Dutolonomi 15:11 - Baibo Busansulushi Bwa Libuku Ili

¹¹ Mulyeelete kwishiba ayi lyoonse palaakunooli bene Isilaeli bamwi bakandu abo bayandika kucafwikwa. Paceebo ceeci, ndamwaambila ayi mulyeelete kunoobanyumfwila nkumbu akubacafwa.

Dutolonomi 15:11 ပူးပေါင်းရင်းမြစ်များ

Kulonga 23:11

Sombi mumwaaka wasanu ayobilo, tamweelete kulimaamo alimwi akutebula cintu nabi comwi ceshi cikamene mumo. Bakandu inga balya shili mumyuunda umo, abalo banyama bamuluundu inga balya nsheenga shacalaamo. Mulyeelete kucita mbomunya ubo mumyuunda yanu ya minyansa alimwi aya shisamu sha olifi.

Tushimpi 19:17

Kucafwa bakandu, cili anga nkukongosha Mwaami Lesa, lyalo Mwaami Lesa alaakubooshesha kweelana ambowakapa.

Tushimpi 22:2

Muntu mubile taapuseneewo amukandu ceebo nguMwaami Lesa wakalenga boonse bobilo.

Tushimpi 31:20

Ulafungulula lyaansa kubakandu, ncakwiila bapengete ulabacafwa.

Esekelo 18:7

Taalyatilili muntu nabi womwi, sombi ulapilusha cintu ncaakacatila kushinkongole. Taaciti bupambi, sombi ulapa shakulya kubaabo bafwite nsala akupa shakufwala abo batacite.

Mateyo 26:11

mukwiinga bakandu muli abo nshiku shoonse, sombi nebo teshi nooli anu lyoonse.

Mateyo 5:42

Aba cintu kumuntu woonse wakusenga alimwi uyo utooyanda kubweleka utamwiimi.

Maako 14:7

Mukwiinga bakandu muli abo nshiku shoonse alimwi ciindi coonse na kamusuni kubacafwa, inga mwabacafwa. Sombi nebo teshi nooli anu lyoonse.

Luka 12:33

Amuulishe buboni mbomucite, maali mupe bapengete. Amulilangweete mpotomona shitabooli alimwi amubike buboni bwanu kwiculu nkweshi bukabule kuceya mukwiinga taaku beepi beenga bashikaako atubambala tatukoonshi kubunyonyoola.

Joni 12:8

Bakandu muli abo nshiku shoonse, sombi nebo teshi nooli anu lyoonse.”

Milimo ya Batumwi 2:45

Nkokwaamba ayi bakalinga kuulisha buboni bwabo, ashintu shoonse nshebakalinga kucite akwaabanya maali kweelana akubula kwa muntu womwi awomwi.

Dutolonomi 15:7

“Ono na mundabala imwi mucishi ico Mwaami Lesa, Lesa wanu ncatoomupa muli mwine Isilaelinyinaanu utacite shiyandika mubuumi, tamweelete kuba boonyu mukutamucafwa.

Dutolonomi 15:8

Mulyeelete kuba amyoyo ibotu akumupa shoonse nshaatacite.