Dutolonomi 17:12 - Baibo Busansulushi Bwa Libuku Ili

¹² Uyo woonse weshi akanyanshe moomboloshi nabi mupailishi utoosebensa kunembo lya Mwaami Lesa, Lesa wanu ulyeelete kucaikwa. Munshila iyi mulaakukusha bubi ubu pakati ka bene Isilaeli.

Dutolonomi 17:12 ပူးပေါင်းရင်းမြစ်များ

Esila 10:8

Uyo woonse weshi akabule kuya mukubungana munshiku shili shotatwe ulaakusowekelwa buboni bwakwe boonse kweelana abupingushi bwa bacinenenene alimwi abamaloba. Kuswawaawo ulaakukushikwa mulikoto lya baabo bakaswa mucishi ca busha.

Kulumbaisha 19:13

Amuntalamushe kushibiibi shakashanga, ayi shitanyendeleshi napaceyuubo, sobwe. Munshila iyo ndyeshi nkabe muntu utacite kampenda, ncakwiila muntu utacite mulandu unene wiindaawo.

Tushimpi 21:11

Na shikucelebula wapekwa mulandu, baluya balacenjelelaawo. Na musongo wapekwa milasho, ulaba alushibo.

Osiya 4:4

Mwaami Lesa waamba ayi, “Kutabi muntu upa mulandu mubye. Ee, kubule muntu ukalalila mubye. Nebo ntootongooka ndimwe nobapailishi.

Sekaliya 3:7

“Mwaami Lesa Shinkusu shoonse waamba ayi, ‘Na ukanokweenda munshila shangu akucita nsheensuni, ulaakunokweendelesha Ŋanda yangu amansa shangu. Lyalo ndaakukupa musena pakati ka baanjelo aba beemfwi waawa.

Shakubelenga 15:30

“Sombi muntu uli woonse ubisha kashanga, mwine Isilaeli nabi muswamashi, ulyeelete kuba amulandu wakuncobola nebo neMwaami Lesa. Aboobo ulyeelete kukushikwa kubantu bangu,

Shakubelenga 15:31

mukwiinga wakaka sheesho nshendakaamba nebo neMwaami Lesa, alimwi wasotoka kashanga milawo yangu. Nkokwaamba ayi mulandu wa cibiibi cakwe wamucalila mwiine.”

Mateyo 10:14

Na kwabula muntu nabi womwi weenga wamutambula nabi kukutika maswi anu, pakuswaamo mukalipaampe lusuko kushimpanta.

Luka 10:16

Jesu wakaambila bashikwiiya bakwe ayi, “Uyo woonse unyumfwila ndimwe ulanyumfwila ndime, uyo ukaka ndimwe ulakaka ndime, alakwe uyo woonse ukaka ndime wakaka awooyo wakantuma.”

Joni 12:48

Uyo woonse ukaka ndime amaswi angu ulicite umwi eshi akamoomboloshe. Maswi ayo ngondaamba ngweshi akamoomboloshe pabushiku bwakweelaako.

Joni 20:23

Na mwalekelela muntu uli woonse shibiibi shakwe, ingayi ndushinisho walekelelwa. Ono na mwabula kumulekelela, ingayi ncakwiila teshi akalekelelwe.”

Dutolonomi 1:43

Ndakamulwiita Mwaami Lesa mbwaakaamba, sombi tamukwe kunyumfwaawo napaceyi. Mwakakaka mulasho wakwe alimwi mukulisumpula kwanu nobeene mwakaya mucishi ca tulundu mukulwana.

Dutolonomi 10:8

Paciindi ico, Mwaami Lesa wakasala mukowa wakwe Lefi ayi banoolama Libokoshi lya Cipangano, akumusebensela mubupailishi alimwi akunoopa shoolwe muliina lyakwe. Uyu ucili ngomulimo wabo asunu.

Dutolonomi 13:11

Lyalo bene Isilaeli boonse balaakunyumfwa cikani ico akuloonda abuumbi. Aboobo taaku nabi womwi eshi akacite bubi bwa mushobo uyu alimwi.

Dutolonomi 13:5

Sombi mukacaye shikusansulula shiloto amulaluki uli woonse weenga wamulwiita ayi mwaashukile Mwaami Lesa, Lesa wanu uyo wakamukusha mucishi ca Ijipiti umo momwakalinga basha. Munshila iyo walinga kusuni kumukusha kubuumi ubo bwakamulwiita Mwaami Lesa ayi mwikale. Ncakwiila ulyeelete kucaikwa kwaamba ayi mukushe bubi ubu pakati kanu.

Dutolonomi 13:6

“Na mukwanu, mwanaako musankwa nabi mwanakashi, mukaako usunikwi nabi mubyo ngoonyumfwanaakwe bunene wakunyengelela ayi ulambile balesa bamwi, abo webo abamashali bako bakulukulu mbomutakwe kulambilawo kale,

Dutolonomi 17:13

Mpeeke bantu boonse balaakunyumfwa cikani ico akuloonda abuumbi. Aboobo taaku aumwi weshi akeeleshe kucita boobo.

Dutolonomi 17:7

Bakamboni abo mbobeelete kutaanguna kumuuma mabwe. Kuboolaawo, bantu boonse ndyeenga bamuuma kushikila wafwa. Munshila iyi mulaakukusha bubi ubu pakati kanu.

Dutolonomi 18:20

Sombi mulaluki woonse uyo waamba muliina lyangu makani ngoontakwe kumulwiita, nabi wooyo waamba muliina lya balesa bamwi, ulyeelete kucaikwa.’

Dutolonomi 18:5

ceebo Mwaami Lesa wakasala mbabo abamulunyungu lwabo pakati ka mishobo yanu yoonse ayi mbweshi banoosebensela nguwe mulimo wa bupailishi lyoonse alyoonse.

Dutolonomi 18:7

akutalika kusebensela Mwaami Lesa, Lesa wakwe mulimo wa bupailishi, bweenka mbuli bene lefi bamwi basebensela kooko.

1 Bene Tesalonika 4:2

ceebo mulishi milasho iswa kuMwaami Jesu iyo njetwakamupa.

1 Bene Tesalonika 4:8

Ono aboobo uyo woonse ukaka kwiisha uku taakakilibo muntu, sombi Lesa uyo umupa Mushimu wakwe Usalashi.

1 Timoti 5:20

Abo bacita shibiibi balyeelete kukalalilwa pameenso a bantu boonse kwaamba ayi bamwi bacenjeleleewo.

Joshuwa 1:18

Uyo woonse eshi akabule kunyumfwila maswi ako nabi kukonkela milasho yako, ulyeelete kucaikwa. Sombi ulyeelete kuyuma akulishoma!”

Boomboloshi 20:13

Amwaabe bene Gibiya abo babiibi mumaanseesu kwaamba ayi tubacaaye akukusha malwesa aya mucishi ca Isilaeli. Sombi bene Benjameni bakakaka kunyumfwila bene Isilaelinyinaabo.”

1 Samwelo 3:13

Ndakamulwiitawo kale ayi ndaakupa mulandu bamuŋanda yakwe kwamuyayaya ceebo bana bakwe basankwa bakancobola. Eli wakalinga kwishi ayi mbobatoocita ubo, sombi taakwe kubakasha.