Dutolonomi 18:18 - Baibo Busansulushi Bwa Libuku Ili

¹⁸ Ndaakubatumina mulaluki uli mbuli ndiwe kuswa mulikoto lyabo. Ndaakunoomulwiita shakwaamba, mpeeke ulaakunoobalwiita shoonse nsheshi nkanoomulwiita.

Dutolonomi 18:18 ပူးပေါင်းရင်းမြစ်များ

Kulumbaisha 110:4

Mwaami Lesa wakashomesha cakulumbila alimwi teshi akayeeyewo bumbi. Wakaamba ayi, “Ulaakunoolibo mupailishi lyoonse, bupailishi ubo buli mbuli bwakalinga kucite Melikisedeki.”

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

Kulonga 4:12

Anu webo, koya bulya bweenka! Ndaakukucafwaako kwaamba alimwi ndaakukulwiita ashakwaamba.”

Kulonga 4:15

Inga wabandikaakwe akumulwiita shakwaamba. Noonse nobilo ndaakumucafwaako kwaamba alimwi ndaakumulwiita shakucita.

Isaya 50:4

Mwaami Lesa wanjiisha bwakwaamba kwaamba ayi nooyumyayumya balefukite. Kulila bwaca ulansengusha kumoyo kwaamba ayi nsunishe kunyumfwila nsheshi anjiishe.

Isaya 51:16

Ndakafungulula liculu akuyaka lwiimbi lwa cishi ca panshi. Bene Jelusalemu ndabaambila ayi, ‘Mwebo muli bantu bangu! Ndakamupa milawo yangu alimwi ndamutabilila alyaansa lyangu.’ ”

Isaya 51:4

“Amukutike nobantu bangu, ee, amuteye matwi kuli ndime nomushobo wa bantu bangu. Milawo ilaakuswa kuli ndime. Lyalo bululami bwangu bulaakumunikila bantu boonse.

Jelemiya 1:9

Mpomunyaawo Mwaami Lesa wakatambika lyaansa lyakwe, wancata pamulomo akundwiita ayi, “Bona, ndabika maswi angu mumulomo wako.

Osiya 12:14

Bene Isilaeli bakalengesha Mwaami Lesa kukalala abuumbi. Balyeelete kufwa ceebo ca shibiibi shabo. Mwaami Lesa ulaakubapa mulandu ceebo ca musebaanyo uyo ngobakamuletela.”

Amosi 2:11

Ncakwiila ndakasala balaluki pakati kanu akusala bamwi ayi babe baNasili. Sa te mbocibete ubo mwebo nobene Isilaeli? Nebo neMwaami Lesa ndaamba.

Malaki 3:1

Mpomunyaawo Mwaami Lesa Shinkusu shoonse ulakumbula ayi, “Amubone ndaakutuma muntu wangu kunembo lyangu eshi akamambile nshila. Lyalo Mwaami ngomutooyandoola ulaakwisa muŊanda yakwe cakupulumukabo. Ncakwiila uyo ngomuntu wangu ngomutoolindilila eshi akese mukwaambilisha Cipangano cangu.”

Shakubelenga 12:13

Lyalo Mose wakalilila Mwaami Lesa ayi, “NobaLesa, amumushilike!”

Shakubelenga 23:16

Aboobo Mwaami Lesa wakakumana aBalaamu akumulwiita shakwaamba akumwaambila ayi, “Boolela kuli Balaki ukamwaambile mbondakulwiita.”

Shakubelenga 23:5

Mpomunyaawo Mwaami Lesa wakalwiita Balaamu shakwaamba akumwaambila ayi, “Boolela kuli Balaki ukamwaambile mbondakulwiita.”

Luka 24:19

Jesu wakeepusha alimwi ayi, “Nshintunshi?” Lyalo bakamukumbula ayi, “Isho shakacitika kuli Jesu wa kuNasaleti. Uyo muntu wakalinga mulaluki wakalinga kucita akwaamba shintu shikankamika pameenso akwe Lesa abantu boonse.

Joni 1:21

Bakamwiipusha ayi, “Ino ndiwaani? Sa ndiwe Elija?” Lakwe wakakumbula ayi, “Sobwe, teshi ndime Elija.” Bakamwiipusha alimwi ayi, “Sa ino ndiwe mulaluki ngotutoolindila ulya?” Sombi wakaamba ayi, “Sobwe.”

Joni 1:25

Bakeepusha Joni ayi, “Ono na teshi ndiwe Usalitwe wakwe Lesa, Elija nabi mulaluki ngotutoolindila ulya, utoobombekelanshi?”

Joni 1:45

Lyalo Filipo wakacana Natanaelo, mpeeke wakamwaambila ayi, “Twamucana muntu uyo Mose ngwaakalemba mumabuku a Milawo alimwi abalo balaluki bakulukulu ngobakalemba mumabuku abo, nguJesu wa kuNasaleti, mwanaakwe Josefu.”

Joni 12:48

Uyo woonse ukaka ndime amaswi angu ulicite umwi eshi akamoomboloshe. Maswi ayo ngondaamba ngweshi akamoomboloshe pabushiku bwakweelaako.

Joni 15:15

Teshi kamwiiteewo ayi basebenshi ceebo musebenshi taashibi shitoocita mwaami wakwe. Sombi ntoomwiita ayi babyaanji ceebo shoonse nshendakanyumfwa kuli baTa, ndakamulwiita.

Joni 17:18

Bweenka mbomwakantuma mucishi ca panshi, anebo ndabatuma muli ncico.

Joni 17:8

Ceebo ndakabeeisha maswi ayo ngomwakandasha alimwi bakaatambula. Balishi kwaamba ayi ncakwiila ndakaswa kuli ndimwe, alimwi balashoma ayi ndimwe mwakantuma.

Joni 4:25

Mwanakashi uyo wakaamba ayi, “Ndishi kwaamba ayi Usalitwe wakwe Lesa (wiitwa ayi Klistu) ulaakwisa. Na akese, ulaakutusansulwita shintu shoonse.”

Joni 8:28

Aboobo Jesu wakabaambila ayi, “Mwaakwaanjika MwanaaMuntu, ndyeshi mukashibe ayi ndime wooyo ngoontoolyaamba alimwi mulaakwishiba ayi taaku nceencita palwaangu, sombi ndaambabo sheesho shakanjiisha baTa.

Milimo ya Batumwi 3:22

Ceebo Mose wakaamba ayi, ‘Mwaami Lesa wanu ulaakumutumina mulaluki wa mumushobo wanu bweenka mbuli mbwaakantuma. Mulyeelete kunyumfwila shintu shoonse nsheshi akamulwiite.

Milimo ya Batumwi 7:37

Mose uyu ngowooyo wakaambila bene Isilaeli ayi, ‘Lesa ulaakumutumina mulaluki mbuli ndime, eshi akaswe mulunyungu lwanu.’

Dutolonomi 18:15

Mwaami Lesa, Lesa wanu ulaakumutumina mulaluki wa mbuli ndime kuswa mulikoto lyanu. Aboobo mulyeelete kunoomunyumfwila.

Dutolonomi 33:5

Bene Isilaeli alimwi abamatanjilili babo ndibakalinga kubungene mumikowa yabo Lesa wakaba ngomwaami wa bene Isilaeli.”

Dutolonomi 34:10

Kuswabo ceeco ciindi, takuna kubawo kale mulaluki mucishi ca Isilaeli uli anga nguMose, uyo Mwaami Lesa ngwaakalinga kubandikaakwe mulomo amulomo.

Dutolonomi 5:5

Paciindi ico ndakeemikana pakati kanu aMwaami Lesa kwaamba ayi noomulwiita maswi akwe mukwiinga mwakalinga kuloonda mulilo. Aboobo tamukwe kukonsha kutanta peculu lya kalundu. “Mpeeke Mwaami Lesa wakaamba ayi,

1 Timoti 2:5

Ceebo kuli Lesa womwibo ashikwiimikana pakati kakwe Lesa abantu womwibo. Muntu uyo nguKlistu Jesu,

Bene Ebulu 7:22

Aboobo, bupusano ubu buliiwo bulatubonesha ayi Jesu ngoolengesha ayi cipangano cibotu ici cicitike.