Dutolonomi 16:1 - Baibo Busansulushi Bwa Libuku Ili

¹ “Kamulemeka Mwaami Lesa, Lesa wanu kwiinda mukusekelela bushiku bwa Pasika bwakwiibaluka kusotokela mumweenshi wa Abibu. Mukwiinga mumweenshi uyu, ciindi ca mashiku, Mwaami Lesa wakamukusha mucishi ca Ijipiti.

Dutolonomi 16:1 ပူးပေါင်းရင်းမြစ်များ

Kulonga 12:51

Pabushiku bweenkoobo, Mwaami Lesa wakakusha mikowa ya bene Isilaeli mucishi ca Ijipiti.

Kulonga 13:3

Mpomunyaawo Mose wakaambila bantu ayi, “Amwiibaluke bushiku ubu, ubo mbomwakaswa mucishi ca Ijipiti umo momwakalinga basha. Ubu mbobushiku Mwaami Lesa mbwaakamukusha kwiinda munkusu shakwe shiteelekwa acimwi cintu. Pabushiku ubo tamweelete kulya shinkwa.

Kulonga 13:4

Mwebo mwakaswa muIjipiti pabushiku ubu mumweenshi wa kutaanguna wa Abibu.

Kulonga 23:14

“Kamusekelela mankanda otatwe pamwaaka kwaamba ayi mulemeke ndime.

Kulonga 23:15

Mumweenshi wa Abibu, uyo ngomwakaswitamo muIjipiti, mulyeelete kusekelela kulya Cimaande akucita kweelana ambondakamwaambila. Munshiku shili shosanwe ashobilo shakusekelela uku, tamweelete kulya shinkwa nabi kwisa mukunambila maansabo.

Kulonga 34:18

“Mulyeelete kulama bushiku bwakusekelela kulya cimaande. Kweelana ambondakamwaambila, mukanoolya cimaande kwa nshiku shili shosanwe ashobilo mumweenshi wa Abibu, ceebo ngomweenshi ngomwakaswa mucishi ca Ijipiti.

Bene Lefi 23:5

“Kusekelela kwa bushiku bwa Pasika bwakwiibaluka kusotokela, uko kucitika mukulemeka Mwaami Lesa, kulatalika macolesha pabushiku bwalikumi ashone mumweenshi wakutaanguna.

Shakubelenga 28:16

“Ono kusekelela kwa bushiku bwa Pasika bwakwiibaluka kusotokela mukundemeka neMwaami Lesa kulyeelete kucitwa pabushiku bwalikumi ashone bwa mweenshi wakutaanguna.

Luka 2:41

Bashali bakwe Jesu bakalinga kuya kuJelusalemu lyoonse pamwaaka pabushiku bwa Pasika bwakwiibaluka kusotokela.

Joni 2:13

Paciindi ico, bushiku bwa Pasika bwakwiibaluka kusotokela bwakalinga pafwaafwi, aboobo Jesu wakaya kuJelusalemu.

Joni 5:1

Pesule Jesu wakaya kuJelusalemu uko kwakalinga kusekelela kwa baJuda.

Joni 6:4

Paciindi ico bushiku bwa Pasika bwakwiibaluka kusotokela bwakalinga pafwaafwi.

Dutolonomi 16:2

Mukanooya kumusena womwi wa kulambililaako akucaya ŋombe nabi mbelele nkomunya uko, ayi nja bushiku bwa Pasika mukulemeka Mwaami Lesa, Lesa wanu.