuna kwisako kale kuno, balo batoomubonesha nshila. Sombi tamweelete kusena bunene pafwaafwi aLibokoshi lya Cipangano. Mulyeelete kucaalila amushinso ulaampa kilomita yomwi.”