Dutolonomi 18:1 - Baibo Busansulushi Bwa Libuku Ili

¹ “Mukowa wa bupailishi wa bene Lefi tooelete kupekwa cipansha nabi comwi mucishi ca Isilaeli. Balo balaakunoolyabo milambu ibengwa kuMwaami Lesa alimwi ashipo.

Dutolonomi 18:1 ပူးပေါင်းရင်းမြစ်များ

Jelemiya 33:18

Kulaakunooba abapailishi bene Lefi beshi banoonsebensela lyoonsebo mukunoobenga milambu yakutenta, shipo sha fulaulo amilambu imwi.”

Esekelo 44:28

“Nebo neenkabo ndime buboni bweelete kupyana bapailishi. Tooelete kubapa cipansha ca cishi muIsilaeli. Nebo ndimeshi nkabe cipansha cabo.

Shakubelenga 18:20

Mpomunyaawo Mwaami Lesa wakaambila Aloni ayi, “Taaku cishi nceshi ukapekwe ayi ncaako mucishi ca Isilaeli, alimwi taaku shintu nsheshi ukapekwe anga njimikowa imwi. Nebo neMwaami Lesa ndime cipansha cako alimwi abuboni mboweelete kupyana pabene Isilaeli.”

Shakubelenga 26:62

Anu basankwa bene Lefi abo bakalinga kucite mweenshi akuya kunembo pantu pomwi boonse bakalinga 23,000. Pabene Isilaeli boonse, balo tabakwe kubelengelwa pantu pomwi abene Isilaelinyinaabo mukwiinga tabakwe kupekwawo cishi pakati kabo.

Dutolonomi 10:9

Nceceeco bene Lefi ncebatakwe kupetwaawo cipansha ca cishi mbuli mikowa imwi yoonse. Balo ncebakapekwa ncoolwe cakuba bapailishi ba Mwaami Lesa, Lesa wanu kweelana ambwaakashomesha.

Dutolonomi 12:19

Mukabikeeko maano kutasuula bene Lefi mwaakunookala mucishi canu ico.

Joshuwa 13:14

Ono Mose taakwe kupawo mukowa wa bene Lefi cishi ayi cibe cinebo, mukwiinga milambu yakutenta ipekwa Mwaami Lesa, Lesa wa bene Isilaeli, ncecipansha cabo kweelana aMwaami Lesa mwiine mbwaakabashomesha.

Joshuwa 13:33

Ono Mose taakwe kupawo mukowa wa bene Lefi cishi ayi cibe cinebo mukwiinga balo cipansha cabo nguMwaami Lesa, Lesa wa bene Isilaeli, kweelana aMwaami Lesa mbwaakabashomesha mwiine.

Joshuwa 18:7

Nacibi boobo bene Lefi balo teshi bakapekwewo cishi cinebo mbuli ndimwe noonse, mukwiinga cipansha cabo nkusebensela Mwaami Lesa mulimo wa bupailishi. Mukowa wakwe Gadi, Lubeni alimwi amusa wa mukowa wakwe Manase bakapekwa kale cishi cinebo kwicwe lya Mulonga wa Joodani, ico cakabapa Mose musebenshi wa Mwaami Lesa.”