Dutolonomi 16:16 - Baibo Busansulushi Bwa Libuku Ili

¹⁶ “Anu basankwa boonse mumushobo wanu balyeelete kwisa kumusena womwi wakulambililaako mukulambila Mwaami Lesa, Lesa wanu mankanda otatwe mumwaaka. Nkokwaamba ayi ciindi cakusekelela bushiku bwa Pasika bwakwiibaluka kusotokela, pakusekelela kwaKutebula alimwi apakusekelela kwa Shimpaka. Umwi aumwi ulyeelete kuleta cipo

Dutolonomi 16:16 ပူးပေါင်းရင်းမြစ်များ

1 Baami 9:25

Mankanda otatwe mumwaaka Solomoni wakalinga kubenga milambu yakutenta alimwi amilambu ya bwanabwankashi pacipaililo ico ncaakayakila Mwaami Lesa. Wakalinga kutentela Mwaami Lesa atununkila kabotu. Wakamana kuyaka Ŋanda yakwe Lesa.

2 Makani 8:13

Wakabenga milambu yakutenta iyo kweelana aMilawo yakwe Mose yakubenga nshiku shakookesha sha Cibelu, bushiku bwa Mweenshi Upya anshiiku shimwi shakusekelela sha pamwaaka amwaaka mbuli bushiku bwakusekelela kulya Cimaande, bushiku bwakusekelela Kutebula alimwi abushiku bwakusekelela kwa Shimpaka.

Esila 3:1

Mweenshi wasanu ayobilo ndiwakashika, bene Isilaeli kabali mumandabala abo, bantu boonsebo bakabungana kuJelusalemu.

Neyemiya 8:15

Aboobo bakabapa milasho akutuma nkombe kumandabala abo oonse alimwi akuJelusalemu yakwaamba ayi, “Amuye kutulundu mukalete misampi ya shisamu sha maolifi akushanga, maolifi a muluundu, mushikili, tupukupuku aya shisamu shicite shimfule shibotu, kwaamba ayi muyakishe shimpaka kweelana ambocilembetwe muMilawo.”

Kulumbaisha 122:4

Uko nkokooko mikowa yoonse nkoiya, ee, mikowa ya Mwaami Lesa. Ilaya mukulumba Mwaami Lesa kweelana amulasho wakapekwa bene Isilaeli.

Kulumbaisha 84:7

Nkusu shabo shilaya cifulilaako ndibaya ceenda, tibili bakabonekele pameenso akwe Lesa wa balesa boonse muSiyoni.

Kulumbaisha 84:8

Amunyumfwe mupailo wangu noBaami baLesa Beshinkusu shoonse. Amukutike kusenga kwangu nobaLesa bakwe Jakobo.

Kulumbaisha 96:8

Amulumbaishe liina lyabulemu lya Mwaami Lesa. Amulete cipo akwisa muŊanda yakwe.

Kulonga 34:20

Sombi mulyeelete kulubula mwanaambongolo wakwiiya kwiinda mukubengelawo mwanaambelele pamusena wa njiyo. Na mwabula kumulubula, mulyeelete kumutyola nshingo. Bana banu basankwa bakwiiya boonse mukanoobalubula. “Taaku muntu weelete kwisa kuli ndime kaatacite mulambu.

Kulonga 34:24

Na nkamane kutanda mishobo iyo kunembo lyanu alimwi akukomenyako cishi canu, taaku nabi womwi ngweshi akeeleshe kukoma cishi canu paciindi cakusekelela uko kucitwa mankanda otatwe.

Isaya 23:18

Maali ngweshi bakanoocana balaakwaabika mumaansa a Mwaami Lesa. Ncakwiila teshi bakanoosunga beene, sombi abo beshi bakanoosebensela Mwaami Lesa mbweshi bakanokwaasebensesha kukuula shakulya ashakufwala shabo.

Isaya 33:20

Amulangilishe paSiyoni ndabala yakusekelela kupa bulemu kuli Lesa. Ndabala ya Jelusalemu mulaakwiibona ameenso anu. Nindabala ya luumuno iyo ili anga nitente icatite cankusu. Nitente icite mpoopo shitakoonshi kushuka alimwi antaambo shitakoonshi kusutuka napaceyi.

Esekelo 36:38

shakubenga milambu muJelusalemu pabushiku bwa Kusekelela. Aboobo mandabala ayo oonse akalinga aba matongo alaakusula bantu anga nimbelele isho. Lyalo ndyeshi bakeshibe ayi nebo ndi Mwaami Lesa.”

Bene Lefi 23:34

“Lwiita bene Isilaeli ayi pabushiku bwalikumi ashosanwe mumweenshi wasanu ayobilo kusekelela kwa shimpaka ndikutalika, alimwi kulatola nshiku shosanwe ashobilo.

Agayi 1:9

“Mwakayeeya ayi twatebula shakulya shiinji, sombi mwakatebula shiniini. Ndimwakaleta shakulya isho kumishaanu, nebo ndakashitola amuuwo. Ino ndakacitilanshi boobo? Ici cakacitika mukwiinga Ŋanda yangu icili matongo, sombi mwebo noonse mutooyuwaanabo kumilimo ya pamaandaanu.

Mateyo 2:11

Ndibakenjila muŋanda, bakabona mwaana alimwi aMaliya banyina. Mpomunyaawo bakafukama akulambila mwaana. Lyalo bakacalula shoola shabo akupa shipo sha golodi, atumwi tununkila kabotu pakutenta alimwi amafuta anunkila kabotu eetwa ayi mule.

Maako 12:3

Sombi balimi abo bakamucata musebenshi uyo, bamuuma akumutanda maansabo.

Joni 7:2

Ono ciindi cakusekelela kwa baJuda ca Shimpaka cakalinga pafwaafwi.

Dutolonomi 16:15

Mukanoolemeka Mwaami Lesa, Lesa wanu kwiinda mukusekelela uku kwanshiku shosanwe ashobilo, kumusena weenka womwi wakulambililaako. Mwaami Lesa ulaakumupa coolwe mukutebula kwanu amumilimo yanu yoonse, aboobo mulaakusangalala abuumbi.

Dutolonomi 16:17

kweelana acoolwe ico Mwaami Lesa, Lesa wanu ncaakamupa.

Dutolonomi 31:11

Mukanoobelengela bene Isilaeli boonse na besa mukulambila Mwaami Lesa, Lesa wanu kumusena womwi wakulambililaako uyo Mwaami Lesa ngweshi akasaale.

1 Samwelo 1:3

Ono mwaaka amwaaka Elikana wakalinga kuya kuShilo mukulambila Mwaami Lesa Shinkusu shoonse akubenga milambu. Ofini aFineyasi, bana bakwe Eli, mbobakalinga bapailishi ba Mwaami Lesa uko.

1 Samwelo 6:3

Bakakumbula ayi, “Na mutooyanda kuboosha Libokoshi lya Cipangano ca Mwaami Lesa, Lesa wa bene Isilaeli, mutumye acipo cakumana mulandu wanu uyu kuli nguwe. Libokoshi lya Cipangano talyeelete kuyabo kwakubula cipo. Na mukatumye cipo mulaakuba kabotu alimwi mulaakwishiba ncaalinga kunoomutondeshesha bukali.”