Dutolonomi 18:10 - Baibo Busansulushi Bwa Libuku Ili

¹⁰ Kutabi muntu uli woonse pakati kanu ubenga mwanaakwe musankwa nabi mwanakashi ayi ngumulambu wakutenta. Kutakabi muntu pakati kanu uba muŋanga, shikusonda, mukamwaami,

Dutolonomi 18:10 ပူးပေါင်းရင်းမြစ်များ

Matalikilo 44:5

Ino mweepilanshi nkomeshi ya silifa ya mwaami wangu? Njaanwisha alimwi njaasebensesha kulotela shintu. Mwaciita mulandu unene abuumbi!’ ”

2 Baami 16:3

Wakakonkela shakacita bamaami ba bene Isilaeli. Lakwe wakabenga amwanaakwe ayi ngumulambu wakutenta kushibumbwabumbwa mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

2 Baami 17:15

Bakakaka milasho yakwe yoonse acipangano ico ncaakapanga abamashali babo bakulukulu alimwi akucenjesha uko nkwaakabapa. Bakalinga kulambila shibumbwabumbwa shitacite ncito abalo bakaba bantu batacite ncito. Bakakonkela bwikaalo bwa bantu bakalinga kubashingulukite nabi Mwaami Lesa wakabaambila ayi, “Mutanoocita isho nshebacita.”

2 Baami 17:17

Bakalinga kubenga bana babo basankwa abanakashi ayi njimilambu yakutenta, bakalinga kuya kubeshikusonda akubeshikulotela. Ncakwiila bakabika maano abo oonse kushintu shitacite ncito kumeenso a Mwaami Lesa. Paceebo ceeco bakasonkomona bukali bwakwe.

2 Baami 21:6

Wakabenga mwanaakwe musankwa ayi ngumulambu wakutenta. Wakalinga kusonda, kucita buloshi alimwi wakalinga kucebusha akwiipusha kubeshikwaamba abafu. Paceebo ceeco wakabisha abuumbi kuMwaami Lesa akusonkomona bukali bwakwe.

2 Baami 23:24

Mwaami Josiya wakakusha beshikwaamba abafu abeshikulotela pantu pomwi abalesa bamumaanda, shibumbwabumbwa ashimwi shoonse shakalinga kulambilwa isho shilensha bunya mucishi ca Juda amundabala ya Jelusalemu. Wakacita boobo mukukonkela milawo yakalinga kulembetwe mulibuku ilyo Ilikiya mupailishi munene ndyaakacana muŊanda yakwe Lesa.

1 Makani 10:13

Saulo wakafwa mukwiinga taakalinga kushomeka kuMwaami Lesa. Taakwe kukonkela milawo ya Mwaami Lesa. Wakeelesha kucana lucafwo kwiinda mukucebusha kuwooyo waamba amishimu ya bafu

2 Makani 28:3

Wakalinga kutenta tununkila kabotu muCinyika ca Inomu alimwi wakalinga kubenga abana bakwe ayi njimilambu yakutenta kushibumbwabumbwa. Wakalinga kucita boobo mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

2 Makani 33:6

Wakabenga bana bakwe basankwa ayi njimilambu yakutenta muCinyika ca Inomu. Wakalinga kusonda, kucita buloshi alimwi wakalinga kucebusha akwiipusha kubeshikwaamba abafu. Paceebo ceeco wakabisha abuumbi kuMwaami Lesa akusonkomona bukali bwakwe.

Kulonga 22:17

Sombi na baishi mwanakashi bamukasha kweeba, ulyeelete kulipila baishi maali eelete pakweeba mwanakashi utana kukumanaawo kale amusankwa.

Kulonga 22:18

“Mwanakashi muloshi uli woonse ulyeelete kucaikwa.

Isaya 47:13

Maano ngoopandwaako akucaya mutwi! Anu basongo ba shintu shili mwiculu abese tubone, ee, beshikusonda mukusebensesha lushibo lwa panyenyeenshi, abo baamba sheshi shikacitike kunembo mweenshi amweenshi, abakupulushe kusheesho shitoosa pali ndiwe.

Jelemiya 27:10

Balamulalukila shabubeshi isho sheshi shikamulengeshebo kutolwa kulaamfu kuswa mucishi cine mishaanu. Nebo ndaakumutanda, mukaloobe.

Jelemiya 27:9

Aboobo mutanoonyumfwila balaluki banu, bamukamwaami, beshikupandulula shiloto nabi beshikwaamba amishimu alimwi abaloshi abo bamwaambila ayi, ‘Teshi mukasebenselewo mwaami wa bene Babiloni.’

Jelemiya 32:35

Bakayakila Baali shipaililo muCinyika ca Inomu pakunootentela lesa Moleki bana babo basankwa abanakashi. Ico ncintu nceentakwe kubaambila nabi kuciyeeyaawo kwaamba ayi inga bacita cintu cilensha bunya ca mushobo uyo akulengesha bene Juda kubisha.”

Jelemiya 7:31

Bakayaka shipaililo kuTofeti muCinyika ca Inomu pakunootentela bana babo basankwa abanakashi. Ico ncintu nceentakwe kubaambila nabi kuciyeeyaawo.

Bene Lefi 19:26

“Tamweelete kulya nyama ili yoonse icicite bulowa mukati. “Tamweelete kuba beshikusonda nabi baloshi.

Bene Lefi 19:31

“Tamweelete kuya mukucebusha kubantu baamba amishimu ya bafu. Na mwacita boobo, teshi mukanoosalalite kweelana aMilawo. Nebo ndime Mwaami Lesa, Lesa wanu.

Bene Lefi 20:6

“Ono na umwi muntu waya mukucebusha kubantu baamba amishimu ya bafu, ndaakumufutatila, akucileka kumuyeeyela kuba muntu wangu.

Mika 5:12

Ndaakunyonyoola buloshi bwanu alimwi taaku weshi akalowe tubili.

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Milimo ya Batumwi 19:19

Abalo baŋanga baanji bakaleta mabuku abo umo mwakalinga kulembetwe bwakucita akwaatenta bantu boonse kabeebela. Ndibakasenkanya mweelo wa mabuku akatentwa, bakacana ayi ngamakumi osanwe ashuulu sha maali a silifa eetwa ayi dilakima.

Milimo ya Batumwi 8:9

Mweeke umo mundabala, mwakalinga kwikala musankwa umwi wiitwa ayi Simoni. Musankwa uyu wakalinga muŋanga wakalinga kukankamika bene Samaliya akunoolibanda ayi ngumulemu.

Bene Galatiya 5:20

kulambila shibumbwabumbwa, buloshi, kutanyumfwana, kupikishanya, munyono, bukali, kuliyanda, kupansaana alimwi akulipatula,

Dutolonomi 12:31

Mutakanoolambila Mwaami Lesa, Lesa wanu munshila njebalambililamo balesa babo, mukwiinga pakulambila balesa babo balacita shintu shoonse shilensha bunya, isho Mwaami Lesa nshaapatite. Balo balabenga abana babo pashipaililo shabo ayi njimilambu.

1 Samwelo 15:23

Bwaashu bulibo anga ncibiibi cakusonda, akwalo kulisumpula kuli anga mbubi bwakulambila shibumbwabumbwa. Ono mukwiinga wakakaka liswi lya Mwaami Lesa, alakwe wakaka ndiwe kunoocili mwaami.”

1 Samwelo 28:3

Ono paciindi ico Samwelo wakalinga kufwite. Ndyaakafwa, bene Isilaeli boonse bakamulila akumubika muLama, ndabala ine mishaabo. Ico ciindi Saulo, beshikusonda abeshikwaamba amishimu kaali wakabatandaamo kale mucishi cakwe.

1 Samwelo 28:7

Mpomunyaawo Saulo wakaambila bacinenenene bakwe ayi, “Amunyandweeteko mwanakashi waamba amishimu kwaamba ayi njeeko mukusonda.” Mpeeke bacinenenene bakwe abo bakakumbula ayi, “Nkwaali kundabala ya Endo.”

1 Samwelo 28:8

Kuswawaawo Saulo wakalilubyalubya mukufwala shakufwala shiimbi. Lyalo ingayi pashiye wakanyamuka abacinenenene bakwe bobilo kuya kumwanakashi uyo. Mpeeke wamwaambila ayi, “Njipushileeko kumishimu bunene bunene wooyo ngweshi ŋambe liina.”

1 Samwelo 28:9

Mwanakashi wakamukumbula ayi, “Mwebo mulishi mwaami Saulo ncaakacita, mbuli mbwaakasukumya beshikusonda abaabo baamba amishimu. Ono nceebonshi mutooyanda kumbikila koose kwaamba ayi muncaishe?”