Dutolonomi 16:11 - Baibo Busansulushi Bwa Libuku Ili

¹¹ Mwebo pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu, mulyeelete kusangalala kunembo lya Mwaami Lesa, Lesa wanu kumusena womwi uyo wakulambililaako.

Dutolonomi 16:11 ပူးပေါင်းရင်းမြစ်များ

Kulonga 20:24

Mumpangile cipaililo ca bulongo apo mpweshi mubengele milambu ya mbelele, mpongo alimwi aŋombe isho sheshi shitentwe shoonse, alimwi ayi shibe milambu ya bwanabwankashi. Pamusena woonse mpweenga ndasala ayi munoonambilila, ndaakwisa kuli ndimwe mukumupa coolwe.

Isaya 64:5

Mulacafwa bantu abo basuni kucita shiluleme ee, kucafwa baabo beebaluka nshila shanu shibotu. Twakamukalasha sombi twakatolelela kubisha. Ndushinisho nakubi kwaamba ayi mwakakalala pali ndiswe kuswabo kale kale tatuna kucilekaawo kubisha.

Jowelo 1:16

Amubone shakulya shanyonyoolwa kutulangilisha ameenso esu. Kusangalala akukondwa shamana muŊanda yakwe Lesa?

Abakuku 3:18

ndaakusekelela muMwaami Lesa, ndushinisho ndaakusangalala muli Lesa, Mupulushi wangu.

Bene Loma 5:11

Sombi teshi ceeci ceenka, tulasangalala muli Lesa ceebo Mwaami wesu Jesu Klistu wakalengesha ayi alimwi tube beshicibusa bakwe Lesa.

2 Bene Kolinto 1:24

Tatutokweelesha kunoomulwiita pasheesho nshemweelete kushoma. Ceebo tulishi kale kwaamba ayi muli bayumu mulushomo. Anu tutoosebenselabo pantu pomwi ayi mukeendeewo kusangalala.

Dutolonomi 12:12

Mukanoosangalala pameenso a Mwaami Lesa, pantu pomwi abana banu, basebenshi banu alimwi abene Lefi bekala mumandabalaanu. Sombi mulyeelete kwishiba ayi bene Lefi teshi bakabe acishi cinebo beene, sobwe.

Dutolonomi 12:18

Mwebo abana banu pantu pomwi abasebenshi banu alimwi abene Lefi bekala mumandabalaanu mulyeelete kulita shipo isho pameenso a Mwaami Lesa, Lesa wanu mumusena womwi uyo wakulambililaamo uyo mwiine ngwaakasala. Mulyeelete kusangalala pashintu shoonse nsheshi mukanoosebensela.

Dutolonomi 12:5

Pakati ka shipansha sha shishi mweshi mukanooli mikowa yanu yoonse, Mwaami Lesa ulaakusala musena womwi, uko bantu nkweshi bakanoosa mukumulambilila.

Dutolonomi 12:7

Lyalo mwebo abamumaandaanu, mulaakunoolya akusangalala mushintu shibotu isho nsheshi mukanoosebensela pameenso a Mwaami Lesa, Lesa wanu mukwiinga wamupa coolwe.

Dutolonomi 14:29

Shakulya ishi nsha bene Lefi mukwiinga balo taaku cipansha ca cishi ncebakapekwa, alimwi nsha baswamashi, bana banshiwa kubikaawo abamukalubinje banakashi bekala mumandabalaanu. Balyeelete kunoosa mukubwesa shoonse nshebasuni. Mukanoocita boobo kwaamba ayi Mwaami Lesa, Lesa wanu akamupe coolwe mumilimo yanu yoonse.

Dutolonomi 16:10

Lyalo mukalemeke Mwaami Lesa, Lesa wanu, mukabe akusekelele kwaKutebula kwiinda mukumupa cipo cakulyaaba, kweelana ashoolwe nshaakamupa.

Dutolonomi 16:14

Mukasekelele pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu.

Dutolonomi 26:11

Mpeeke mwebo abana banu mulyeelete kusekelela pashintu shoonse Mwaami Lesa, Lesa wanu nshaamucitila. Bene Lefi alimwi abaswamashi mbomwikalaabo bakasekelele pantu pomwi amwebo.

Bene Filipi 4:4

Amusangalale muMwaami lyoonse alimwi ndaamba ayi, amusangalale!