Dutolonomi 17:2 - Baibo Busansulushi Bwa Libuku Ili

² “Ono twaambe ayi mwanyumfwa kwaamba ayi musankwa nabi mwanakashi umwi mundabala imwi pakati ka aayo Mwaami Lesa, Lesa wanu ngweshi akamupe, wabisha kuli nguwe akupwaya cipangano cakwe.

Dutolonomi 17:2 ပူးပေါင်းရင်းမြစ်များ

2 Baami 18:12

Ndabala ya Samaliya yakakomwa mukwiinga bene Isilaeli bakabisha kuMwaami Lesa, Lesa wabo, sombi bakapwaya cipangano ncaakapanga ambabo akukaka milawo yoonse yakabapa Mose, musebenshi wa Mwaami Lesa. Tabakwe kumukutika nabi kumunyumfwila.

2 Baami 21:3

Wakayakulula misena yakulambililaako ya patulundu iyo yakanyonyoola Esekiya. Wakayaka ashipaililo shakulambililaawo Baali akubumba cikoshanyo cakwe Ashela lesa mwanakashi bweenka bwakalinga bwacita Aabu mwaami wa bene Isilaeli. Manase lakwe wakalinga kulambila anyenyeenshi.

Jobo 31:28

Shoonse ishi nshibiibi muntu nshaaelete kupetwawo mulandu unene mukwiinga kucita boobo, ingayi wakaka Lesa Shinkusu shoonse.

Kulonga 22:19

“Musankwa uli woonse wakumana amunyama ulyeelete kucaikwa.

Kulonga 22:20

“Alakwe uyo woonse ubenga milambu kubalesa bamwi bali boonse, kukushako ndime neMwaami Lesa, ulyeelete kucaikwa.

Jelemiya 31:32

Teshi cikabe mbuli ceeco cakalinga pakati ka bamashali babo bakulukulu ciindi ndindakabatanjilila kuswa muIjipiti. Nakubi kwaamba ayi nebo ndakalinga mbuli ibaabo, balo tabakwe kulama cipangano ici, sobwe.

Jelemiya 34:18

Bantu abo bakapwaya cipangano cangu akwaalilwa kucita kweelana nshebakashomesha mucipangano ncebakapanga pameenso angu. Aboobo bantu abo ndaakubacita bweenka mbobacita moombe ngobapasula mushipansha shobilo akwiinda pakati.

Esekelo 16:38

Ndaakukupa mulandu ceebo ca bulale abucayi. Mubukali bwangu buyoosha, ndaakukupa mulandu wakucaikwa.

Osiya 6:7

Ono mwebo mwapwaya cipangano bweenka bwakapwaya Adamu.

Osiya 8:1

Mwaami Lesa waamba ayi, “Amulishe mapeenga ankondo. Balwani besa mucishi cangu anga ngumumbankwashi ceebo bantu bangu bakapwaya cipangano alimwi baashukila milawo yangu.

Bene Lefi 20:2

“Lwiita bene Isilaeli ayi uyo woonse wa mulikoto lyanu, nabi muswamashi ushiite pakati kanu, weenga wabenga mwanaakwe uli woonse mukulambila lesa wiitwa ayi Moleki, bantu bene Isilaeli balyeelete kumucaya kumabwe.

Bene Lefi 26:15

Na mukakake kukonkela milawo yangu amilasho yangu alimwi akupwaya cipangano cili pali ndimwe anebo,

Bene Lefi 26:25

Mpeeke ndaakuleta nkondo pali ndimwe akumupensha ceebo ca kupwaya cipangano cesu. Na mukabungane mumandabalaanu anene mukuyuba, lyalo ndaakumutumina malwashi atashilikwi. Aboobo mulaakukakatishikwa kulyaaba mumaansa a balwani banu.

Dutolonomi 17:5

muntu uyo mulyeelete kumukusha pansengwe lya ndabala akumucaya kumabwe.

Dutolonomi 29:18

Ono mucenjele ayi patakabi musankwa, mwanakashi, cipani nabi mukowa uli waano sunu weshi ukafutatile Mwaami Lesa, Lesa wesu akutalika kulambila balesa ba mishobo imwi. Ceebo ici inga caba anga ngumuyanda wasonsa akuba cisamu ca musuku mubi.

Dutolonomi 29:25

Ono kukumbula kulaakuba kwakwaamba ayi, ‘Ceebo bantu aba bakapwaya cipangano ico Mwaami Lesa, Lesa wa bamashali babo bakulukulu ncaakapanga ambabo paciindi ndyaakalinga kubakusha mucishi ca Ijipiti.

Dutolonomi 31:20

Nebo pakubashisha mucishi umo muli bubile abulongo bubotu ico ncendakashomesha bamashali babo bakulukulu, balaakutalika kulambila balesa bamwi. Balaakunkaka akupwaya cipangano cili pakati pali mbabo anebo, mukwiinga balaakunoolyatabo mushakulya.

Dutolonomi 4:23

Mutakeeleshi kuluba cipangano ico Mwaami Lesa, Lesa wanu ncaakapanga amwebo. Amukonkele milawo yakwe kwaamba ayi mutakalipangili cibumbwabumbwa ca mushobo uli woonse.

Bene Ebulu 10:28

Muntu woonse utakonkeli Milawo yakwe Mose, ulacaikwa cakubula nkumbu, na wacanikwa ayi ulicite mulandu kwiinda mubukamboni bwa bantu bobilo nabi botatwe.

Joshuwa 23:16

Na mukabule kulama cipangano ca Mwaami Lesa ico Mwaami Lesa mwiine ncaakamwaambila ayi mulame, akutalika kusebensela balesa bamwi akubalambila, Mwaami Lesa ulaakukalala akumupa mulandu, cakwaamba ayi mulaakumanamobo lyeeli mucishi cibotu cino ncaakamupa.”

Joshuwa 7:11

Bene Isilaeli bakabisha. Bapwaya cipangano ncendakapanga ambabo akubalwiita ayi bacilaame. Bakabwesa shintu shimwi shakalinga kweelete kunyonyoolwa. Aboobo bakeepa, bakabeca, alimwi bakashisa shintu isho pashintu shabo.

Joshuwa 7:15

Lakwe uyo weshi akacatilwe shintu sheelete kunyonyoolwa, ulaakutentwa pantu pomwi abamuŋanda yakwe alimwi ashintu shakwe shoonse. Muntu uyo wakapwaya cipangano cangu neMwaami Lesa akucita cintu cilensha nsoni pakati ka bene Isilaeli.’ ”

Boomboloshi 2:20

Mpeeke Mwaami Lesa wakakalalila bene Isilaeli akwaamba ayi, “Bantu aba bakaka kukonkela cipangano ncendakapa bamashali babo bakulukulu mukutanyumfwila.

Boomboloshi 6:31

Sombi Joashi wakabaambila ayi “Nkokwaamba ayi mwebo mutoofuninina Baali? Ino mutoomufunininanshi? Woonse uyo utoomufuninina ulaakucaikwa kabutana kuca ciilo. Na ncakwiila Baali ngulesa amumuleeke alifuune mwiine ceebo ncipaililo cakwe camwayululwa.”