Dutolonomi 17:16 - Baibo Busansulushi Bwa Libuku Ili

¹⁶ Mwaami uyo teelete kuba amaaki aanji a bashilumamba bakwe nabi kutuma bantu bakwe kuIjipiti ayi bakaletelewo amwi, mukwiinga Mwaami Lesa wakakasha bantu bakwe kuboola nkuko.

Dutolonomi 17:16 ပူးပေါင်းရင်းမြစ်များ

2 Samwelo 8:4

Defedi wakacata busha bashilumamba balwanina mushikoci sha maaki bali 1,700, bapanshibo bali 20,000. Mpeeke Defedi wakatyoloola myeendo ya maaki oonse akushiyabo akwana shikoci shili mwaanda.

1 Baami 1:5

Ono Adonija mwanaakwe Defedi aAgiti wakalisumpula akwaamba ayi, “Ntooba mwaami.” Mpeeke wakabamba shikoci sha nkondo amaaki alimwi abashilumamba bali makumi osanwe ayi banooya bucica kunembo lyakwe.

1 Baami 4:26

Solomoni wakalinga kucite shipinda sha maaki atinta shikoci shili 4,000 pantu pomwi amaaki amwi ali 12,000.

1 Baami 5:6

Ono amutume bantu banu kuLebanoni bakantimbwiteeko shisamu sha sida. Bantu bangu balaakunoosebensa abaanu, alimwi ndaakulipila bantu banu shoonse nsheshi muyeeye. Mbuli mbomwishi, bantu bangu tabacishi kutimbula shisamu mbuli bantu banu bene Sidoni.”

2 Makani 1:16

Bashimakwebo bakwe Solomoni bakalinga kuula maaki kuIjipiti akuKuwe.

2 Makani 9:25

Solomoni wakalinga kucite amaanda ali 4,000 a maaki alimwi ashikoci. Wakalinga kucite maaki a nkondo ali 12,000. Shimwi pasheeshi wakalinga kushisungila mundabala inene ya Jelusalemu, shimwi wakalinga kushisungila mumandabala amwi.

Kulumbaisha 20:7

Bamwi balicinkite manungo mushikoci sha maaki, abamwi mumaaki abo. Sombi swebo tulicinkite manungo muMwaami Lesa, Lesa wesu.

Kulonga 13:17

Ono mwaami Falawo ndyaakasuminisha ayi bene Isilaeli banooya, Lesa taakwe kubeensha nshila iinda mucishi ca bene Filisiti, nabi yakalinga ifwaafwi abuumbi panshila shoonse. Lesa wakayeeya ayi, “Nshisuni kwaamba ayi bantu bakatyongole pakubona ayi balyeelete kulwa, akuboolela mucishi ca Ijipiti.”

Kulonga 13:18

Lyalo wakabatanjilila akubeensha nshila ipopoloka ya kwiinda muluyanga kuya kuLweenge Lusalala. Bene Isilaeli bakalinga kucite shoonse shakulwanisha ndibakaswa mucishi ca Ijipiti.

Kulonga 14:13

Mose wakabakumbula ayi, “Mutaloondi! Amuyumebo, mubone Mwaami Lesa nceshi acite sunu kwaamba ayi amupulushe. Aba bene Ijipiti teshi mukababoneewo alimwi.

Isaya 2:7

Cishi cabo ciliswitebo silifa agolodi, buboni bwabo bwafula abuumbi. Cishi cabo ciliswitebo maaki, shalo shikoci sha maaki a nkondo tashibelengeki.

Jelemiya 42:19

Kuswawaawo nebo neJelemiya ndakabaambila ayi, “Mwebo nobantu bakacaala mucishi ca Juda, Mwaami Lesa wamwaambila ayi, ‘Mutayi kuIjipiti.’ Amwishibe lushinisho kwaamba ayi ndamucenjesha sunu

Esekelo 17:15

Sombi mwaami wa bene Juda lakwe wakaashuka akutuma beshikumwiimikanina kuIjipiti kuya mukuleta maaki alikoto lya bashilumamba linene. Sa muntu uyu ulaakuswitilila? Sa uyo weenga wacita sha mushobo uyo inga wapuluka? Sa inga wakonsha kupwaya cipangano amana wapuluka?’

Osiya 11:5

“Bakakaka kusandukila kuli ndime, aboobo balyeelete kuboolela kuIjipiti alimwi bene Asilya balaakunoobalela.

Osiya 14:3

Bene Asilya tabakoonshi kutupulusha. Maaki a nkondo taakoonshi kututabilila. Teshi tukaambewo tubili kusheesho shakapanga maanseesu ayi, ‘Balesa besu’ mukwiinga muli ndimwe bana banshiwa mobacana nkumbu.”

Mika 5:10

Mwaami Lesa ulaakwaamba ayi, “Ndaakunyonyoola maaki anu oonse akupwayoola shikoci shanu shoonse.

Dutolonomi 28:68

Mpomunyaawo Mwaami Lesa ulaakumuboosha mucishi ca Ijipiti mumaato anene, nacibi kwaamba ayi wakamuposhesha ayi mutakabooliiko. Mwaakushika mulaakunoolisambasha kubalwani banu ayi bamufuube, sombi taaku nabi womwi eshi akamuuleewo.”

1 Samwelo 8:11

Samwelo wakasansulula ayi, “Bamaami banu mbulya mbweshi bakanoomucita. Bana banu basankwa balaakunoobabika mulikoto lya bashilumamba. Bamwi balaakunooba bashilumamba balwanina mushikoci sha maaki, bamwi beshikulwanina pamaaki, bamwi balaakunoolibo beshikutanjilila beshikulwanina mushikoci abo.